Nos Ioannes Ponetowsky de Ponetow Dei gratia Abbas (et) c(etera) et Apostolicæ Sedis Protonotarius una cum
conuentu nostro præsenti et futuro Monasterij Hradicensis iuxta ciuitate(m) Olomucensem, his literis uniuersis ac singulis
notum facimus venisse ad nos R(everen)dos Patres Societ(at)is Iesu Collegij Olomucensis in præurbio ciuitatis ad D(iuum) Franciscu(m) ædem
siti, petentes à nobis, quo illis in huius nostrij Monasterij bonis locum aliquem ad expurgandum et pratum faciendum, quo
in perpetuum deinceps uti possent concedere ac donare dignaremur. Cum aut(em) Nos, supra nominatus Abbas una cum conue(n)=
tu nostro, prædictos Patres ob eorum pietatem et animarum zelum, singulari beneuolentia prosequamur, atq(ue) eos Ecclesiæ
Dei his temporibus vtiles esse uideamus, non potuimus eorum honestæ ac necessariæ petitionj non annuere atq(ue) uotis satisfa=
cere. Proinde illis ac successoribus eorum locum certum Frantischow dictum inter Cziernowir et Ciumutaw situm, ad
excindendum, perpurgandum et pratum ex eo, suos in usus faciendum in perpetuum hac conditione concedimus et assigna=
mus, ut nihilominus locus (et) pratum ipsum in dominio ac fundis Monasterij semper ac perpetuo maneat. Porrò prædicti
Patres prato illo libero absq(ue) ullis censibus octo continuis annis uti poterunt, quibus elapsis singulis in posterum annis, ad S(ancti)
Georgij Festum, duos bonj argenti Boëmicos grossos in recognitionem dominij dare et ad Monasterium proprio labore adfer=
re tenebuntur. Nos uero supra nominatus Abbas (et) c(etera) una cum conuentu nostro, pro nobis ac futuris successoribus nostris
promittimus quod præfatos Patres nulla ratione molestare aut impedire volumus, quo minus prædicto prato libere ac
secure uti possint et vtantur. Actum in supradicto Monasterio nostro præsentibus et ad hoc adscitis
D(omino) Iacobo de Kralowiho dworu tunc temporis Monasterij nostrij uicecapitaneo, et Iacobo Dolanskij de Pliskowa
et Ioanne Lychnowskij eiusdem Monasterij Notario, D(omino) Vito Steinheist ciue et Senatore Olomucensi. Leonardo ex Rzep=
syna et Ioanne Cziaba ex Cziernowir, syluarum eiusdem Monasterij curam habentibus. In huius rei maius testimo=
nium, has literas nostro et Conuentus nostrij sigillis communirj iussimus. Dat(um) in supradicto Monasterio nos tro
Hradicensi Feria tertia post Festum Transfigurationis Dominj nostrij Iesv Christi. Anno M. D. LXXXII.