Alexander ep(iscopu)s seruus seruor(um) dei. Dilectis filijs . Abbati Cistercij eiusq(ue) Coabbatib(us) et Conuentibus uniuersis Cistercien(sis) ordinis . Sal(u)t(em) et
ap(osto)licam ben(edictionem). Thesauro uirtutum sic preclara uiri religio suum semper astruxit affectum . q(uo)d habet(ur) in conspectu Regis eterni placita et in
oculis hominum gratiosa. Ipsa quidem ut columba mitis et humilis ac electa domini specialis pulcri per totum aspicitur omnem a se rugam enormi
tatis abiciens et maculam deformitatis excludens uigilantibus illis qui paterne sollicitudinis in ea gerunt officium q(uo)d ibidem nulle possunt uitior(um)
spine succrescere . sed ipsa flor(um) honoris et fructuum honestatis immarcessibili pollet ubertate . propter hunc et enim sancte operationis effe
ctum numquam ordo uester officio aliene uisitationis uel correctionis indiguit . sed de ip(s)o aliquibus alijs reformationis beneficium ex prouidentia
sedis ap(osto)lice iam prouenit . Cum itaq(ue) nos qui ex hui(us)modi uirtuosis actibus spiritu in domino exultamus claris agnoscamus indicijs dictu(m)
ordinem esse alijs recte uite speculum et salutifere conuersationis exemplum . q(uo)d ip(s)e sicut olim sic et in poster(um) ab eisdem dumtaxat Abbatib(us)
ac monachis idoneis quos uos filij Abbates ad hoc prouideritis deputandos . a nullo alij uisitari possit aut corrigi ad exemplar felicis recordatio
nis . INNOCENTIJ . p(a)p(e) . p(re)decessoris n(ost)ri auct(orit)ate ap(osto)lica duximus statuendum . decernentes nichilominus ut si aliquid contra statutum hui(us)modi
a quoquam propria extiterit temeritate presumptum sit irritum et inane . et si forte alique sententie in uos occasione hui(us)modi prolate fueri(n)t nullum
robur obtineant firmitatis . mandato sedis ap(osto)lice semper saluo . Nulli ergo omnino hominum liceat hanc paginam nost(re) constitutionis infringere
uel ei ausu temerario contraire . Siquis autem hoc attemptare presumpserit indignationem omnipotentis dei et beator(um) . Petri et . Pauli ap(osto)lor(um) eius
se nouerit incursurum . Dat(um) Lateran(i) v Id(us) Januarij Pontificatus n(ost)ri Anno Sexto ;