In nomine sancte et indiuidue trinitatis amen. Nos Iudices, Scabini, consules totusq(ue) ciuium congregatio ciuitatis Colomensis ad
uniuersorum tam presencium q(uam) futurorum perpetuam rei memoriam uolumus peruenire, q(uod) in die natiuitatis b(ea)ti Iohannis bapt(ist)e magne excellencie ac clemencie
Illustris matrona d(omi)na Elyzabet quondam Regina bohemie pia intencione sibi a nobis vnum de corporibus sanctarum vndecim milium virginum
in eccl(esi)a earundem beatarum virginum Colomensi impetrari vt in monasterio nuncupato Aula sancte Marie in suburbio Brunnen(si) ab eadem d(omi)na Regina
fundato p(er) Abbatissam et conuentum eiusdem mon(asterii) ceterosq(ue) vniuersos et singulos ad huiusmodi sanctuarium deuocionem habentes et habituros posset
laudibus et honoribus salubrit(er) venerari postulauit instantius et requisiuit. Vnde Nos p(re)fate d(omi)ne Regine pie deuocioni, q(uam) ad ip(su)m sanctuarium
eam habere cognouimus, cum decencia inclinacione parentes accessimus ad venerabiles d(omi)nas Abbatissam totumq(ue) capit(u)l(u)m p(re)fate eccl(esi)e s(an)c(t)arum
vndecim milium virginum corpus vnum integrum de sanctis vndecim milium virginibus, qui corpus suorum innocenciam ob reuerenciam xp(ist)i
passionis sanguinem effuderunt, optinuimus n(ost)ris instanciis p(re)cibus et eidem d(omi)ne Regine curauimus impetrare. Rogantes igitur dictum
sanctuarium, cum verum et certum sit vnum corpus de eisdem s(an)c(t)is vndecim milium virginibus ab vniuersis et singulis xp(ist)i fidelib(us) p(re)sentib(us)
et futuris, quibus vita et passio eam saluberrima innotuerit, dignis honorib(us) pijsque laudibus deuotissime venerari. In cuius rei perpetuam
memoriam p(re)fate d(omi)ne Regine has l(itte)ras has n(ost)re ciuitatis Colom(ensis) sigilli appensione tradidimus communitas. Datum Colome in die
festiu(i) natiuitatis b(ea)ti Ioh(ann)is bapt(ist)e p(re)fati Anno d(omi)ni millesimo trecentesimo tricesimo tercio.