Meyn dinst vnd besinnen vns weisen lieben frunde auch ist ankomen schrifft vnd auffschreibn
von dem Rate vnd ganzer gmein der stad Breslaw anseende dorynne ich angezogen werde
von wegen von hanns von wesenbg der vmb seyne offinbar pordint vnd bekentliche missetat
mit rechte zun tode geurtelt vn(d) gericht ist worden Befremdet mich faste das sulche vnzem=
liche schrifft wan mir mit ewrm wissen vn(d) willen außgeet welche schrifft sundlichin ynne
heldit wie ich des hochwirdigen h(er)rn h(er)rn Jodocin Byschoffe zu Creten des heiligen Romi
schen stuls zu der zeit legatn ewr pfande vnd vngere gesucht habe ewrn gelimp domite
berurt wie denne die selbe ewr schrifft mit mehr wortn ynhelt Nu ist vnuerborgen vn(d)
wolgemerken wer euch off suliche schrifft furet vnd anweisung gabe das mir von dem
selbm vnuschulte sachin zugemessn worden nemlich ebene ich keynerleit vngepurlichkeit
ye gesucht habe die sulche die do weder den Bebistlichn stul ader euch gemeyne der
stad ewr Es ist bey vnd nebn der vrtelung vnd gerichtis volfurung ewr der gemeynde
ny gedocht worden denne das alleine der selbe hanns von wesenbg in seyn bekant vor=
reterey offintlichin vn(d) namhafftichlichin vor h(er)rn Rittrn vn(d) knechten vn(d) burg(er)n somerge=
licher zal do bey gehafft seynt gesaget bekant vn(d) entdekt hot wie Anthonig hanns
Balentin hannolt pet(er) Rot vnd cleynman die vier alleyn die ewr miteburg(er) vn(d) Jnwon(er)
sint suliche vorreterey vn(d) missetat durch sich selbis vn(d) vnderenander vngericht vnd
gehandilt haben durch mittunge vn(d) bestellung suliche boßheit zuenden daraus menglich
vorsteen mag das die selbn mit sulichin obgemelten schrifften in ewr namen awßgeende
sich vorantwrtin vnd euch die gemeynde dorey mite zusmixn do durch sie ir boßheit
zudeken meyne vn(d) vorbergen das aber allermeinlichste vorstee der obgeschribn sachin
halbn so an dem genante von wesenbg gescheen sint durch meynes eren vn(d) gelimpcs
willin das ich mich dorynne auffrechtiglichen als eyns fromen vnuerruckten Ritt(er)s
zusteet vn(d) von g(er)echts wegen gepurt gehalden habe vnd das der genante von we=
senbg vmb suliche vorreterey vnd missetat noch seyn bekentniß von den viern ob
geschriben bestellit vn(d) gemiet dorauff mit rechte geurteilt vn(d) gericht ist worden
des irbewte ich mich außzufuren vnd bey zuprengen auch len en zustein vor dem
durchlewtigisten fursten vnd h(er)rn h(er)rn Georgen konig zu Behmen(er) meyns aller gena
digisten h(er)rn der meyn vn(d) ir h(er)re ist vor dem ich vnd von rechtis wegen billichin
steen sullin vnd ap sie des wegerin vn(d) vor seyne konigliche gnaden nicht steen woldn
So irbewt ich mich len den obgenan(n) viern des gleichen vn(d) in maßen wie obinbegriffin
ist vor die hochwirdigen h(er)rn h(er)rn Jodoci zu Breslaw Bischoffe (et)c vn(d) h(er)rn Protha=
sem(er)n olomucz Byschoffe vnd ap den viern sulichs obir nicht gemeynt wer So ir=
bewt ich mich len yn vor die hochgeborn(n) fursten in der Slesie herczogen henrichn
herczogen niclassen zu oppoln herczogen Cunrad zu der oelsen herczogen Przemken
zu theschin herczogen Cunrad zu der sbale vnd h(er)rczog(en) przemken zun Tost vor
welichin is sy samentlichin adir yn sunderheit wie yn des gefellit Ader vor die wol
geborn(n) vn(d) edln h(er)rn des konigreichs zu Behmen ader die Ritt(er)schafft landlewte
vn(d) stete doselbst ader vor die wolgeborn(n) h(er)rn dy do lantgericht vn(d) recht yn ko
nigreich zu Behmen besitzin vor sie all ader der selbin zwene drey vier ader mehr
wie den bemelten viern des eben ist vn(d) ap en des abiral nicht fuglich wer So ir=
berwt ich mich doch vor den wolgeborn(n) h(er)rn h(er)rn henrichn von der leippen hemptn
in merhrn vn(d) obristen marschalk des konigreichs zu behmen adir vor die h(er)rn
Ritt(er)schafft landlewte vn(d) stete des itzgenan(n) marggraffthums ap denne sulichs
alles den viern obir nicht gemeynt seyn wolde So irbewt ich mich des gleichen
vor den herczog(en) vn(d) die man vn(d) stete des furstenthums swednicz vn(d) Jaw(er) ader
vor den h(er)rn foit der sechs state man vn(d) stete doselbst Ader vor die Bebistn