Rudolphus Dei gra(cia) Ep(iscop)us Wratislavien(sis) Sanctissimi In xp(ist)o p(at)ris et domini n(ost)ri d(omi)ni
Pauli diuina prouidencia pape Secundi Et sacrosancte Sedis ap(osto)lice ad Bohemie et Polonie Regna
ac Sclauanie p(ar)tes Cum potestate legati de latere legatus missus Religiosis in xp(ist)o nobis sinere dilectis
p(ri)ori et f(rat)ribus ac Conuersis domus Carthusiens(is) Olomuczen(sis) Necnon vniu(er)sis et singulis xp(ist)ifidelibus
p(re)sentibus et futuris Salutem in domino Cum deus gloriosus suis in sanctis multifarie multisq(ue) modis ac sedulo
sit implorandus Qui reuera om(n)ibus in ip(su)m credentibus diuine consolacionis distribuit saluberrima
Nos vero volentes vos qui sub regulari obseruancia et vite sanctimonia deo continuu(m) exhibetis famulatu(m)
atq(ue) obsequiu(m) fauore prosequi gr(aci)oso Cupientesq(ue) ut eccl(esi)a domus v(est)re a xp(ist)ifidelibus iugit(er) veneretur Et
vos ac ip(s)i xp(ist)ifideles adeo magis et magis ad deuocione(m) inuitent(ur) quo ex hoc dono celesti gracie vberius
se nouerint fore refectos De om(n)ipotentis dei mi(sericordi)a et beatoru(m) Pet(ri) et Pauli ap(osto)lorum eius auctoritate
confisi Vobis p(ri)ori et f(rat)ribus qui In Natiuitatis d(omi)ni Resur(reccionis) pasche Ascensionis penthecostes Corp(or)is xp(ist)i
ac singulis gloriosissime virginis Marie et Johannisbaptiste festiuitatibus Necnon singulis in aduentu
d(omi)ni et in Quinquagesima diebus dominicis Septem psalmos p(en)itenciales cum letania et collectis in ip(s)a
v(est)ra eccl(esi)a deuote dixeritis Conuersis vero in eisd(em) diebus et festiuitatibus Quinquagies p(ate)r n(oste)r et totidem
Aue Maria ac quinq(ue) Credo similiter deuote orantibus Et aliis laycis vere penitentibus dumtaxat in Cena
d(omi)ni et in die parasceues eccl(esi)am p(re)dictam visitantibus et similiter Quinquagies p(ate)r n(oste)r totidemq(ue) Aue Maria
deuote dicentibus Centu(m) dies Indulgenciaru(m) de Iniunctis eis p(en)itenciis auctoritate ap(osto)lica et n(ost)re legacionis
indulti in domino relaxamus p(re)sentibus vero p(er)petuis temporibus duraturis Dat(um) in Nissa sub n(ost)ro Sigillo
Anno d(omi)ni Millesimoquadringentesimosexagesimonono Die vero decimaoctaua mensis Maij
Pontificatus p(re)fati Sanctissimi d(omi)ni n(ost)ri d(omi)ni Pauli pape Secundi Anno Quinto