In nomine domini Amen. Ad inprimendam memoriam hominibus futurorum temporum. data legitima. perspicere debent cautius ne si gesta scriptis
committere neglexerint. negligentiam in suam manifestam ignorantiam statuantur. Nos igitur Nycol(aus) de Zbraslawe tenore presencium innotescimus. tam pre
sentibus quam futuris uniuersis. Quod nos deliberato animo uniuersorum. ob salutem et remedium anime mee Monasterio Vallis sancte Marie Ac
Conuentui sanctimonialium in Oslauia Iuspatronatus quod in Ecclesia Zbraslawe huc usque habuimus post mortem plebani uidelicet sifriday
contulimus legauimus dedimus. et donauimus. Ita ut eo iure quo huc usque ad nos pertinuit. debeant cuiuscumque uoluerint porrigere et conferre. dimidietate
excepta. Quam dictus Conuentus predictarum dominarum in castris plenius decimas uillarum nostrarum uidelicet Zbraslawe in ipsa uilla. et Bolesin
tam necnon Jenczdorf. pro sua sponte. debeant inuenire. de residua uero decima plebanus eiusdem loci in Zbraslawe sustentabitur. et prenomi
natis dominabus et Monasterio sancte Marie in Oslauia. pro decima supradictarum uillarum nostrarum non inpetet aliquo ingenio studio et cautela
nec unquam contra eas habebit aliquid actionis. Assumpsimus eciam. et eisdem uoluntarius parauimus sub tenore. Quod ex duabus curialibus ad
dotem prenominate Ecclesie in Zbraslawe pertinentibus. quas dictis dominabus legauimus et nichilominus contulimus ad curiam construendam seu con
struendam. in qua messes predictarum decimarum debito tempore colligantur. Hec uero uniuersis et singulis. ob remedium et salutem anime mee
et in remissionem peccatorum predecessorum et parentum meorum. sub hac forma legauimus et condicione. ut singulis annis nostrum anniuersarium
honeste peragant. et post nostrum obitum ubicumque corpus nostrum in Regno Boemie. siue Marchionatu Morauie. inuentum seu repertum fuerit
in sepedicto Monasterio. in humare aut tumulare tam suis expensis et uictualibus tenebuntur. Promisimus eciam et per presentes promittimus bona fide
dictam legacionem uel eciam donacionem conseruare ratam ac firmam habituros et unquam contrauenire aliquo ingenio studio et cautela. Renunciantes
omnibus in predicta legacionis seu donacionis contractu excepcionibus et defensionibus iuris canonici et ciuilis. siue consuetudine. per que sepedictus
legacionis contractus posset aliqualiter adnullari. Renunciamus eciam doli dicatur restitucionis seu excepcionis generaliter penitus non ualere
Testes huius uniuersi legacionis mee. et promissi. sunt hii nobiles uiri dominj. Aliquis de Nanncahs. Cunradus et znoymen(sis) Camer(arius)
Cunthigo de luga. Henricus dictus de hyppa et Czenkone fratre suo de Chrimnow. Smilo de Oslauia. Nycolaus. de Brdiz. Czirnik de Popiz
Quorum sigilla in signum maioris euidencie et testimonij ad instanciam nostri cum nostro sigillo presenti pagine sunt appensa. Quod et nos pre
dicti testes ad instantes preces. dicti Nicolai de Zbraslawe. et ex nostri certa sciencia ad maiorem certitudinem et efficaciam. sigilla nostra presentibus lit
teris duximus appendenda. Datum et actum Brvne Anno Incarnacionis domini Millesimo. Trecentesimo. xviij. In uigilia beate Marie Magdalene