Nos Mathias dei gracia Hungarie Bohemie Dalmacie Croacie (et)c(etera) Rex Marchio Morauie Lucemburgensis et Slesie dux (et)c(etera)
Notum facimus tenore presencium vniuersis q(uod) ad nostram regalem accedens excellenciam Religiosus et deuotus pater frater
Paulus prior domus sancte Trinitatis in Cralowepolo prope Brunam ordinis Cartusien(sis) suo ac fratrum suorum nomine
per medium Reueren(di) in (Christ)o patris domini Prothasy ep(iscop)i olomucen(sis) principis et deuoti nostri dilecti nobis humiliter supplicauit
(et) eius duas villas Bebrawicz videlicet et Mlatna pro eorum monasterio gratiose intabulare iuberemus Que quidem ville
iure hereditario deuolui potuissent ad religiosos viros fratres Cartusien(ses) ac legittimos filios domine Katerine relicte
quondam Stephani lange ciuis Brunen(sis) fratrem videlicet Anthonium priorem prefati ordinis in dolano ac eiusdem
germanum fratrem Bernhardum professum dicti ordinis in Gemnicz Si seculares permansissent qui partem hereditatis
sue ante professionem pro monasterio antedicto Cartusien(si) prope Brunam legittime ordinauerunt deputauerunt atq(ue) tra
diderunt Et nichilominus ex singulari deuocioni eciam ceteri coheredes de vnanimi assensu et libera voluntate et certa
sciencia similiter assenserunt in diuisioni porcionis hereditarie inter se facte vt antedicte ville ad supradictum monasterium
deuoluentur Nos igitur specialem deuocionem ad sacrum ordinem Cartusien(sem) gerentes et de eius meritis ac profectu
plurimum aput deum confidentes peticionibus ipsorum gratiose inclinati non per errorem aut impuide sed animo deliberato
et de certa n(ost)ra sciencia vobis capitaneo Marchioni ac iudici Morauie omnibus committimus et mandamus Cuius duces
Barones prefati nostri Marchionatus inuitos ad predictas tabulas terre dum et q(ua)ndo primum apperte fuerint ad
Camerarium atq(ue) Iudicem et notarium supremos eiusdem Brunen(sis) iurati deputetis auctoritate Regia eisdem precipien(tes)
Quat(enus) dictas villas Bebrawicz et Mlatna cum omnibus suis iuribus ac pertinenciis ac integre pro monasterio Cartusien(si)
notato priori quoq(ue) et Conuentui ipsius dum per ipsos peticionibus requisiti fuerint intabulare in tabulis terre anote
omni condicione procul mota non omittant Presencium sub appensione n(ost)ri regalis sigilli testimonio litterarum Dat(um) Brune
feria quinta post festum assumpcionis sancte marie Anno domini Millesimo Quadringentesimo Sexagesimonono Regnorum
nostrorum Hungarie duodecimo Bohemie vero anno primo
Ex comissione domini Re
gis m(ihi) Iaco(bo) d(e) Kiniz vicecancell(ario)