BENEDICTUS PP(A) XIV
Universis Ch(r)istifidelibus p(rae)sentes l(itte)ras inspecturis Sal(ute)m et Ap(ostoli)cam Ben(edictionem). Ad augend(am) Fidelium Religionem et animarum sal(ute)m coelestibus Eccl(esi)ae thesauris pia charitate intenti, o(mn)ibus utriusque sexus
Ch(r)istifidelibus vere poenitent(ibus) et confessis ac Sacra Comm(union)e refectis, qui Eccl(esi)am Paroch(ialem) SS. Joannis Bapt(ist)ae et Venceslai Loci Ottaslawicens(is) nullius seu Olomucens(is) Dioeces(is) (a Monachis Ordi-
nis S. Benedicti dependen(tem)) in qua unica tantum indulgentia Plenaria reperitur concessa, Die festo Nativitatis B. M. V. a primis vesperis usque ad occasum Solis diei huiusm(od)i singulis annis devote visi-
taverint et ibi pro Ch(r)istianor(um) Principum concordia, haeresum extirpatione ac S. Matris Eccl(esi)ae exaltatione pias ad Deum preces effuderint, Plenariam omnium peccatorum suorum indulgentiam et remissionem
misericorditer in D(omi)no concedimus. Insuper eisdem Ch(r)istifidelibus etiam vere poenitent(ibus) et confessis ac Sacra Comm(union)e refectis, p(rae)fatam Eccl(esi)am in reliquis quatuor festivitatibus B. M. V. saltem de praecepto Ecclesiae
ut supra visitant(ibus) et ibi orant(ibus), quo die p(rae)dictor(um) id egerint, septem annos et totidem quadragenas de injunctis eis seu alias quomodol(ibe)t debitis poenitentijs in forma Eccl(esi)ae consueta relaxamus. P(rae)sentibus ad
Septennium t(antu)m valituris. Volumus autem ut si pro impetr(atione), p(rae)sentatione, admissione seu publicatione p(rae)sentium aliquid vel minimum detur aut sponte oblatum recipiatur, p(rae)sentes nullae sint. Dat(um) Romae
apud S. Mariam Majorem sub annulo Piscatoris die 11. Augusti MDCCXLIX. Pont(ificatus) N(ost)ri Anno Nono
Gratis pro Deo et S(ancta) Eccl(esi)a
Pro D(omi)no Cardinali Passioneo
Joannes F(ranciscus) L(aurentius) subst(itutus).