Jesus + Maria.
Fr(ater) Theodorus à Cruce, Provincialis Provinciæ S(anctissi)mi Sacramenti Ger,,
maniæ, Fratrum Discalceatorum, Ordinis B(eatissi)mæ V(irgin)is Mariæ de
Monte Carmelo, Congregationis S(ancti) Eliæ. Omnibus Præsentes
inspecturis Salutem in Domino Sempiternam.
Cum ad propagandam B(eatissi)mæ V(irgin)is Mariæ de Monte Carmelo Confrater,,
nitatem et Cultum Eiusdem promovendum desiderium suum exponi Nobis
fecerit Ad(modu)m R(everen)dus, Eximius ac Doctissimus D(omi)nus Andreas Peymer
Sacri Ordinis S(ancti) Benedicti, in Libero ac Exempto Monasterio SS(anctorum) Petri
et Pauli, Rayhardij in Marchionatu Moraviæ Professus, ibidemq(ue)
animarum Curatus dignissimus, enixéque à Nobis petierit, ut Ei Li,,
centiam Scapularia à Confratribus dictæ Confraternitatis gestari so,,
lita benedicendi ac distribuendi impertiremur. Nos tam pio Ipsius
desiderio satisfacere, simul et spirituali fidelium profectui consulere,
et, quantum in Nobis est, providere volentes, facultatem Ei et li,,
centiam, quatenus Scapularia iuxta formam à Nobis usurpari soli,,
tam benedicere, eáque utriusque sexûs fidelibus in suo districtu
existentibus distribuere liberè possit ac valeat, tenore Præsentium
concedimus: qui verò ab Ipso ad Confraternitatem admissi fuerint,
ijsdem Privilegijs, Gratijs ac facultatibus, nec non bonorum omnium
Spiritualium Ordinis N(ost)ri participatione gaudebunt, quibus gauderent,
si à Nobis ipsis admitterentur; quorum nomina destinato ad hoc libro
descripta quotannis ad Conventum n(ost)rum Viennensem pro opportuni,,
tate transmittantur Præsentibus usque ad finem Aprilis huius 1700(mi)
Anni duraturis. In quorum fidem Præsentes officij N(ost)ri Sigillo mu,,
nitas ac propriâ manu subscriptas dedimus Viennæ in Conventu N(ost)ro
S(anctæ) Mariæ de Monte Carmelo et S(anctæ) M(atris) N(ostræ) Theresiæ die 4. Martij A(nn)o 1700.
Fr(ater) Theodorus a Cruce Pro(vincia)lis.