IN NOMINE SANCTISSIMAE ET INDIVIDUAE
TRINITATIS. AMEN.
EGO M(agister) DAVID ADALBERTUS KRISTELIUS PAROCHUS ET DECANUS TREBOVIAE
MORAVORUM: ET EGO MATTHAEUS BERNARDUS KRISTELIUS SS. THEOLO(GIAE) DOCTOR PROTONOTARIUS AP(OSTO)LICUS
et eo tempore Parochus et Decanus Lipnicensis: Fratres Germani, Natione Moravi Zwittavienses: Optantes maturè de Substantia nostra temporali disponere, et eam adhuc in uiuis ad DEI Glori
am et Ecclesiae necnon animarum nostrarum, ac proximorum sempiternam utilitatem, et salutis incrementum actu ordinare, et cum gaudio ac solatio spirituali sic ordinatam conspicere: Fundationem antehac datis Anno post Christum natum M.DC.LIII. die XX Mensis Septembris, mille et quingentis Tha
leris Morauicis [: singulos per septuaginta cruciferos computando :] Adm(odum) R(evere)ndis PP(atribus) Societatis IESU in Collegio Olomucensi eo tempore existentibus, pro comparando censu perpetuo traditis, in sustentationem trium Iuuenum Studiosorum in Seminario S(ancti) Francisci Xaverij ibidem factam
instinctu divino, liberè et sponte auximus et pro hoc augmento, de novo similes mille Moravicos eisdem Adm(odum) R(evere)ndis PP(atribus) Societatis IESU ibidem protunc existentibus, ad censum similiter perpetuum comparandum pro duobus adhuc Studiosis Iuuenibus (ita ut illorum Iu
uenum seu Alumnorum nostrorum sint semper et perpetuò quinq(ue)) in eodem Seminario Olomucensi, victu ordinario et in Seminario consveto temporibus perpetuis alendis sine mora applicandos de manu nostra dedimus et tradidimus, et defacto traditos hiscede
claramus. Volumus autem hoc augmentum fieri hisce sequentibus conditionib(us) et exceptionibus.
Primo. Reservam(us) nobis, ut si quam diu in vivis superstites conservabimur ambo vel unus ex nobis [: quod DEUS Opti(mus) Max(imus) misericorditer avertere dignetur :] in aliquam gravem deveniremus necessitatem, illum censum pro dictis mille Moravicis annuatim solvendam ad nos recipere,
eoq(ue) frui possimus, ita ut duo illi Iuvenes, quàm diu ea nostra vel unius ex nobis necessitas duraret, ex Seminario interea exirent, et ea alimenta non perciperent.
Secundo. Volumus, ut praedicta a nobis tradita Summa mille Moravicorum ad securum locum pro censu sex per centum collocetur; et hinc Censualistae praesentes, vel eorum Successores, Censum integrum, scilicet sexaginta Thaleros etiam Moravicos [: per septuaginta Cruciferos Thalerum compu
tando :] medietatem ad Festum S(ancti) Wenceslai, et alteram medietatem ad Festum S(ancti) Georgij irrefragabiliter, et citra tergiversationem deponant, atq(ue) in manus P(atris) Rectoris aut Praesidis praenominati Seminarij pro additis duobus Iuvenibus alendis consignent.
Tertio. Volumus ut si vel Census praedicti non solverentur vel Iuvenes tot non alerentur [: nisi extraordinaria annonae Caritas quinq(ue) Iuvenes alere vetaret, tunc enim iuxta annonae proportionem alendi essent Iuvenes :] Nos quousq(ue) saltem unus ex nobis vivet, prae
fatam Summam mille Moravicorum possimus libere repetere, et tanquam veri Domini de ea disponere.
Quarto. Si nostri Consangvinei Paterni vel Materni [: pro quibus primariò hoc augmentum intendimus :] deficerent, vel nullus, vel non tot ad Studia se applicare vellent, sit semper ex pauperibus Treboviensibus Moravorum unus; de reliquo volumus, ut in omnibus eo pla
ne modo, quoad hoc hoc augmentum procedatur, sicut praefata prima fundatio a nobis [: ut praedictum :] facta, et a Venerabili Episcopali Consistorio confirmata sonat et indicat, et hic consequenter sequitur.
Quinto. Vt Adolescentes illi sint ex nostris Consangvineis semper propinquioribus ex Fratribus vel Sorore progeniti, specialiter vero ut modo sint Nepotes nostri tam ex Fratribus, quam Sororibus eorumq(ue) Nepotum liberi his verò deficientibus pauperes Zwittavienses et his quoq(ue)
deficientibus quinq(ue) pauperes ex Moravia, praesertim vero ex locis seu bonis Episcopalibus ad Studia aptiores iuxta iudicium R(everendi) P(atris) Rectoris, qui ineptos et malè se gerentes amovere, et alios ex supra nominatis promovere poterit; ita tamen ut si Census non deponerentur, aut
obtineri non possent [: quod tamen speramus non futurum :] non teneantur PP(atres) Seminarij ad eos Iuvenes alendos. Rogamus vero R(everendum) P(atrem) Rectorem et R(everendum) P(atrem) Praesidem Seminarij, ut adhibitis etiam Iuris remedijs, Debitores ad Censum deponendum tali occasione compellere dignentur.
Sexto. Vt quam diu nos vivemus, ius habeamus tales Adolescentes eligendi et praesentandi, postmodum vero Fratres nostri, illis mortuis illorum Liberi masculi, semper tamen prae alijs ij, qui sunt vel erunt ex Linea Paterna Kristeliana, et deficientibus talibus vel non praesentantibus, poterit
R(everendus) P(ater) Rector eos nominare, quos hac nostra beneficentia dignos iudicaverit, qui omnes tamen vocandi erunt Alumni Kristeliani, ita tamen ut si deinde alius aliquis ex cognatis vel agnatis praesentetur, teneatur cedere loco extraneus vel statim vel saltem ad finem anni Scholastici.
Septimo. Vt si quo casu [: quem DEUS avertat :] RR(everendi) PP(atres) Societatis Scholas Olomucij tolerentur Iuvenes tales ad alias PP(atrum) Societatis Scholas in Moravia, Silesia vel Bohemia, aut quocunq(ue) alio in vicinia, semper tamen ad propinquiorem Zwittaviae locum transferantur, eiq(ue) Collegio, in quod translati fuerint Senatus vel
Communitas vel quicunq(ue) praefatam Capitalem Summam habuerint, Censum illum annuum solvere supra nominato tempore teneantur. Quod si nec in praefatis vel vicinis partibus ullae forent Societatis Scholae tunc a Successoribus Patribus Societatis cum consensu nostrorum Consangvineorum
ad alium pium usum praefati Census, interim convertantur, donec iterum Olomucij vel in vicinia Scholae Societatis erigantur.
Octavo. Vt Iuvenes hac fundatione fruentes post absoluta Studia Philosophica se ad Statum aliquem determinent, et si velint fieri Sacerdotes seculares vel intrare aliquam approbatam ab Ecclesia Religionem poterunt in eadem fundatione manere, donec dictum Statum amplectantur et Theologiae Mo
rali aut Speculativae studere. Quodsi absoluto Studio Theologico vel etiam non absoluto resilirent a proposito Statum Ecclesiasticum amplectendi tunc sumptus in Theologia in illos factos refundere tenebantur, ad plures alios alendos et de hoc moneri debebunt cum se ad talem
Statum resolvent. Si vero nec Sacerdotes seculares nec Religiosi fieri vellent, tunc volumus ut absoluta Philosophia dimittantur et alij idonei suscipiantur.
Nono. Desideramus ut etiam Musicae sedulam operam navent qui ad eam apti iudicati fuerint quo utilius Seminario S(ancti) Francisci Xaverij et Ecclesiae Patrum Societatis IESU servire possint.
Decimo. Suppellectilem lineam (ut Indusia strophiola et similia) sicut et lectisternia praedictorum quinq(ue) Alumnorum P(ater) Regens Seminarij sumptibus Seminarij munde lavari, et si quando restauratione indigeant lectisternia, instaurari curabit.
Undecimo et ultimo. Vt tamen etiam praedicti nostri Alumni aliquod gratitudinis argumentum erga suos Fundatores ostendant, volumus ut singuli quotidie aliquid certi pro nobis sive vivis sive defunctis orent, iuxta praescriptum RR(everendorum) PP(atrum) Seminarij Praesidum.
Ad hujus rei et Voluntatis nostrae pleniorem confirmationem fidem ac firmitatem Sigilla nostra apposuimus et manu propria subscripsimus, sicut R(everendus) P(ater) Rector Olomucensis Collegij, suo et Successorum nomine, quos impensè rogamus, quatenus hanc nostram Voluntatem
et fundationem benevolè et fideliter tueantur, promoveant et foveant, ita ut finem a nobis intentum [: qui DEI Gloria, nostrorum et Patriae nostrae aeterna salus existit :] feliciter consequamur. Actum Olomucij Calendis Novembris M DC LX.
David Adalbertus Kristelius
qui supra m(anu) p(ropria)
Simon Schürer m(anu) p(ropria)
Matthaeus Bernardus Kristelius
qui supra m(anu) p(ropria)