CAROLVS DEI GRATIA EPISCOPVS OLOMVCENSIS, DVX, SAC(RI) ROM(ANI)
IMP(ERII) PRINCEPS, REGIAE CAPELLAE BOHEMIAE, ET DE LICHTENSTEIN COMES (etc.)
Reuerendo, Fideli, Nobis dilecto, Ferdinando Vllersdorff, de Niembtch, Salutem in Domino Sempiternam. Cum ad Canonicatum Curatum in
Collegiata Nostra Ecclesia Montis SS(anctorum) Petri et Pauli Brunae per promotionem hactenus Curati Canonici R(everen)di Joannis Ernesti Christophori Zickendorffer á Zic=
kendorff, ad vacantem tunc Decanatum praefatae Collegiatae Ecclesiae per mortem R(everen)di Joannis Baptistae Korn á Kastelmaro Nobis ab Adm(odum) R(everen)do ac Perillustri
D(omi)no Maximiliano Adamo, Comite de Lichtenstein, Libero Barone in Kastelkorn, D(omi)no in Schöna, Zschengelßburg, Rungelstein, et Krumpach, Metropolitanae Salis=
burgensis, et Nostrae Olomucensis Cathedralis Canonico, et praefatae Collegiatae Brunensis Praeposito, et Archidiacono, utpote ad quem, tanquam Praepositum
Jus alium Curatum nominandi, et praesentandi ex primaeva fundatione, et ex ipsa erectione Parochialis Ecclesiae in Collegiatam spectat, praesentatus fueris, Nobisq(ue)
de tuo Studio, tam pietatis, quàm aliarum Virtutum, et Nobilitatis ornamentis ex recomendatione pro te interposita, et aliàs constet, Te ad Eundem obtinendum Ca=
nonicatum Praebendam, et Curam animarum Sufficientem, et idoneum esse, nulloq(ue) etiam laborare Canonico impedimento, Praesentationem huiusmodi admittimus, et ratificamus,
Teque Authoritate Nostra Ordinaria, emissâ prius coram Nobis professione Fidei, & praestito Juramento Corporali in dictum Canonicatum Curatum, Praebendam, et Re=
sidentiam curam animarum habentem, cum plenitudine Juris Canonici, ac omnib(us) iuribus, et pertinentijs Suis instituimus, et inuestimus, Dantes Tibi facultatem
Eandem curam animarum in dicta Ecclesia Collegiata, et appertinentib(us) exercendi, Sacramenta administrandi, diuinum Verbum Seminandi, et annunciandi.
Quocirca praefato D(omi)no Maximiliano Adamo, Comiti de Lichtenstein, Praeposito, Totiq(ue) Capitulo memoratae Collegiatae Ecclesiae mandamus, quatenùs Te in
Corporalem, realem, et actualem Eiusdem Canonicatûs, et Praebendae, iuriumq(ue), et appertinentiarum praedictarum possessionem inducant, et inductum, uti Fratrem
et Canonicum defendant, ac assignatis Tibi insuper Stallo in Choro, et Voce in Capitulo de omnibus Eiusdem Canonicatûs, Praebendae Residentiae &
appertinentiarum, iuribus, fructibus, censibus, et obventionibus integrè respondeant, et ab alijs plenè, et integritèr responderi faciant. In quorum fidem
hasce manu Nostra propria Subscripsimus, et Sigillum Cancellariae Nostrae Maius appendi iussimus. Dat(um) in Ciuitate N(ost)ra Residentiali Cremsirij die 23. Aprilis
Carolus 1692