Wir Augustin von gots gnaden dy zeit abbt zu auelh Bekennen das vns der Ersam geystlich her her Symund dy zeyt p(ri)or des Gotzhauß vnserfrawen thron In Krunnaw kartheuser ordens Furbracht
hat ainen brieff auff pergamen geschriben von wern agnesen hannsn des elltern vnd agnesen hannsn des Jungern gebrudern der lannge(n) von Brunn Weiland Steffans des langen daselbs selig gedechtnus sunn(en)
mit ainer anhangund(en) Insigln Vnd hat vns mit fleys dz wir den selbn brieff sehn lesn horn vnd jm des anse(r) vidimus gebn solln das wir durch seiner zymlich pet willn getan Vnd den selbn brieff gannczen besigltn
vnd vnuerse(r)tn gesehn gelisn vnd gehort habn Vnd laut von worten zu worten als hie stet Ich agnesen hanns der ellter Vnd Ich agnesen hanns der Jung gebruder dy lannge(n) von Brunn Weylant Steffans des langn
daselbs selig gedechtnus sunn Bekennen fur vns vnd all vnser erbn vnd tuen kundt menigklich den der brieff furkumbt geczaigt oder gelesn wirdt Das wir wolbedechtlich mit ains freyem guetem willn vnd mit
gesundem leibn mit gueter vernuft zu gebn da wir das auf gerichtt mocht(n) stetigt vnd vestigk geordnt vnd beschaidn habn Ordnen vnd beschaidn auch wissentlich in krafft des brieffs das vnser agnesen mit nam Katerin weyndt
Hannsn des Bynczarn daselbs zu Brunn vnser liebn swester tochter all vnser vaterlich erbtaill vnd gerechtigkait So wir von vaterlicher erbschafft wegn auff allen anligend(en) erbgiettern Vnd besun(der) vmb
vnd vmb das haws Vnd dy vnser benanten liebn vater selig gedechtnus mit seinem abganck mit dem tod hynder jm lassn hat wo dy gelegn vnd wie dy genant sein Nichts außgeczogn noch hyndan gesaczt gehabt habn Als
das dy selb vnser liebens agnesen dyesselbn all vnser vaterlich erbtaill vnd gerechtigkait auff denselbn erbgiettern hewsern vnd grunden Innhabn nuczn vnd nyessn sol vnd mag yre lebtag vnd dan nach yrem tottn sulln selb
leibding erbn vnd genalln auff vnseres klosters geswister So wir von vnserm vater selign Vnd von vnser benanten agnesen apstamender habn Vnd auch auff vnsern liebn bruder agnesen halbn mit Nam Wilhelbm
den sy mit vnserm benanten stieffvater hannsn dem Bynczarn hat der auch In den selbn vnsern vaterlichn erbtailln vnd gerechtigkaitn weydenn Ingewebt vnd genalln sindt dy wir anse(r) liebn agnesen in ainer besun(der)
weys geordnt vnd beschaidn habn Nach yrem abganck vmb dy andern gemelltn vnsern geswister(n) seinen gelingn erbtaill habn sol In aller weys vnd gerechtigkait als ob er In den selbn vnsern vaterlichn erbtailln dy vns
Nun Inggenalln sindt ains vaterlichn erbschafft vnd gerechtigkait het Doch ob vnser bemellter geswister oder benanter agnesen vberlebt ains oder merig(er) Vnd wolt(n) dann sy selb des gemelltn vnsers vaterlichn vnd
tayls vnderwind(n) So sulln sy es nach der bemelltn vnser liebn agnesen abganck mit dem tod von den gemelltn vnsern vaterlichn erbtailln vnd gerechtigkaitn Vmb gotz lob vnd den benanten vnsern liebn vater vnd muet(er)
yren seeln vnd alln vnsern vorvordern vnd nachkumen zu haylsamlich(er) aufnemung Verczihn vnd gebn Dem erwirdign Gotzhaws kartheuser ordens In Kunnigsfeld(n) den geystlichn yssnen daselbs zehen schock gross Vnd
den Armen lewtn In das spital zu Brunn gwannd(n) sechtz gross Auch beschaidn fur von denselbn vnsern vaterlichn erbtailln vnd gerechtigkaitn dann aufgericht vnd volbrachtt lassn den benanten vnsern vater vnd muet(er)
auch alln vnsern vorvordern yren seln vnd haylsamlich(er) zu hilff vnd zu trost alln glawbigen seln hundert gross an anslach In ainem aignen Zinsbrieffn alles on all waigerung vnd anfechtung vngeuarlich Darumb
putn wir dy den p(ri)or Vnd den conuent der selbn zeitt p(ri)or In Kunnigsfeld(n) kartheuser ordens wirdet sein Vnd den spitalmaister zu Brunn der daselb zeit daselbs spitalmaist(er) ist Das sy als geschefft(er)n darob sein das das alles
also volbracht vnd volendt wrde Es ist auch vnser aignung ob sich gepurt das vnser benanter liebn agnesen aus denselbn vnsern vaterlichn erbtailln etwaz v(er)kaufft wrde der ob man der gult ains oder merig(er)
dy auff ainem widerkauff oder stat stet widerkaufft der list wrde So sol dasselb gelt wider angelegt wrd(n) Vnd schulln dyesselbn v(er)kauffung losung vnd widanlegung beschechn mit ratth der benanten p(ri)or vnd burger
maister das man das nach yrem tod weys beschechn Vnd vber ob sich gepurt das vnser obgemellter geswister alln mit dem tod abgiengn vnd vns allain vnser bruder agnesen halbn der wilhelbm In lebn belib So habn
wir vns vorbehaldn das dann nach vnser agnesen abganck dyesselbn vnser vaterlichn erbtaill vnd gerechtigkait So wir yre beschaidn vnd geordnt habn auff vns genalln schulln oder wem wir dy ordnen vnd beschaidn als
Hiernach In dem brieff augedruckt In ainer ordnung begriffn vnd erklerter wirdet Doch sol demnach vnsern benanten liebn bruder dem Wilhelbm aus denselbn vnsern vaterlichn erbtailln den wir als ob er In den selbn
Inne(n) geordnt vnd beschaidn habn sein gling(er) taell nebn vnser ainung genalln das wir jm also In guetthatt wol gunnen vnd genalln welln Also wirdign ob vns von disem geswister(n) In andern vaterlichn erbtailln v(er)sicht(n) zweifel
darumb sol er vns kainen geding mach(n) Es wer vor ob nach vnser agnesen tod vngeuarlich Auch habn wir geordnt vnd beschaidn ordnen vnd beschaidn auch wissentlich In krafft des brieffs den geystlichn dem p(ri)or dem conuent vnd ganczn gotzhaws In
vnserfrawen thron In Krunnaw kartheuser ordens Auch dem p(ri)or dem conuent vnd ganczn gotzhaws In Kunnigsfeld(n) bey brunn desselbn ordens all vnser zutall erbtaill vnd gerechtigkait So hynder vns agnesen hannsn vnd agnesen hannsn
selig wegn nach abganck vnser benanten liebn muet(er) vnd agnesen dy Kunnigsfeld(n) daselbs zu brunn yres vaters vnsern liebn bruder vnd seines ganczn erbtaill nebn leibding oder am ansehn geswister(n) oder wem wir das wie auff
vns geerbt oder genalln mocht(n) Es wer manlig(er) oder weiblicher oder In wem das hab wo vnd In welich(n) geseßn ob herschafftn das alles gelegn vnd wie das genant ist allenthalbn nichts außgeczogn noch hyndan gesaczt Vnd alles hyndan
belassn Also das dy benanten p(ri)or dy conuent dy dann zu den selbn zeittn bey den selbn benanten bayden gotzhaws(er)n kartheuser ordens sindt oder yre anwalt von yren wegn So sich das gepurt selb all vnser zutall erbtaill vnd gerechtig
kait In yren benant(n) bayden gotzhaws(er) handn fassn Inhabn vnd Inpringen sulln vnd mugn mit aller gerechtigkait vnd gwalt ebn als ob wir das alles als namlich erbn selbs pfantlich tetn vnd getuen mocht(n) Wir all ob In den
yren bemelltn ganczn gotzhaws(er)n vns ledig außcziehn oder hinfur darczu ansprechen(n) von vns oder von vnsern erbn oder von wem das wer mit geystlichn oder weltlichn rechtn Das schulln sy alles vnd an alles stat mit dem vestn rechtn behaldn vnd
erlangt habn Vnd wir vnd vnser erbn gein jm bleibn Mit vrkundt des brieffs besiglt mit den edln v(er)siegln des furstn dy zeit pfleg(er) zu kauff(n) Vnd Symundn des peunner dy zeit pfleg(er) zu eibenschicz durch vnser fleyssig pet willn
bayder anhangund(n) Insigln Doch jm vnd alln yren erbn on schadn Der vnder wir vns fur vns vnd all vnser erbn In disem brieff v(er)pind(n) vnd fur behaldn alle Innhaldung des brieffs Des sindt gezeugn durch vnser fleyssig pet willn
Dy edln Caspar gallnstorff dy zeit pfleg(er) zu krunnaw Vnd mert(n) hardeckh(er) dy zeyt pfleg(er) zu Nidernhard(n) mit yren anhangund(n) Insigln doch jm vnd alln yren erbn an schadn Der brieff ist gebn am eytag vor sandt wenczla(us)
Nach krists gepurdt vierczehnhundert Vnd In dem vierundfunffczigst(n) Jare Mit vrkundt des vidimus besiglt mit vnserm anhangund(n) Insigl Doch vns demselbn vnsern gotzhaws vnd alln vnsern nachkumen on schadn geschribn zu
auelh am sandt Vlasien tag des heylign marte(r) Nach krists gepurd vierczehnhundert Vnd In dem zwayundachtczigstn Jare