Alexander ep(iscopu)s seruus seruor(um) dei. Dilectis filijs .. Abbati Cistercij eiusq(ue) coabbatib(us) (et) Conuentib(us) Vniuersis Cister
cien(sis) ordinis Sal(u)t(em) (et) ap(osto)licam ben(edictionem). Cum a nobis petitur quod iustum est (et) honestum tam uigor equitatis qua(m) ordo exigit rationis
ut id p(er) sollicitudinem officij n(ost)ri ad debitum perducatur effectum. Ex parte siquidem u(est)ra fuit propositum cora(m) nob(is) q(uo)d nonnulli eccl(esi)ar(um)
p(re)lati u(est)ris lib(er)tatib(us) inuidentes cum eis non liceat ex ap(osto)lice sedis indulto in uos excommunicat(i)o(n)is uel int(er)d(i)c(t)i sententias promulgare in fa
miliares seruientes (et) benefactores ac illos qui molunt in molendinis uel quoquu(n)t in furnis u(est)ris quiq(ue) uendendo seu emendo uel alias uobis
communicant sententias proferunt memoratas. sicq(ue) non uim (et) potestatem priuilegior(um) u(est)ror(um) set sola uerba seruantes uos quodamodo exco(m)mu(n)icat(os)
dum uobis alios co(m)municare non sinunt. ex quo illud euenit inconueniens ut quantum ad hoc iudice(n)t(ur) iudic(i)o iudeor(um).
et qui uobis communicant in p(re)dictis maiorem excommunicatione(m) incurrant quam exco(m)mu(n)icatis co(m)municando fuerint incursuri.
Quare nobis humiliter supplicastis ut prouidere quieti u(est)re paterna sollicitudine curaremus. Nos igitur uestris supplicatio
nibus inclinati ne quis p(re)lator(um) ipsor(um) sententias easdem in fraudem priuilegior(um) ap(osto)lice sedis decetero promulgare
presumat ad instar felicis recordationis Innocentij .p(a)p(e). p(re)decessoris n(ost)ri auc(tori)tate ap(osto)lica inhibemus Decernentes
eas irritas (et) inanes si contra inhibitionem hui(us)modi fuerint promulgate. Nulli ergo omnino hominum liceat hanc pagi
nam n(ost)re inhibitionis (et) constitutionis infringere uel ei ausu temerario contraire. Siquis autem hoc attemptare
presumpserit indignationem om(n)ipotentis dei (et) beator(um) petri (et) pauli ap(osto)lor(um) eius se nouerit incursurum. Dat(um)
Lateran(i) xij k(a)l(endas) Januarij Pontificat(us) n(ost)ri Anno Septimo