ICh michel altrichter zu tefspia vnd Ich Elisabeth sein Eliche hawsfraw vnd wir wolfgang mathes
hanns wenczlaw Ir Eliche Erbn vnd Ich mathes des bemelten michels altrichters Swester Sun bekennen
vnd thuen kundt offinbar mit disem brief vorallermennigklichen die In sehn horn abir lesn werdn Das
wir von den Ersamen geistlichn Iungfrawen katherina die czeit priorin vnd dem ganczn Conuent des
Closters zu vnser liebn frawen ze Swesterherburg in der Stat Brinn mit gunst vnd wissenschafft der Erbn
weisn Burgermeister Richter vnd rat der benantn Stat Des bemelten Closters furmunden vnd vorweser
den mairhoff zu Nidertefspia gelegn Recht vnd redlichn gekawfft habn mitallm das doran gehort ze veld
vnd ze dorff vnd mit allm dem rechtin Sam Sie In von her besessn vnd Innegehabt habn Zu vnser
benantn Erben leibn vnnerscheidenlich von einem auf den andrn die weil wir lebn denselbn hoff zube
sitzn zugenissn vnd getrewlich pawen bessern vnd in fruchten brengn solln vnd gelobn hiemit vngefer
lichn von tag zu tag vnd von Iar zu Iar So wirs am bestn kunen vnd mogn vnd solln den obgenantn
Iungfrawen vnd Conuent alle Iar von dem genantn hoff reitchn zinsn vnd gebn sibn markg vnd acht gro
phenig meirischer muncz vnd val doran fier huner zu Sand michaels tag an allis vorczihn vnd so offte wir
den obnbemeltn zins zu rechter czeit in massn als vorbeschribn stet saumbn vnd nicht achtetn Inwerczntagn
dann so habn die oftgenantn Iungfrawen vnd Ir amptlewte volln gewalt vnd macht solh(e)n vorsewmtn zins
von vns vnd allm vnsern guet das wir habn in demselbn vnsrn hoff vnd anderswo zunemen vnd zugeromen
mit anshaldn vnd mit pfendn Darwider wir vns nicht welln noch solln wern in kainerlei weis vnd wann
der almechtige Got vns geperet von diser werlt abzuscheidn Dann so sal der obbenante hoff widerumb mit
aller seiner zugehorung an das bemelt Closter vnd Conuent komen vnd gepurn mit solher vnderscheit Ist sach
das der Erbenderleib stirbt die weil vnd das treid baiderlei korn winter vnd sumer getreit in dem veld stund So schol
desselbige getraid die helffte an das Closter gefalln vnd cwe pferde fier markg wert vnd ein pflug thue
mit eim pflug ein beschlagener wagn ein halbschock huner ein saw ein cucht Rinder Gepurt es sich aber
das der Erbenderleib sturbe zu vaschanck So sal er lassn das vor geschribn stet pferde thue huner pflug
wagn saw vnd habern zu samen vnd was dann des vbrign ist das sal vnser Erbenderleib ansgemaime die
winterfart schaffn vnd gebn zu wem Er genad hat an alle hindernus Des zurkunt vnd sicherung habn
wir gebetn die Erbnweisn hannssn krensmer vnd nicolan leder zuezen Geswarne z kais der stat Brinn
das Sie Ir Insigl In vnd Irn Erbn vnschadn an diesn brieff gehangn habn der gebn ist In die Scte Dorothee
virginis eximie anno d(omi)ni mill(esim)o quadringentesimo quinquagesimo septimo