Badatelský katalog

Procházet listiny

Začněte jednoduchým hledáním. Filtry zpřesněte až podle badatelské otázky.

1633_XI_19

CZ-MZA > E33 > 1633_XI_19

unassessedMonasterium
Zdroj: MonasteriumAI paleografieAI interpretace
Strana 1 / 3
1633_XI_19, strana 1
Zobrazení
Transkriptgemini-3.1-pro-preview
NOS FERDINANDVS SECVNDVS
DIVINA FAVENTE CLEMENTIA, ELECTVS ROMANORVM IMPERATOR SEMPER AVGVSTVS, AC GERMANIÆ, HVNGARIÆ, BOHEMIÆ,
Dalmatiæ, Croatiæ, Sclauoniæ, Rex, Archidux Austriæ, Dux Burgundiæ, Marchio Morauiæ, Lucemburgensis, Silesiæ Dux, Lusatiæq(ue) Marchio, Ad perpetuam rei memoriam, notum facimus tenore præsentium,
nostro hæredumq(ue) nostrorum, successorum Regum Bohemiæ, et Marchionum Morauiæ nomine Vniuersis, et singulis ad quos hæ literæ nostræ peruenerint, præsentibus et futuris memoriæ mandamus: Etsi regalis mansue
tudinis prouidentia, subditorum curam gerens, ad ea, quæ Reipublicæ statum respiciunt, diligenti sollicitudine tam armis quam consilio teneatur intendere, merito tamen illa vberiori quodam prosequatur fauore, quæ
Dei Ter Opt: Max: cultum, fideliumq(ue) animarum respiciunt salutem. Cum itaq(ue) nobis Rector ac totum Collegium Societatis Iesu Znoymæ, Fundationem dicti sui Collegij à Generoso ac fideli nobis dilecto Michaele Comi
te ab Altheimb, Barone de Goltburg, in Muerstetten, Consiliario nostro Camerario, et Institutore militiæ Christianæ in Germania speciali nostro consensu, nec non Reuer: in Christo Patris, et Illustris Domini Francisci,
Cardinalis et Principis de Dietrichstein, Episcopi Olomucensis, Regiæ Capellæ Bohemiæ Comitis, nec non Marchionatus nostri Morauiæ Capitanei, intimi Consiliarij nostri, Amici et Principis dilecti, tanquam loci ordinarij
præscitu, facta, cuius tenor in hæc Verba sequitur. Gloria in excelsis Deo, et in terra pax hominibus bonæ voluntatis. Ego Michael Adolphus Comes ab Altheimb (et)c. publico hoc instrumento, atq(ue) literis fidem facio, me re in maturo
consilio deliberata, vna cum Domina Elisabetha de Stotzng Coniuge mea bonæ memoriæ, Religionis Catholicæ, atq(ue) pietatis auitæ studio ac Zelo, ad honorem Dei, nostram, et quamplurimarum salutem restituenda, atq(ue) propa
ganda, permotum, RR(endis) Patribus Societatis Iesu, (quorum Vita exemplaris cura ac studium, Dei honorem longè lateq(ue) proferendi, Deoq(ue) animas, qua concionando, qua Sacramenta administrando, cæteraq(ue) sui laudatissimi Insti
tuti ministeria, religiosè ac fideliter obeundo acquirendi, labores item indefessi atq(ue) industria qua utuntur, Iuuentutem in literis ac scientijs, in pietate ac moribus instituendo, toto Orbe celebrata, probataq(ue) sunt:) Collegium in
Vrbe Znoyma, ad D: Michaelem, de benigno Ferdinandi Secundi, Rom: Imperatoris, vt Boemiæ Regis, ac Marchionis Morauiæ, item Illust: ac Reuerend: Domini, Domini Francisci Cardinalis et Principis de Dietrichstein, vt Epis
copi Olomucensis atq(ue) Ordinarij consensu et gratia, instituisse, fundasse, atq(ue) erexisse, prout hisce instituo, fundo atq(ue) erigo, in hunc qui sequitur modum. Inprimis Ecclesiam S. Michaelis, à Lutheranis olim per summum nefas occu
patam, damnatæq(ue) eorum hæreseos exercitijs annis amplius Sexaginta contaminatam, Gymnasium item ab ipsis Lutheranis à fundamentis constructum, Hortum præterea, quem in cœmiterium adornabant, tres deniq(ue) domos quas
Ministri hæretici inhabitabant, et possidebant, (quæ omnia ob Rebellionis enorme crimen, in S. Maiestatis potestatem, iustissimè reciderant:) cum suis areis, hortis, vinetis, decimis, censibus, attinentijs iuribus in re et ad re(m),
iurisdictionibus, priuilegijs, atq(ue) immunitatibus, in hunc ipsum finem Pius, et Gloriosus Imperator, cum supradicti Ordinarij approbatione, donauit munificentissimè, et PP. in eorum possessionem, tam sua quam Ordina
rij authoritate legitimè induci iussit, et induxit. Comparauit deinde pretio quadraginta quinque millium florenorum, ab eodem Imperatore Sacratissimo, Molam in Schallersdorff cum hortis et tribus subditis, Pagum Prenditz cum Præ
dio, Castellum Bohutitz, et Pagos ad Castellum spectantes, Bohuity, Zelowitz, Bedrowitz, Zabrlowitz, et Wolfsgersten, cum vinetis, agris, pratis, syluis, decimis, molendinis, prædijs, piscinis, mobilibus, immobilibus, se mouentibus
et cæteris omnibus ad Castellum idem de Iure aut consuetudine pertinentibus. Syluam item Znoymæ vicinam, Burgboltz nuncupatam, quæ ante hac ad Arcem Znoymensem spectauit, cum omnibus suis Iuribus, cum priui
legijs, immunitatibus; Quæ omnia, si prædictam summam et pretium excedant, eo tamen duntaxat pretio vendidit Sua Maiestas, partim quia uastata erant bellorum iniurijs, partim quia benignitate et munificentia Cæsarea,
opus hoc Reipub: et Marchionatui, potissimum autem Ciuitati, et viciniæ toti vtilissimum, promotum voluit, optimus Imperator: hæc omnia sic à me comparata Societati Iesu in dotem Collegij Znoymensis do, trado, do
no, nihil mihi hæredibus, successoribusq(ue) meis iuris et authoritatis in ea retinens nullam eo nomine Societati, Collegioue meo obligationem imponens, præter eam quam habent ratione instituti et Constitutionum Societatis
Iesu PP. et Collegia. In horum omnium fidem, Ego Filiusq(ue) meus Primogenitus, Comes Michael Ioannes, Serenissimi Hungariæ Regis Ferdinandi Tertij, Camerarius (quandoquidem Diuinæ Maiestati placuit, antequam hoc
Instrumentum conficeretur, è mortali Vita ad immortalem vti spero gloriam, fidissimam, et merito mihi dilectam Coniugem, huius aliorumq(ue) Collegiorum meorum, Crembsensis, Iglauiensis, Confundatricem auocare) huic
Instrumento subscripsimus, et Sigilla nostra appendi iussimus. Rogamus autem et tota qua par est demissione, et qua possumus efficacitate, per supremum tremendi, et districti Iudicij Dei diem, Sacram Cæs: Regiamq(ue) Ma
iestatem, Serenissimum Hungariæ Regem, Regni Bohemiæ, et Marchionatus Morauiæ hæredem, eorumq(ue) hæredes et Successores, nostros hæredumq(ue) nostrorum Dominos clementissimos obtestamur, vt non solum hanc no
stram Fundationem confirmare, et contra omnes tueri ac defendere, sed etiam Collegium ipsum ac PP. perpetuis futuris temporibus protegere dignentur: Quo etiam nomine, immortalem à Deo, ad cuius honorem
ista omnia diriguntur, gloriæ coronam, Principes optimi consequentur procul dubio. Dabantur Viennæ Austriæ, die Vigesima nona Septembris, Anno Millesimo, Sexcentesimo Vigesimo septimo. exhibuerint, simulq(ue)
à Nobis quatenus Fundationem illam de innata nobis benignitate, et clementia, iterum clementer approbare, ratificare, et confirmare dignaremur, submisse petierint. Nos qui cultus diuini restaurationem, et
Sanctæ Religionis Catholicæ propagationem, intensis desiderijs affectamus, huiusq(ue) Societatis spectatam virtutem, et satis probatam industriam habemus, iustis præfati Collegij precibus grata duximus exauditione an
nuendum. Quapropter non per errorem aut improuide, sed animo deliberato, sano et maturo Procerum, aliorumq(ue) fidelium nostrorum accedente consilio, authoritate Regia, tanquam Rex Bohemiæ, et Marchio
Morauiæ, insertam hanc Fundationem, in omnibus punctis, clausulis, articulis et annotationibus approbauimus, ratificauimus, innouauimus, et confirmauimus, prout præsentis Diplomatis patrocinio, approbamus,
ratificamus, innouamus, et confirmamus: ac ut eò facilius, et citra ullius hominis impedimentum, laudabili suo instituto inhærere possint, volumus, ac Cæsarea Regiaq(ue) nostra authoritate, et quatenus Rex Bohemiæ, Mar
chioq(ue) Morauiæ, sancimus, ut Collegium hoc nostrum, in controuersijs, et reliquis actionibus, gaudeat libertate sua, secundum Canones Ecclesiæ communes et Priuilegia, ipsi Societati speciatim, tum à summis Pontificibus,
tum à nobis hactenus concessa et concedenda, ad eum plane modum, quo in alijs Regnis Prouincijsq(ue) nostris, ijs in Collegijs, Gymnasijs et locis vtuntur et gaudent, præsertim circa executionem discipulorum, à Iurisdictione sæcu
lari, ad eum modum quo in Collegio Pragensi, atq(ue) alys exempti habentur: eiq(ue) perpetuæ, et inuiolabilis firmitatis robur adijcimus decernentes, præmissa omnia et singula, valida, firma, et efficacia existere, et fore, suosq(ue) ple
narios effectus sortiri et obtinere, et omnibus, quos concernit, in omnibus suffragari, ab omnibusq(ue) inuiolabiliter obseruari, et adimpleri debere, ac irritum et inane, quidquid super his, à quopiam, scienter aut igno
ranter attentari contigerit, non obstantibus quibuscunq(ue) in contrarium facientibus. Quocirca requirimus Serenissimos ac charissimos Filios, Hæredes ac Successores nostros Reges Bohemiæ et Marchiones Morauiæ, eisq(ue)
gratiose et paterne committentes, mandamus ut hanc insertam Fundationem et Confirmationem nostram, fideliter et diligenter manuteneant, obseruent, et curent, vt illa desideratum suum effectum et executionem,
semper habeat et consequatur. Deniq(ue) etiam uniuersis et singulis Principibus, Baronibus, Nobilibus, Militibus, Capitaneis, Vice Capitaneis, Clientibus, Burgrauijs, Castellanis, officialibus, Magistris Ciuium, Proconsulibus, Consulibus,
Iudicibus, ad Vniuersitatibus, cæterisq(ue) subditis et fidelibus cuiuscunq(ue) dignitatis, status, gradus, ordinis, præeminentiæ, vel conditionis existunt, præsentibus et futuris, non solum persæpe nominatum Marchionatum
nostrum Morauiæ, verum etiam per hæreditarium Bohemiæ Regnum, et eiusdem incorporatas Prouincias vbilibet constitutis, præcipue uerò supradicto Domino Cardinali, et Principi de Dietrichstein, tanquam mo
derno nostro in sæpe dicto Marchionatu Capitaneo, ac futuris Episcopis Olomucensibus, nec non dicti nostri Marchionatus Supremis Officialibus, mandamus, vt prælibatum Collegium his omnibus liberè, quietè, et absq(ue) ullo
impedimento uti, frui, gaudere, ac potiri sinant, nec aliqua ratione in ijs impediant, seu perturbent, sed potius nostro et successorum nostrorum nomine et potestate atq(ue) authoritate sibi à nobis, successoribusq(ue) nostris
concessa, omnimodo defendant, manuteneant, conseruent, et efficaciter tueantur, nec uel ipsi contrarium faciant, vel à quoquam fieri sinant aut permittant, quatenus indignationem nostram grauissimam, et pœ
nam Centum marcarum Auri puri pro semisse fisco uel ærario nostro Regio, pro reliqua uerò parte dicto Collegio Znoymensi quoties contra factum fuerit, omni spe Veniæ sublata exsoluendam euitare uoluerint. Vt
autem hæc omnia firma et rata permaneant, plenumq(ue) et inuiolabile robur et testimonium perpetuo ualiturum habeant, Diploma hoc nostrum, manu nostra subscriptum, et Sigilli nostri maioris appensione munitum
super his fieri, et prædicto Collegio assignari iussimus. Datum in Ciuitate nostra Vienna, die decima nona Mensis Nouembris, Anno Domini Millesimo Sexcentesimo Trigesimo tertio, Regnorum nostrorum Romani decimo

Vědecké značení transkriptu

(text)
Rozvedená zkratka; písmena v závorkách jsou doplněna.
~text~
Mírná nejistota.
|text|
Vážná nejistota.
¦text¦
Velmi nejisté čtení.
<text>
Kontextová rekonstrukce, která není bezpečně viditelná.
# / #3w
Viditelný, ale nečitelný text.
^3w^ / ^2l^
Fyzicky chybějící nebo poškozený úsek.