Paulus ep(is)c(opus) seruus seruor(um) dei dilecto filio Abbati Monasterij Zabrdouicen(sis) extra muros Brunnen(ses) Olomucen(sis) dioc(esis) Sal(utem) et ap(osto)licam ben(edictionem) Dignum arbitramur
et congruu(m) ut illis se reddat sedes ap(osto)lica gratiosam quibus ad id propria uirtutu(m) merita laudabiliter suffragantur. Exhibita siquidem nobis nuper pro parte dilecti filij Petri de Strigon(ia) p(res)b(ite)ri Strigonien(sis)
dioc(esis) petitio continebat q(uo)d dudum Canonicatu et in Gralicz nuncupata eccl(esi)a Monasterij s(an)c(t)i Petri Opidi Brunnen(sis) Olomucen(sis) dioc(esis) prebenda qui de iure patronatus Regis Bohemie pro tempore existentis
ex speciali priuilegio cui hactenus non est derogatu(m) esse necnon ad presentatione(m) Abbatisse et co(n)uentus tempore Monasterij beate Marie extra muros dicti Opidi Cistercien(sis) ordinis prefate Olomucen(sis) dioc(esis) de
antiqua et approbata hactenusq(ue) pacifice obseruata consuetudine spectare noscuntur et quos quondam Adam de Ochelssio ipsius eccl(esi)e Canonicus dum uiueret obtinebat per obitu(m) eiusdem Ade qui extra Roman(am)
Curia(m) diem clausit extremu(m) uacantibus Georgius de Podiebradi tunc pro Rege Bohemie se gerens et dilecta in (Christ)o filia Parcha Abbatissa dicti Monasterij eundem Petru(m) ad prefatos Canonicatu(m) et
prebendam sic uacantes dilectis filijs Preposito et Capitulo ipsius eccl(esi)e infra tempus debitu(m) presentarunt necnon prefati prepositus et Capitulu(m) ad quos institutio persone ydonee ad Canonicatu(m) et preben
dam hui(us)modi dum pro tempore uacant de simili co(n)suetudine spectare dinoscitur prefatu(m) Petru(m) in Canonicu(m) dicte eccl(esi)e ad presentatione(m) huiusmodi ordinaria auctoritate instituerunt ide(m)q(ue) Petrus presentatio
nis et institutionis ear(un)dem uigore dictos Canonicatu(m) et prebenda(m) assecutus illos per annu(m) et ultra tenuit et possedit prout tenet et possidet de presenti Cum aute(m) sicut eadem petitio subiungebat prefa
tus Petrus dubitet presentatione(m) et institutione(m) predictas ex certis causis uiribus non subsistere et sicut accepimus dicti Canonicatus et prebenda adhuc ut prefertur uacare noscantur Nos uolentes
eundem Petrum apud nos de uite ac moru(m) honestate alijsq(ue) probitatis et uirtutu(m) meritis multipliciter co(m)mendatu(m) hor(um) intuitu fauore prosequi gratioso ip(su)mq(ue) Petrum ab omnibus et singulis exco(m)mu
nicationis suspensionis et interdicti alijsq(ue) eccl(esi)asticis sententijs censuris et penis a iure uel ab homine latis siquibus forsan quouis occasione uel causa quomodolibet innodatus existit quoad effectu(m) pre
sentiu(m) duntaxat consequendu(m) har(um) serie absoluentes et absolutu(m) fore censentes necnon omnia et singula beneficia eccl(esi)astica cum cura et sine cura que dictus Petrus etia(m) ex quibusuis ap(osto)licis dispensationibus
obtinet et expectat ac in quibus et ad que ius sibi quomodolibet competit quecu(m)q(ue) quotiacu(m)q(ue) et qualiacu(m)q(ue) sint eor(um)q(ue) fructuu(m) reddituu(m) et prouentuu(m) ueros ualores annuos ac hui(us)modi dispensationu(m) teno
res presentibus pro expressis habentes discretioni tue per ap(osto)lica scripta mandamus quatinus si per diligente(m) examinatione(m) eunde(m) Petrum ydoneu(m) esse reppereris super quo tua(m) conscientia(m) oneramus
Canonicatu(m) et prebenda(m) predictos quor(um) fructus redditus et prouentus Quinquaginta florenor(um) auri de Camera secundu(m) co(m)mune(m) extimatione(m) ualore(m) annuu(m) ut ip(s)e Petrus asserit non excedunt siue ut
premittitur siue alias quouis modo aut ex alterius cuiuscu(m)q(ue) persona seu per libera(m) dicti Ade uel alterius de illis extra dicta(m) Curia(m) etia(m) coram Notario publico et testibus sponte facta(m) resignatione(m) uacent etia(m)
si tanto tempore uacauerint q(uo)d eor(um) collatio iuxta Lateranen(sis) statuta Concilij ad sede(m) predicta(m) legitime deuoluta ip(s)iq(ue) Canonicatus et prebenda dispositioni ap(osto)lice specialiter reseruati existant et super eis inter aliquos
lis cuius statu(m) presentibus haberi uolumus pro expresso pendeat indecisa du(m)modo tempore dat(e) presentiu(m) non sit in eis alicui specialiter ius quesitu(m) cum plenitudine iuris canonici ac omnibus iuribus et
pertinentijs suis prefato Petro auctoritate n(ost)ra conferas et assignes Inducens per te uel aliu(m) seu alios eundem Petrum uel procuratore(m) suum eius nomine in corporalem possessione(m) Canonicatus
et prebende iuriu(m)q(ue) et pertinentiar(um) predictor(um) et defendens inductu(m) amoto exinde quolibet illicito detentore ac faciens ip(su)m Petrum uel dictu(m) procuratore(m) pro eo in dicta eccl(esi)a ad prebendam hui(us)modi in
Canonicu(m) recipi et in fratrem stallo sibi in Choro et loco in Capitulo ipsius eccl(esi)e cum dicti iuris plenitudine assignatis sibiq(ue) de ipsor(um) Canonicatus et prebende fructibus redditibus prouentibus iuribus
et obuentionibus uniuersis integre responderi Contradictores auctoritate n(ost)ra appellatione postposita co(m)pescendo Non obstantibus felicis recordationis Bonifacij p(a)p(e) viij predecessoris n(ost)ri et alijs
ap(osto)licis Constitutionibus necnon dicte eccl(esi)e iuramento confirmatione ap(osto)lica uel quacu(m)q(ue) firmitate alia roboratis statutis et consuetudinibus contrarijs quibuscu(m)q(ue) Aut si aliqui ap(osto)lica uel alia qua
uis auctoritate in dicta eccl(esi)a in Canonicos sint recepti uel ut recipiantur insistant Et si super prouisionibus sibi faciendis de Canonicatibus et prebendis ipsius eccl(esi)e speciales uel alijs beneficijs
eccl(esi)asticis in illis partibus generales dicte sedis uel Legator(um) eius litteras impetrarint etia(m) si per eas ad inhibitione(m) reseruatione(m) et decretu(m) uel alias quomodolibet sit processum quibus omnibus
prefatu(m) Petrum in assecutione dictor(um) Canonicatus et prebende uolumus anteferri sed nullu(m) per hoc eis quoad assecutione(m) Canonicatuu(m) et prebendar(um) seu beneficior(um) alior(um) preiudiciu(m) generari
Aut si Venerabili fratri n(ost)ro Ep(iscop)o Olomucen(si) necnon preposito et Capitulo prefatis uel quibusuis alijs co(m)muniter uel diuisim ab eadem sit sede indultu(m) q(uo)d ad receptione(m) uel prouisione(m) alicuius
minime teneantur et ad id compelli aut q(uo)d interdici suspendi uel exco(m)municari non possint q(uo)dq(ue) de Canonicatibus et prebendis ipsius eccl(esi)e seu alijs beneficijs eccl(esi)asticis ad eor(um) collatione(m) prouisio
ne(m) presentatione(m) seu quamuis alia(m) dispositione(m) co(m)iunctim uel separatim spectantibus nulli ualeat prouideri per litteras ap(osto)licas non facientes plena(m) et expressam ac de uerbo ad uerbu(m) de indulto huius
modi mentione(m) et qualibet alia dicte sedis indulgentia generali uel speciali cuiuscu(m)q(ue) tenoris existat per quam presentibus non expressam uel totaliter non inserta(m) effectus ear(um) impediri ualeat quo
modolibet uel differri et de qua cuiusq(ue) toto tenore habenda sit in n(ost)ris litteris mentio specialis Seu si dictus petrus presens non fuerit ad prestanda de obseruandis statutis et consuetudinibus
prefate eccl(esi)e solitu(m) iuramentu(m) dummodo in absentia sua per procuratore(m) ydoneu(m) et cum ad eccl(esi)am ipsam accesserit corporaliter illud prestet Nos eni(m) si dictus Petrus ad hoc repertus fuerit
ydoneus ut prefertur exnunc perinde irritu(m) decernimus et inane si secus super hijs a quoqua(m) quauis auctoritate scienter uel ignoranter contigerit attemptari ac si die dat(e) presentiu(m) eidem Pe
tro ad hoc reperto ydoneo de dictis Canonicatu et prebenda cum interpositione decreti mandauissemus prouideri Dat(um) Rome apud Sanctu(m)marcum Anno Incarnationis dominice
Millesimoquadringentesimosexagesimosexto Duodecimo K(a)l(endas) Februarij Pontificatus n(ost)ri Anno Tertio