1578_VI_20
CZ-MZA > E39 > 1578_VI_20
highMonasterium
Zdroj: MonasteriumAI paleografieAI interpretace
Zobrazení
Překlad
Transkriptgemini-3.1-pro-preview
Wir Hanns Thoman Prior Vnnd N: der gantze Conuent Cartuser Ordens
bey der Hailigen dryfaltigkait zu Künigsfeldt bey Prünn im Marggraffthumb Märhern gelegen, Bekennen für vnns vnnd vnnsere nachkhumen, offentlich mit disem brieff, vnd thuen
kündt meniglich, Allß wir an Ytzo dem Edlen vnnd Vesten Herrn Vlrichen Weinburger, Röm: Kay: Mat: rc. Hoffcamer Secretarien, vber die Jme von bemeltem vnnserm Gottshaus, auf Ewig
vnnd Erblich verlihenen Zehentfreyen Äckher des gantzen Oberfeldts, wie sich das vom obern ort des walds, mit ainem Marchstain, darauff ain Mühlrad außgehault, bey der Pergstrassen anhecht, vnd
verner nach der lenng biß an das vnnder ort gewert, alda auch ain solicher Marchstain, mit ainem Mühlrad, bezaichnet steet, Vnnd wider von berüerter eüsseristen pergstrassen, biß auff der Pöer=
säffer gründt vnnd Äckher herab gegen dem dorff, mit sambt den darzuegehörigen pirckhen, Schachen, Gestäudach, vnnd Schluechten, wie die zu perg vnnd tal gelegen, mit gleichen Marchstainen der
Mühlreder Zaichen außgemarckt Vnnd in Summa alleß, was zum Oberfeldt von alters her gehört, vnnd vor Jaren zum Closter gebraucht ist worden, auf drey Jar, welche sich schierkhünfftigklichen
Achtunndsibentzigisten Jars anfahen, Zinsfrey eingeben, Haben wir vnns darauff an Ytzo zügleich mit Jme Weinburger, in beysein des Edlen vnnd Ehrnuesten Herrn Hannsigen Pffeiffer,
Erbherrn von Ittepach, auf Aichhorn rc. als erbetnen beystandts, auf des Weinburgers bittenn Vnnd dann wider der Ersammen weisen Herrn Bernharden Prünn, vnnd Florian Tomanithel, bede Pürger vnnd des
Rats zu Prünn, vnsers tails erbetne beystandt, vnnd vnsers gegenwürtigen Ambttman, Cristoffen Mörxl, auf vergeende notturfftige besicht vnnd etlicher vnsers Gottshaus, dergleichen gründe vnnd
wierdtschafften erfarnen leütt vnd vnderthonen, ordentliche beschaw vnnd vnderredung, aines Ewigen Zinß benanntlichen alle Jar auf Sibenthalbenn Taller, vnnd sonst gar nichts mer dauon zu
geben, verglichen, Auch noch zu dem Jme Weinbürger bewilligt, das Er dise Zinsz, so wol die Zinß, fassgelt, loßung, scharwarg vnd andere herrn vorderung, die Jme von der Mühl zu Oberfalz, vnnd derselben
zuegehörung, auch den andern, sein alda erkaufften gründen vnnd guettern, vnnd in Summa von alledem, das Er vnnd seine Erben Jetz alda haben, vnd künfftig noch bekomen möchten, sonst
niemandt, dann allain Jederzeitt, vnns gegenwürtigen Priorn vnd Conuentualn, für sich selbs, oder durch seine leütt, vnd sonst an khain ander ort, als in das Closter zu Künigsfeldt, gegen ainer
Quittung, vnnder vnsers Gotzhaus Insigl verfertiget, one ainiche fernere staigerung, züraichen, schuldig sein sollen, Thuen vnnd bewilligen das wie obsteet für vns vnnd vnnser
nachkhomen, Jme Weinburger vnnd seinen Erben, oder wem Sy Jre gerechtigkait, an gedachten Jren, vnnder vnserm Gottshaus habenden guettern, ferner vbergeben werden, auch hiemit wissentlich vnnd in
Crafft dis brieffs, Also vnnd dergestalt, wann zu außgang der dreyer Jar, welche sich, als vorsteet, vnserer Jme insonderhait derwegen gegebenen verschreibung nach, erst schierist Michaeli anfahen werden,
der Zinß angehen wirt, das ist die Järlichen Sibenthalben Taller, von den Jme verlihenen Conuent Äckhern, des gantzen Oberfeldts, das Er dieselben, vnnd die andern Zins vnnd gaben, so von der Mühl, vnd
andern seinen zu Oberfalz, gegenwürtig habenden gründe vnd guettern, so wol die Er oder Sy khünfftig alda vberkhomen möchten, für sich selbs, deßgleichen seine Erben vnd rechtmessige Jnhaber
vermelter gründe vnd guetter, vnnd sonst niemandt, alls vnns Gaistlichen in das Closter geen Künigsfeldt, oder wer die khünfftig alda sein werdt, wie obgemelt, züerlegen schuldig sein sollen,
Wir haben auch nach vberdas Jne Weinburger vnnd seine Erben, vnnd khünfftige rechtmessige Jnhaber diser guetter, sambt Jren leütten, auch hiebey insonderhait, aus allen der Oberfälzer Gerichts zwang
beschwerung vnnd mittleiding getzogen, vnnd in vnsern, vnnd des Gottshaus Ewigen schutz vnnd schirmb genumben, Dergestallt, wann sich etwo zwischen Jme Weinbürger, seinen Erben, oder recht=
messigen Jnhabern gedachter guetter vnnd Jren leütten, auf berüerten gründen, Jrrung, thätliche sachen, oder andere Zwispaltung erregen würden, wie die Jmmer gehaissen werden möchten, khaine
oder nichts außgenomen, das Er Weinburger, seine Erben, vnnd Jre leütt, sonst vor khainem andern gericht züsteen, der clag verhör, vnnd des außtrags derfelben zügewarten schuldig sein sollen, als
vor aim Prior, vnd den Conuent Brüedern im Closter zu Künigsfeldt, das soll also auf Ewig, für vnns vnnd vnnsere nachkhumen geweren, vnd von vnns, vnd den Jhenigen, welchen das aigentthumb
vnnd die Oberhandt, vber gemelte vnsers Gottshaus guetter, auf khünfftig vberkhomen möchten, dem zugegen nicht gehandelt werden, Der Weinbürger, seine Erben, vnd rechtmessige Jnhaber mer=
gedachter guetter, sambt Jren leütten, sollen sichy auch von vnns vnd vnsern nachkhomen, in bemeltem Closter Cartuser ordens, vnd andern Jnhabern derselben, vertröstlich handtgehabt, vnd gegen
meniglich dessen, so offt es nöttig sein wirdet, geschützt vnnd geschirmbt werden, Alles trewlich vnnd vngeuerlich, Deß
zu vrkhündt, haben wir Jme Weinburger, disen Zinszvergleichungs, auch Schutz vnnd Schirmbs brieff, vnnder vnsers Gottshaus Conuent Jnsigl, vnnd gegenwürtigs Priors vnd Conuent Brüeders
aignen hanndtunderschrifft verfertigter züegestellt, Vnnd darnebn mit sonderm vleiß gebeten, das der Wolgebornne Herr, Herr Hanns Haugwitz von Biskupitz, auf Rätzhitz vnnd Chropin,
Röm: Kay: Mat: rc. Rath vnnd Vndercamerer des Marggraffthumbs Märhern, zu gezeügnüß, becrefftigung, vnnd Confirmierung der sachen, seiner gnaden handtschrifft vnd Jnsigl neben vn=
serm, so wol vorden annder bede thails erbetner beystandt gleichmässiger verfigung hieründer gestellt vnnd gehangen hab, Beschehen zu Künigsfeldt den Zwaintzigisten
tag Juny, Nach Christy vnnsers lieben Herrn Erlösers vnnd Seligmachers gebürtt, Jm Fünfftzehen hundert vnnd Achtunndsibentzigisten Jare /
Johannes Thomas, Hendrich Pffeiffer mpp Bernhard Prünn
bey der Hailigen dryfaltigkait zu Künigsfeldt bey Prünn im Marggraffthumb Märhern gelegen, Bekennen für vnns vnnd vnnsere nachkhumen, offentlich mit disem brieff, vnd thuen
kündt meniglich, Allß wir an Ytzo dem Edlen vnnd Vesten Herrn Vlrichen Weinburger, Röm: Kay: Mat: rc. Hoffcamer Secretarien, vber die Jme von bemeltem vnnserm Gottshaus, auf Ewig
vnnd Erblich verlihenen Zehentfreyen Äckher des gantzen Oberfeldts, wie sich das vom obern ort des walds, mit ainem Marchstain, darauff ain Mühlrad außgehault, bey der Pergstrassen anhecht, vnd
verner nach der lenng biß an das vnnder ort gewert, alda auch ain solicher Marchstain, mit ainem Mühlrad, bezaichnet steet, Vnnd wider von berüerter eüsseristen pergstrassen, biß auff der Pöer=
säffer gründt vnnd Äckher herab gegen dem dorff, mit sambt den darzuegehörigen pirckhen, Schachen, Gestäudach, vnnd Schluechten, wie die zu perg vnnd tal gelegen, mit gleichen Marchstainen der
Mühlreder Zaichen außgemarckt Vnnd in Summa alleß, was zum Oberfeldt von alters her gehört, vnnd vor Jaren zum Closter gebraucht ist worden, auf drey Jar, welche sich schierkhünfftigklichen
Achtunndsibentzigisten Jars anfahen, Zinsfrey eingeben, Haben wir vnns darauff an Ytzo zügleich mit Jme Weinburger, in beysein des Edlen vnnd Ehrnuesten Herrn Hannsigen Pffeiffer,
Erbherrn von Ittepach, auf Aichhorn rc. als erbetnen beystandts, auf des Weinburgers bittenn Vnnd dann wider der Ersammen weisen Herrn Bernharden Prünn, vnnd Florian Tomanithel, bede Pürger vnnd des
Rats zu Prünn, vnsers tails erbetne beystandt, vnnd vnsers gegenwürtigen Ambttman, Cristoffen Mörxl, auf vergeende notturfftige besicht vnnd etlicher vnsers Gottshaus, dergleichen gründe vnnd
wierdtschafften erfarnen leütt vnd vnderthonen, ordentliche beschaw vnnd vnderredung, aines Ewigen Zinß benanntlichen alle Jar auf Sibenthalbenn Taller, vnnd sonst gar nichts mer dauon zu
geben, verglichen, Auch noch zu dem Jme Weinbürger bewilligt, das Er dise Zinsz, so wol die Zinß, fassgelt, loßung, scharwarg vnd andere herrn vorderung, die Jme von der Mühl zu Oberfalz, vnnd derselben
zuegehörung, auch den andern, sein alda erkaufften gründen vnnd guettern, vnnd in Summa von alledem, das Er vnnd seine Erben Jetz alda haben, vnd künfftig noch bekomen möchten, sonst
niemandt, dann allain Jederzeitt, vnns gegenwürtigen Priorn vnd Conuentualn, für sich selbs, oder durch seine leütt, vnd sonst an khain ander ort, als in das Closter zu Künigsfeldt, gegen ainer
Quittung, vnnder vnsers Gotzhaus Insigl verfertiget, one ainiche fernere staigerung, züraichen, schuldig sein sollen, Thuen vnnd bewilligen das wie obsteet für vns vnnd vnnser
nachkhomen, Jme Weinburger vnnd seinen Erben, oder wem Sy Jre gerechtigkait, an gedachten Jren, vnnder vnserm Gottshaus habenden guettern, ferner vbergeben werden, auch hiemit wissentlich vnnd in
Crafft dis brieffs, Also vnnd dergestalt, wann zu außgang der dreyer Jar, welche sich, als vorsteet, vnserer Jme insonderhait derwegen gegebenen verschreibung nach, erst schierist Michaeli anfahen werden,
der Zinß angehen wirt, das ist die Järlichen Sibenthalben Taller, von den Jme verlihenen Conuent Äckhern, des gantzen Oberfeldts, das Er dieselben, vnnd die andern Zins vnnd gaben, so von der Mühl, vnd
andern seinen zu Oberfalz, gegenwürtig habenden gründe vnd guettern, so wol die Er oder Sy khünfftig alda vberkhomen möchten, für sich selbs, deßgleichen seine Erben vnd rechtmessige Jnhaber
vermelter gründe vnd guetter, vnnd sonst niemandt, alls vnns Gaistlichen in das Closter geen Künigsfeldt, oder wer die khünfftig alda sein werdt, wie obgemelt, züerlegen schuldig sein sollen,
Wir haben auch nach vberdas Jne Weinburger vnnd seine Erben, vnnd khünfftige rechtmessige Jnhaber diser guetter, sambt Jren leütten, auch hiebey insonderhait, aus allen der Oberfälzer Gerichts zwang
beschwerung vnnd mittleiding getzogen, vnnd in vnsern, vnnd des Gottshaus Ewigen schutz vnnd schirmb genumben, Dergestallt, wann sich etwo zwischen Jme Weinbürger, seinen Erben, oder recht=
messigen Jnhabern gedachter guetter vnnd Jren leütten, auf berüerten gründen, Jrrung, thätliche sachen, oder andere Zwispaltung erregen würden, wie die Jmmer gehaissen werden möchten, khaine
oder nichts außgenomen, das Er Weinburger, seine Erben, vnnd Jre leütt, sonst vor khainem andern gericht züsteen, der clag verhör, vnnd des außtrags derfelben zügewarten schuldig sein sollen, als
vor aim Prior, vnd den Conuent Brüedern im Closter zu Künigsfeldt, das soll also auf Ewig, für vnns vnnd vnnsere nachkhumen geweren, vnd von vnns, vnd den Jhenigen, welchen das aigentthumb
vnnd die Oberhandt, vber gemelte vnsers Gottshaus guetter, auf khünfftig vberkhomen möchten, dem zugegen nicht gehandelt werden, Der Weinbürger, seine Erben, vnd rechtmessige Jnhaber mer=
gedachter guetter, sambt Jren leütten, sollen sichy auch von vnns vnd vnsern nachkhomen, in bemeltem Closter Cartuser ordens, vnd andern Jnhabern derselben, vertröstlich handtgehabt, vnd gegen
meniglich dessen, so offt es nöttig sein wirdet, geschützt vnnd geschirmbt werden, Alles trewlich vnnd vngeuerlich, Deß
zu vrkhündt, haben wir Jme Weinburger, disen Zinszvergleichungs, auch Schutz vnnd Schirmbs brieff, vnnder vnsers Gottshaus Conuent Jnsigl, vnnd gegenwürtigs Priors vnd Conuent Brüeders
aignen hanndtunderschrifft verfertigter züegestellt, Vnnd darnebn mit sonderm vleiß gebeten, das der Wolgebornne Herr, Herr Hanns Haugwitz von Biskupitz, auf Rätzhitz vnnd Chropin,
Röm: Kay: Mat: rc. Rath vnnd Vndercamerer des Marggraffthumbs Märhern, zu gezeügnüß, becrefftigung, vnnd Confirmierung der sachen, seiner gnaden handtschrifft vnd Jnsigl neben vn=
serm, so wol vorden annder bede thails erbetner beystandt gleichmässiger verfigung hieründer gestellt vnnd gehangen hab, Beschehen zu Künigsfeldt den Zwaintzigisten
tag Juny, Nach Christy vnnsers lieben Herrn Erlösers vnnd Seligmachers gebürtt, Jm Fünfftzehen hundert vnnd Achtunndsibentzigisten Jare /
Johannes Thomas, Hendrich Pffeiffer mpp Bernhard Prünn