In nomine domini amen Anno natiuitatis eiusdem millesimo trecentesimo nonagesimo septimo Indiccione quinta die
undecima mensis Octobris hora terciarum uel quasi pontificatus sanctissimi in christo patris et domini nostri domini Bonifacij
diuina prouidencia pape noni Anno ipsius octauo in Olomucz in domo habitacionis honorabilis uiri domini Smylonis
de Ruzob sacre iuris canonici et officialis Olomucensis In mei notarij publici testiumque presencium presencia subscripteorum
Constituti personaliter honorabiles uiri dominus Johannes plebanus ecclesie parochialis in Cwrow partibus nomine procuratorio
~venerabilium~ ac religiosarum domicellarum dignisse abbatisse et conuentus monasterij aule in Tyssniowicz Olomucensis diocesis
ex una / et Vlricus plebanus ecclesie in Czechiyn eiusdem diocesis parte ex altera coram honorabilibus uiris domino Wilhelmo
~Puczelariensi~ et Smylone de Ruzob administratoribus in spiritualibus per capitulum Olomucensis ecclesie sede vacante deputatis
Super lite et controuersia de quibusdam decimis de uilla Raczyn per ecclesiam parochialem ac dominum Vlricum rectorem eiusdem
dandis et soluendis per concordiam asserentes se concordauisse huiusmodi sub forma uidelicet quod abbatissa et conuentus
monasterij in Tyssniowicz predicte prefato domino Vlrico plebano in Czechiyn et sue ecclesie suisque legitimis successoribus debeant
ac teneantur perpetuis temporibus dare soluere ac eciam offerre sine omni contradiccione assignare singulis annis quatuor
modios frumentorum siliginis uidelicet siue tritici siue siliginis reliquos uero duos modios auene ecclesie uero ministri ipsi laici
in uilla Raczyn predicta debent et tenentur dare et soluere dicto domino Vlrico siue ecclesie ac suis successoribus
perpetuis temporibus sicut hactenus per dictam ecclesiam parochialem in Czechiyn dederunt ac soluere consueuerunt / Quam quidem
ordinacionem et concordiam predicti domini Johannes procurator et nomine procuratorio quo supra hinc ad hec specialiter mandatum et Vlricus
plebanus in Czechiyn sponte ac uoluntarie susceperunt stipulacione interposita hincinde atque firmiter promiserunt inuiolabiliter obseruare pro
ponderunt Super quibus omnibus et singulis uidelicet composicione concordia et ordinacione premissis prefati domini Johannes
procurator nomine procuratorio abbatisse et conuentus monasterij in Tyssniowicz predicti / et Vlricus plebanus in Czechiyn pecierunt
ipsius per me notarium publicum infrascriptum unum uel plura publicum seu publica confici instrumentum uel instrumenta / et sigillo
~vicariatus~ Olomucensis ecclesie roborari perpetuis temporibus duraturum quod et feci de mandato dominorum Wilhelmi et Smylonis
predictorum / Acta sunt hec Anno Indiccione die mense hora pontificatu et loco quibus supra presentibus honorabilibus et discretis
uiris domino Raczconi canonico Wratislauiensi in chremsis petro Stephani de Snabina et Nicolao de Brodek clericis
passauiensis Olomucensis diocesis testibus ad premissa uocatis specialiter et rogatis