Wier Elizabeth vo(n) gotis genaden Eptissin Anna p(ri)orin katherina Supp(ri)orin Barbara kelnerin Clara Custerin katherina Sengerin vnd der gancz Conuent der kynigin kloster in der alden brinne
Cistercer ordens vnd ladgebiettes czu olomucz bekennen vnd tun kund mit disem brieff allen leuten die yn sehen ader horen lesen das wier angesehen haben dy vordebnisse vnd vnkoste
vnsirs dorffis genant das pelmdorff czu nechst pey Auspicz gelegin wie is von der herbart wagin die leider lange czeit an weylin in dem land gewest hat also gar vordorbt
vnd vordebt ist worden an dorffe vnd an felde das wier des weni(n)g genyessen mogin vnd auch ist an vns komen dy armen leute gemeynikliche klage vnd rede wie das egnante
vns(ir) gut nit mochte besaczt noch auch volkomlich an(n)hastig moge werden is were denn das wier den arme(n) leuten die darynne siczen ader noch siczen werden etliche geryngeru(n)g
teten an dem czinse vnd genad beweiseten vnd durch des willen das das egnante vnsir gut dester ee an(n)hastig vnd besaczt werd vnd vns vns(ir)n nochkomlingen vnd vns(ir)n kloster czu
pezz(ir)n nucz kome hab(en) wier mit guter betrachte(n)t vns(ir) sammu(n)g mit gemeyne(n) rate vnd wolbedachtem mute den egnanten armen vns(ir)n leuten vnd holden die in dem selben vns(ir)n dorffe
yczund siczen ad(ir) hernoch siczen werden eyne sulche beczenodunge getan vnd beweiset vnd tun vnd beweisen yn die genedicglich mit krafft dicz priefis in sulcher mosse als eyn ygklich
recht lehen vo(n) rechtis wegin vns vns(ir)n kloster czinset hat vo(n) alds swelchis geczinsit hat alle Jar virczik erbczi(n)ss czwen vnd sebenczik grossen vnd acht grossen smytphenni(n)g vnd eyn
ygklich gulchen vnbundawenczik grossen an send michelo tag slzo schzol nu eyn ygklich lehen virczik hinuur off den egnante(n) tag vns czinsin vnd geben nur den czins ein schok gro
schen pelymscher mu(n)cz seckczig grossen vor das schok czuczelen vnd das gulchen das do vor vnbundawenczik grossen geczinsit hat das schzol nu virczik hinuur off den egnanten
tag vns czinsen vnd raychen nur den czins cwanczik grossen do smytphenni(n)g acht grossen vo(n) ygklichem lehen dy schzollen sy vns alle Jar geben vnd raychen an alle hynderniss
vnd widirrede durch wem is sich gepirt das dy lantsstewer in dem land wiyerd deen dy selb sein sy vnd schzullen sein vns pflichtig czu geben als das recht vnd gewonlich ist durch alle
andre recht vnd geben dy vns von recht vnd von alds wegin an(n)gepirn dy schzullen sy vns geben leysten vnd tun gancz vnd gar kcens aussgenume(n) wenn dy obgenante beczenodung
vnd geryngerung des czinses alleine vnd die selb geryngerung vnd beczenodung des czinses schzol von der geburt dicz briefis virczik cwanczig Jar volkomlich vnd nicht lengir vnd wenn
dy cwanczig Jar auskomen so schzullen die egnanten vnsre holden ad(ir) andre czuku(n)ftige eynwoner des selben dorffis vns vnd vns(ir)n nochkomlingen in vns(ir) kloster den rechten
vnd alden erbczi(n)ss dy obenbegriffin ist wider raychen gancz vnd gar vnd geben an alle widirrede vnd hyndernisse is sey denn das wier sy adir vnsir nochkomling durch merk
licher sach willen virczik adir lengir beczenoden wolden von gutem willen sund(ir) dy obgenante vnsre beczenodung des czinsis alleyne den hulflich vnd krefftig seyn dy wir lehen
in dem egnanten vns(ir)n dorffe pawen payd an dorffe vnd an felde aber wer dy sein solde dy dy lehen an felde pawten vnd ir an dorffe nicht pawen wolden dy schzullen vns von
sin(n) czins volkomlich gancz vnd gar reichen vnd geben als von alds recht ist vnd gewonlich vo(n) den lehen vnd von den gulchen vnd pey dy obgeschriben vns(ir)n beczenodung
vnd des czinsis geryngerung globe(n) wier in vor vns vnd vor vnsre nochkomling an arge list sy stetklich vnd krefftiglich czuhalden vnd sy doran nicht czuhynd(ir)n in keyner weyse
sunder sy czu beschirmen vnd noch vns(ir)m vormogen darynne czu beschuczen vnd des czu eyner sichirheit hab(en) egnanten Eptissin vnd dy Conuent mit vns(ir)m guten wissen vns(ir)s Jng
sigel an disen briff gehangen der do gegeben ist in der kynigin kloster in der alden brinne Noch cristes geburt virczechenhund(ir)t Jar dornoch in dem funffczehente(n) Jare an send Gallen tag