Lasslaw von gots gnaden zu Hungern zu Behem (etc.) Kunig
Herzog zu Osterreich vnd Marggraf zu Merhern (etc.)

Ersam weisen lieben getrewn Vns hat angelangt Wie der Edel vnser lieber getrewe Han(n)s Zaginatski
von der Kunstat das Sloss Kewsspig nahen bey ew gelegen das vnser Herr vnd Vater kunig Albrecht
loblicher gedechtnisse mit grossem darlegen von der Ingriff wegen die dauon den lannden Osterreich
vnd Merhern beschehen sind zu sein hannden bracht vnd das zubrechen vnd verwüsten hab lassen yez
wider aufgefangen hab vnd main zepawen daraus vns ew lannd vnd lewten künfftiklich schaden
awfersteen mochten. Emphelhen wir ew was Ir in ewr gewaltsam von briefflicher vrkund hiett vnd
was ew darumb wissentleich sey Vns das anueziglichen zusendet vnd zu wissent tüt Daran tüt Ir
vns güt geuallen vnd vnser maynung. Geben zu Polenn an Montag vor sand Philipp vnd sand
Jacobs tag. Anno dom(ini) (etc.) Lquinquagesimoquinto. Vnserr Reich des hungerischen (etc.) im funfze
henden vnd des Behemischen im andern Jaren

p(er) d(omi)n(u)m
Regis