1450_XI_19
CZ-MZA > E07 > 1450_XI_19
highMonasterium
Zdroj: MonasteriumAI paleografieAI interpretace
Zobrazení
Překlad
Transkriptgemini-3.1-pro-preview
Nicolaus episcopus seruus seruorum dei Ad perpetuam rei memoriam
Ad ecclesiarum et Monasteriorum omnium quorum studio pie interceditur illis que presidentium personarum statum salubriter dirigendum paterna solicitudine uigilantes illorum profectibus libenter intendimus et uotis eorum quantis cum deo possumus fauorem beniuolum impertimur Dudum
siquidem pro parte dilectorum filiorum Abbatis et Conuentus Monasterij in Welegrado Cisterciensis ordinis Olomucensis diocesis felicis recordationis Martino pape V predecessori nostro exposito quod dictum Monasterium per fautores heresis in partibus illis pullulantis adeo deuastatum et destructum
exiftebat quod illud inhabitare diuinisque officijs inibi intendere minime nequibant ac etiam pro parte dictorum Abbatis et Conuentus eidem predecessori supplicato ut parrochialem ecclesiam in Hradisch eiusdem diocesis que de iure patronatus Abbatis pro tempore existentis ipsius
Monasterij et dictorum Conuentus existebat eidem Monasterio perpetuo unire annectere et incorporare ipsique ut officijs diuinis liberius intendere et in obprobrium monastice religionis et ordinis prefati uagare cogerentur ut dictam ecclesiam habitare et per
se uel unum ex Monachis dicti Monasterij eandem ecclesiam regere et in ea animarum curam exercere ualerent et alias ipsis super hoc oportune prouidere de benignitate apostolica dignaretur idem predecessor huiusmodi supplicationibus inclinatus dilecto filio Preposito ecclesie
sancti Mauritij in Cremsir dicte diocesis proprio nomine non expresso suis litteris inter alia dedit in mandatis ut de premissis auctoritate apostolica se diligenter informaret et si per informationem huiusmodi ita esse inueniret parrochialem ecclesiam predictam cum
omnibus iuribus et pertinentijs suis prefato Monasterio auctoritate prefata imperpetuum uniret annecteret et incorporaret ita quod cedente uel decedente Rectore dicte parrochialis ecclesie qui tunc erat aut ecclesiam ipsam alias quomodolibet dimittente liceret Abbati et
Conuentui predictis corporalem possessionem parrochialis ecclesie iuriumque et pertinentiarum predictorum auctoritate propria apprehendere et perpetuo retinere fructusque redditus et prouentus huiusmodi in suos ac Monasterij et parrochialis ecclesie predictorum usus conuertere
et etiam retinere diocesani loci et cuiuscumque alterius licentia super hoc minime requisita Et insuper prefatus predecessor inter cetera uoluit quod dictus Prepositus si unionem annexionem et incorporationem huiusmodi per eum fieri contingeret ut prefertur eisdem Abbati et
Conuentui quod ipsam parrochialem ecclesiam per se uel aliquem dicti Monasterij Monachum ydoneum ad eiusdem Abbatis nutum ponendum et amouendum regere et gubernare ipsiusque parrochialis ecclesie parrochianis ecclesiastica sacramenta ministrare et curam illis donec
heresis ipsa in partibus illis extirpata foret et in illis habitare ualerent eadem auctoritate concederet prout in eisdem litteris plenius continetur Postmodum uero sicut exhibita nobis nuper pro parte dilecti filij Stephani moderni Abbatis et dictorum Conuentus
nobis nuper exhibita petitio continebat dilectus filius Petrus de Raczic Prepositus dicte ecclesie sancti Mauritij ad executionem dictarum litterarum procedens illas uigore quia per habitam informationem premissa comperit fore uera parrochialem ecclesiam predictam
dicto Monasterio imperpetuum uniuit annexuit et incorporauit ac eisdem Abbati et Conuentui quod ipsam parrochialem ecclesiam per se uel aliquem dicti Monasterij Monachum ad nutum ipsius Abbatis ut premittitur ponendum et amouendum regere et gubernare
ipsiusque parrochialis ecclesie parrochianis ecclesiastica sacramenta ministrare et curam illis donec heresis predicta in partibus antedictis extirpata foret habitare libere et licite ualerent dicta auctoritate concessit quarumquidem unionis annexionis incorporationis et
concessionis obtentu Abbas et Conuentus predicti postmodum dicte parrochialis ecclesie tunc certo modo uacantis possessionem apprehendentes illam ex tunc tenuerunt et possederunt prout tenent et possident de presenti eamque per unum ex dicti Monasterij
Monachis ad nutum dicti Abbatis reuocabilem rexerunt et gubernarunt Cum autem sicut eadem petitio subiungebat dictum Monasterium quod olim constantibus quorundam iuribus quibus pro dolor retroactis temporibus partes ille conuulse
et deuastate fuere per Hussitas hereticos et xpianum nominis inimicos ignis uoragini expositum et combustum extitit in suis fructibus redditibus et prouentibus non mediocriter diminutum existat memorataque heresis nondum extirpata fuerit prout nec
in breui ut uerisimiliter creditur extirpari posse speretur necnon de unionis annexionis et incorporationis predictarum uiribus ab aliquibus hesitetur Pro parte moderni Abbatis et Conuentus predictorum asserentium Monasterium supradictum premissis causanti-
bus ad magnam pauperiem redactum existere nobis fuit humiliter supplicatum ut unioni annexioni incorporationi et concessioni predictis pro eorum subsistentia firmiori robur apostolice confirmationis adijcere ac alias super hijs oportune prouidere de benignitate
apostolica dignaremur Nos igitur de premissis sufficienter informati et plenam notitiam habentes huiusmodi supplicationibus inclinati unionem annexionem incorporationem et concessionem predictas ac prout eas concernunt omnia et singula in dictis litteris
contenta et quecumque inde secuta rata et grata habentes illa omnia et singula auctoritate apostolica et ex certa nostra scientia confirmamus pariter et approbamus ac presentis scripti patrocinio communimus supplendo omnes et singulos defectus si qui forsan in
teruenerint in eisdem Et nichilominus pro tutiori cautela parrochialem ecclesiam predictam cuius fructus redditus et prouentus Quindecim Marcharum argenti secundum communem extimationem ualorem annuum ut ipsi Abbas et Conuentus etiam asserunt
non excedunt cum omnibus iuribus et pertinentijs supradictis prefato Monasterio cuius fructuum reddituum et prouentuum uerum ualorem annuum presentibus haberi uolumus pro sufficienter expresso eadem auctoritate nostra de nouo in quantum opus sit
imperpetuum unimus annectimus et incorporamus ita quod liceat prefato et pro tempore existenti dicti Monasterij Abbati ac prefatis Conuentui dicte parrochialis ecclesie ut prius possessionem continuare necnon illius fructus redditus et prouentus in suos
ac Monasterij et parrochialis ecclesie predictorum usus et utilitatem conuertere et perpetuo retinere diocesani loci et cuiuscumque alterius licentia super hoc minime requisita Non obstantibus premissis ac Constitutionibus et ordinationibus apostolicis necnon
Monasterij et ordinis predictorum iuramento confirmatione apostolica uel quacumque firmitate alia roboratis statutis et consuetudinibus ceterisque contrarijs quibuscumque Aut si aliqui super prouisionibus sibi faciendis de huiusmodi uel alijs beneficijs ecclesiasticis
in illis partibus speciales uel generales apostolice sedis uel legatorum eius litteras impetrarint etiam si per eas ad inhibitionem reseruationem et decretum uel alias quomodolibet sit processum quas quidem litteras necnon processus habitos per easdem et que
cumque inde secuta quo ad dictam parrochialem ecclesiam uolumus non extendi sed nullum per hoc eis quo ad assecutionem beneficiorum aliorum preiudicium generari et quibuslibet alijs priuilegijs indulgentijs et litteris apostolicis generalibus uel specialibus
quorumcumque tenorum existant per que presentibus non expressa uel totaliter non inserta effectus earum impediri ualeat quomodolibet uel differri et de quibus quorumque totis tenoribus de uerbo ad uerbum deberet fieri in nostris litteris mentio specialis Prouiso quod
propter unionem annexionem et incorporationem huiusmodi si illas per te uigere presentium fieri contigerit ut prefertur dicta parrochialis ecclesia debitis propterea non fraudetur obsequijs et animarum cura in ea nullatenus negligatur sed eius debite suppor
tentur onera consueta Quocirca Venerabili fratri Episcopo Olomucensi et dilecto filio Abbati Monasterij in Chmiel Olomucensis diocesis per apostolica scripta mandamus quatinus ipsi uel alter ipsorum per se uel alium seu alios prefatis moderno et pro tempore
existenti dicti Monasterij Abbati et dictis Conuentui auctoritate nostra in premissis efficacis defensionis presidio assistentes non permittant eos seu eorum aliquem contra confirmationis approbationis communitionis unionis annexionis et incor
porationis predictarum ac presentium litterarum tenorem quomodolibet impediri seu etiam molestari Contradictores quoslibet per censuram ecclesiasticam appellatione postposita compescendo Et insuper legitimis per eosdem iudices siue executores super hijs habendis ser
uatis processibus eos quotienscumque expedierit aggrauari et reaggrauari procurent Inuocato ad hoc si opus fuerit auxilio brachij secularis Non obstantibus omnibus supradictis Seu si aliquibus communiter uel diuisim a dicta sit sede indultum
quod interdici suspendi uel excommunicari non possint per litteras apostolicas non facientes plenam et expressam ac de uerbo ad uerbum de indulto huiusmodi mentionem Nulli ergo omnino hominum liceat hanc paginam nostre confirmationis approba
tionis communitionis suppletionis unionis annexionis incorporationis uoluntatis et mandati infringere uel ei ausu temerario contraire Siquis autem hoc attemptare presumpserit indignationem omnipotentis dei et beatorum Petri et
Pauli Apostolorum eius se nouerit incursurum Dat(um) Rome apud Sanctum Petrum Anno Incarnationis dominice Millesimoquadringentesimoquinquagesimo Terciodecimo Kalendas Decembris
Pontificatus Nostri Anno Quarto
Ad ecclesiarum et Monasteriorum omnium quorum studio pie interceditur illis que presidentium personarum statum salubriter dirigendum paterna solicitudine uigilantes illorum profectibus libenter intendimus et uotis eorum quantis cum deo possumus fauorem beniuolum impertimur Dudum
siquidem pro parte dilectorum filiorum Abbatis et Conuentus Monasterij in Welegrado Cisterciensis ordinis Olomucensis diocesis felicis recordationis Martino pape V predecessori nostro exposito quod dictum Monasterium per fautores heresis in partibus illis pullulantis adeo deuastatum et destructum
exiftebat quod illud inhabitare diuinisque officijs inibi intendere minime nequibant ac etiam pro parte dictorum Abbatis et Conuentus eidem predecessori supplicato ut parrochialem ecclesiam in Hradisch eiusdem diocesis que de iure patronatus Abbatis pro tempore existentis ipsius
Monasterij et dictorum Conuentus existebat eidem Monasterio perpetuo unire annectere et incorporare ipsique ut officijs diuinis liberius intendere et in obprobrium monastice religionis et ordinis prefati uagare cogerentur ut dictam ecclesiam habitare et per
se uel unum ex Monachis dicti Monasterij eandem ecclesiam regere et in ea animarum curam exercere ualerent et alias ipsis super hoc oportune prouidere de benignitate apostolica dignaretur idem predecessor huiusmodi supplicationibus inclinatus dilecto filio Preposito ecclesie
sancti Mauritij in Cremsir dicte diocesis proprio nomine non expresso suis litteris inter alia dedit in mandatis ut de premissis auctoritate apostolica se diligenter informaret et si per informationem huiusmodi ita esse inueniret parrochialem ecclesiam predictam cum
omnibus iuribus et pertinentijs suis prefato Monasterio auctoritate prefata imperpetuum uniret annecteret et incorporaret ita quod cedente uel decedente Rectore dicte parrochialis ecclesie qui tunc erat aut ecclesiam ipsam alias quomodolibet dimittente liceret Abbati et
Conuentui predictis corporalem possessionem parrochialis ecclesie iuriumque et pertinentiarum predictorum auctoritate propria apprehendere et perpetuo retinere fructusque redditus et prouentus huiusmodi in suos ac Monasterij et parrochialis ecclesie predictorum usus conuertere
et etiam retinere diocesani loci et cuiuscumque alterius licentia super hoc minime requisita Et insuper prefatus predecessor inter cetera uoluit quod dictus Prepositus si unionem annexionem et incorporationem huiusmodi per eum fieri contingeret ut prefertur eisdem Abbati et
Conuentui quod ipsam parrochialem ecclesiam per se uel aliquem dicti Monasterij Monachum ydoneum ad eiusdem Abbatis nutum ponendum et amouendum regere et gubernare ipsiusque parrochialis ecclesie parrochianis ecclesiastica sacramenta ministrare et curam illis donec
heresis ipsa in partibus illis extirpata foret et in illis habitare ualerent eadem auctoritate concederet prout in eisdem litteris plenius continetur Postmodum uero sicut exhibita nobis nuper pro parte dilecti filij Stephani moderni Abbatis et dictorum Conuentus
nobis nuper exhibita petitio continebat dilectus filius Petrus de Raczic Prepositus dicte ecclesie sancti Mauritij ad executionem dictarum litterarum procedens illas uigore quia per habitam informationem premissa comperit fore uera parrochialem ecclesiam predictam
dicto Monasterio imperpetuum uniuit annexuit et incorporauit ac eisdem Abbati et Conuentui quod ipsam parrochialem ecclesiam per se uel aliquem dicti Monasterij Monachum ad nutum ipsius Abbatis ut premittitur ponendum et amouendum regere et gubernare
ipsiusque parrochialis ecclesie parrochianis ecclesiastica sacramenta ministrare et curam illis donec heresis predicta in partibus antedictis extirpata foret habitare libere et licite ualerent dicta auctoritate concessit quarumquidem unionis annexionis incorporationis et
concessionis obtentu Abbas et Conuentus predicti postmodum dicte parrochialis ecclesie tunc certo modo uacantis possessionem apprehendentes illam ex tunc tenuerunt et possederunt prout tenent et possident de presenti eamque per unum ex dicti Monasterij
Monachis ad nutum dicti Abbatis reuocabilem rexerunt et gubernarunt Cum autem sicut eadem petitio subiungebat dictum Monasterium quod olim constantibus quorundam iuribus quibus pro dolor retroactis temporibus partes ille conuulse
et deuastate fuere per Hussitas hereticos et xpianum nominis inimicos ignis uoragini expositum et combustum extitit in suis fructibus redditibus et prouentibus non mediocriter diminutum existat memorataque heresis nondum extirpata fuerit prout nec
in breui ut uerisimiliter creditur extirpari posse speretur necnon de unionis annexionis et incorporationis predictarum uiribus ab aliquibus hesitetur Pro parte moderni Abbatis et Conuentus predictorum asserentium Monasterium supradictum premissis causanti-
bus ad magnam pauperiem redactum existere nobis fuit humiliter supplicatum ut unioni annexioni incorporationi et concessioni predictis pro eorum subsistentia firmiori robur apostolice confirmationis adijcere ac alias super hijs oportune prouidere de benignitate
apostolica dignaremur Nos igitur de premissis sufficienter informati et plenam notitiam habentes huiusmodi supplicationibus inclinati unionem annexionem incorporationem et concessionem predictas ac prout eas concernunt omnia et singula in dictis litteris
contenta et quecumque inde secuta rata et grata habentes illa omnia et singula auctoritate apostolica et ex certa nostra scientia confirmamus pariter et approbamus ac presentis scripti patrocinio communimus supplendo omnes et singulos defectus si qui forsan in
teruenerint in eisdem Et nichilominus pro tutiori cautela parrochialem ecclesiam predictam cuius fructus redditus et prouentus Quindecim Marcharum argenti secundum communem extimationem ualorem annuum ut ipsi Abbas et Conuentus etiam asserunt
non excedunt cum omnibus iuribus et pertinentijs supradictis prefato Monasterio cuius fructuum reddituum et prouentuum uerum ualorem annuum presentibus haberi uolumus pro sufficienter expresso eadem auctoritate nostra de nouo in quantum opus sit
imperpetuum unimus annectimus et incorporamus ita quod liceat prefato et pro tempore existenti dicti Monasterij Abbati ac prefatis Conuentui dicte parrochialis ecclesie ut prius possessionem continuare necnon illius fructus redditus et prouentus in suos
ac Monasterij et parrochialis ecclesie predictorum usus et utilitatem conuertere et perpetuo retinere diocesani loci et cuiuscumque alterius licentia super hoc minime requisita Non obstantibus premissis ac Constitutionibus et ordinationibus apostolicis necnon
Monasterij et ordinis predictorum iuramento confirmatione apostolica uel quacumque firmitate alia roboratis statutis et consuetudinibus ceterisque contrarijs quibuscumque Aut si aliqui super prouisionibus sibi faciendis de huiusmodi uel alijs beneficijs ecclesiasticis
in illis partibus speciales uel generales apostolice sedis uel legatorum eius litteras impetrarint etiam si per eas ad inhibitionem reseruationem et decretum uel alias quomodolibet sit processum quas quidem litteras necnon processus habitos per easdem et que
cumque inde secuta quo ad dictam parrochialem ecclesiam uolumus non extendi sed nullum per hoc eis quo ad assecutionem beneficiorum aliorum preiudicium generari et quibuslibet alijs priuilegijs indulgentijs et litteris apostolicis generalibus uel specialibus
quorumcumque tenorum existant per que presentibus non expressa uel totaliter non inserta effectus earum impediri ualeat quomodolibet uel differri et de quibus quorumque totis tenoribus de uerbo ad uerbum deberet fieri in nostris litteris mentio specialis Prouiso quod
propter unionem annexionem et incorporationem huiusmodi si illas per te uigere presentium fieri contigerit ut prefertur dicta parrochialis ecclesia debitis propterea non fraudetur obsequijs et animarum cura in ea nullatenus negligatur sed eius debite suppor
tentur onera consueta Quocirca Venerabili fratri Episcopo Olomucensi et dilecto filio Abbati Monasterij in Chmiel Olomucensis diocesis per apostolica scripta mandamus quatinus ipsi uel alter ipsorum per se uel alium seu alios prefatis moderno et pro tempore
existenti dicti Monasterij Abbati et dictis Conuentui auctoritate nostra in premissis efficacis defensionis presidio assistentes non permittant eos seu eorum aliquem contra confirmationis approbationis communitionis unionis annexionis et incor
porationis predictarum ac presentium litterarum tenorem quomodolibet impediri seu etiam molestari Contradictores quoslibet per censuram ecclesiasticam appellatione postposita compescendo Et insuper legitimis per eosdem iudices siue executores super hijs habendis ser
uatis processibus eos quotienscumque expedierit aggrauari et reaggrauari procurent Inuocato ad hoc si opus fuerit auxilio brachij secularis Non obstantibus omnibus supradictis Seu si aliquibus communiter uel diuisim a dicta sit sede indultum
quod interdici suspendi uel excommunicari non possint per litteras apostolicas non facientes plenam et expressam ac de uerbo ad uerbum de indulto huiusmodi mentionem Nulli ergo omnino hominum liceat hanc paginam nostre confirmationis approba
tionis communitionis suppletionis unionis annexionis incorporationis uoluntatis et mandati infringere uel ei ausu temerario contraire Siquis autem hoc attemptare presumpserit indignationem omnipotentis dei et beatorum Petri et
Pauli Apostolorum eius se nouerit incursurum Dat(um) Rome apud Sanctum Petrum Anno Incarnationis dominice Millesimoquadringentesimoquinquagesimo Terciodecimo Kalendas Decembris
Pontificatus Nostri Anno Quarto