INNOCENTIVS PP(A)PA XI.

Vniuersis Ch(rist)ifidelibus p(re)sentes l(itte)ras inspecturis salutem et Ap(osto)licam ben(edictionem). Ad augend(am) fidelium religionem et a(n)i(m)ar(um) salutem celestibus Eccl(esi)e the(sauris) pia charitate intenti: O(mn)ibus vtriusq(ue) sexus
Ch(rist)ifidelibus vere poenitent(ibus) et confessis ac sacra Co(m)munione refectis, qui Collegiatam ac Insignem Eccl(esi)am SS. Petri et Pauli Ap(osto)lor(um) Oppidi de Bruna Olomucen(sis) Dioc(esis) tuen(tis)
sub Patrocinio Cui(us) Eccl(esi)e, eiusq(ue) Cappellis et altaribus siue o(mn)ibus siue illis eamq(ue) seu eas vel ea, aut illar(um) seu illor(um) illas vel illa ex(tra) q(uam) si litan(ias) nulla alia indulgentia p(er)petuo concessa
in eorund(em) SS. Petri et Pauli Ap(osto)lor(um) ac S. Barbarae Virginis et martyris festis diebus a primis Vesperis vsq(ue) ad occasum solis festor(um) h(uius)mo(d)i singulis annis deuote visitauerint,
et ibi pro Ch(rist)ianor(um) Principum concordia, haeresum extirpatione, ac S(anc)tae matris Eccl(esi)ae exaltatione pias ad Deum preces effuderint, quo die p(rae)dictorum id egerint, Plenariam o(mn)ium
peccator(um) suor(um) indulgentiam et remissionem misericorditer in Domino concedimus. P(rae)sentibus ad septennium t(antu)m valituris. Volumus autem vt si alias p(ro) p(rae)dictis diebus
in quocunq(ue) ex aliis anni die dictam Eccl(esi)am, seu Cappellam, aut altare visitantib(us) alia aliqua indulgentia perpetuo vel ad tempus nondum elapsu(m) duratura
concessa fuerit, v(e)l si pro impetratione, p(rae)sentatione, admissione, seu publicatione p(rae)sentium aliquid vel minimum detur, aut sponte oblatum recipiatur, p(rae)sentes nullae sint.
Dat(um) Romae apud S. Mariam maiorem sub Annulo Piscatoris, Die xx. Maij M. DC. LXXXIX. Pontificatus N(ost)ri Anno Decimotertio.

J. F. Albanus