Nos wladislaus dei gr(ati)a hungarie Bohemie dalmatie Croatie Rame Seruie Gallicie lodomirie Cumanie Bulgarie q(ue) Rex Marchio Morauie dux Slesie et
lucemburgensis ac Marchio lusacie (et)c(etera) Ad perpetuam rei memoriam Notum facimus tenore presencium vniu(er)sis Quod lic(et) ex regie celsitudinis debito sacrosanctam
religionem katholicam augere pro viribus sacros q(ue) dei ministros quo liberius oracionibus vacent exterioribus et vite suffragiis cumulare teneamur Sacer t(ame)n ordo
Karthusiensium ex eo nos magis monet q(uo)d in eo militantes duriore vite instituto et maiore sanctitatis norma incedunt minus q(ue) q(uam) ceteri mundanis illecebris duci per
spirant Cum itaq(ue) honorabilis ac religiosus Michael prior Monasterii sancte Trinitatis in kunig(es)ffeld(um) prope Brunnam ordinis Cartusiensium fidelis nobis
dilectus Maiestatem nostram accederet Supplicans ut omnia et singula predecessorum nostrorum diue memorie priuilegia dicto Monasterio multis ab annis co(n)
cessa confirmare dignarem(ur) id eo libentius suscepimus quo maiore studio sancte huic ipsorum professioni afficim(ur) de regie ergo p(otes)tatis n(ost)re plenitudine ac sano
procerum n(ost)rorum accedente consilio In p(ri)mis et ante omnia priuilegium illustris olim principis domi(ni) Johannis Marchionis Morauie predecessoris n(ost)ri felicis me(m)orie
in omnibus et singulis clausulis articulis et punctis acceptamus approbamus confirmamus ac presencium tenore in omnibus et p(er) omnia Innouamus ac ra
tificamus decernentes hoc n(ost)ro regio edicto vt ab omnibus sancte illibate ac inuiolabilit(er) custodiatur ita ut p(er) singulos articulos in originalibus l(itte)ris expressis p(er)spiciat(ur)
Suscipimus preterea et aliud priuilegium Serenissimi principis Georgii Bohemie regis predecessoris n(ost)ri vt domus fratrum in ciuitate Brunnensi prope Eccle
siam parochialem sancti Jacobi situata plena libertate gaudeat immunis q(ue) sit ab omni solutione losunga atq(ue) quacu(m)q(ue) alia exactione aut contributione p(ro)ut etia(m)
in hac parte firmissimo accedente edicto Nec non et l(itte)ras quasdam Johannis prepositi et Barbare priorisse tocius q(ue) conuentus Monasterii Cunicensis premon
stratens(is) ordinis pro libertatione Juris montani ac decimarum vinee in Rosspergk Et qualiter omnes libertates gratias Jura et priuilegia ordinis ita veluti
his ab instone ipsorum tradita noscunt(ur) bona q(ue) insuper donationes confirmationes ac immunitates cum omnibus laudabilibus et ab antiquo obseruatis consue
tudinibus Mandantes omnibus et singulis subditis n(ost)ris cuiuscu(m)q(ue) status aut preeminencie existant ne quid eorum que in prefatis priuilegiis p(er) singulos arti
culos c(on)tinent(ur) ausu temerario infringere aut sup(er) aliquo predictos fratres inquietare aut molestare presumant Sub indignationis n(ost)re interminatione gra
uissima penis q(ue) arbitrio nostro aut successorum n(ost)rorum imponendis quas contrafacientes indubie se nouerint incursuros In quorum quidem omnium fidem et
testimonium maiorem q(ue) firmitatem et robur Sigillum nostrum quo tanquam Hungarie et Bohemie Rex vti consueuimus his l(itte)ris appendi precepimus
Datas prage duodecima die mensis Aprilis Anno xp(ist)i Millesimo quadringentesimononagesimoseptimo Regnorum autem nostrorum Hungarie p(er) septi(mum)
Bohemie vero vicesimosexto
Ad Relacionem Mag(ist)ri domi(ni) Joannis de Schellenberg Supremi Cancellarii Regni Bohemie (et)c(etera)