Joannes Baptista DEI gratia Episcopus Brunensis &
Authoritate Nostra ordinaria Admodum Reverendo, et Amplissimo Domino Othmaro ord: S(anc)ti
Benedicti antiquissimi Monasterii Rayhradensis Præposito, et Marchionatus Moraviæ Prælato facultatem in Domino
concedimus, ut in Oratorio arcis Rebeschoviensis abusibus profanis segregato, ad hoc decenter exstructo, ornato, et
omnibus ad sacrificandum necessariis apparamentis proviso super Altari Portatili diebus festis, et feriatis (exce=
ptis Nativitatis, Paschatis, Pentecostes, Corporis Christi, Annunciationis B. V. Mariæ, et Dedicationis Ecclesiæ
festivitatibus) tam Ipse Dominus Orator, quam Religiosi ejusdem, Missam celebrare possint, cui famulitium
summe necessarium, tum et Nobiles hospites cum necessario quoque famulitio licite, ac valide interesse, et illam
audiendo præcepto Ecclesiæ de audienda Missa satisfacere valeant: Reliquus vero populus Ecclesiam parochialem
frequentare teneatur. Quæ facultas ad Placitum Nostrum duratura conceditur ea expressa lege, ut absque mini=
mo Ecclesiæ parochialis præjudicio id fiat, et quæcunque de Oratoriis privatis altissime sancita sunt, exactissime ob=
serventur, atque præsens Indultum in dicto Oratorio publice exponatur. Datum in Residentia Nostra
Episcopali Brunæ die 31. Julii 1787.