Ich Diksich von obplabz vnd mein gvten tvn chvnt an disem prif allen levten di in sehent od(er) horent lesen
daz wir Innechwovn devtesen fraw pvlkern closter ze chvnnigz brvn chlaern orden zv zinsn v(n)d zv
rechten schvldig sein Czehen markch gvter pregisch phenning mercheisch zal vnd mvntz vnd des(er)
selb satz wir in ain gvten gvlt auf vns(er)m gvot zv Halking perner mit eim halben lehen vnd he
stein mit eim halben lehen vnd Nydasen liephartz svn mit drein vierteilen eins lehen vnd zv nestprawn
ein hofstat vnd tweten ir der ab mit vrchvnd ditz prifs daz si den Czins von den levten alle Iar
Ierlich auf sand Iorgen tag halbe vnd auf sand Michels tag halbe raich vassen vnd neme(n) schol
Als lang vntz daz ir od(er) wer disen prif mit ir gvnst inne hat ir Czehen markch phenning werden
vo(n) vns gar vnd gantz berait vnd bezalt vnd zv ein pesser sicherhait so gvlt ich Bart von
obplabz mit gesampt hant zv mei(n) prvod(er) Diksichen ab ir daz gvot inntne zv chrieg tet od(er) ab ir
An dem gvot geuall od(er) havptgvot ab gieng daz si des darvon nicht bechvme(n) mocht so gvlt wir
vns(er)m vnt(er)pfant gnesen daz vfvllen vnd gvlt von and(er)m vns(er)m gvot wo wir daz haben daz
si vnschathaft beliben schol havptgvot vnd ginst des gelvbdz ist gegebe(n) vns(er) markch Czehen vo(n)
Iewilschavntz d(er) dvrch vns(er) pet wille(n) sein Ingsigel zv vns(er)n Ingsigeln Andisen prif gehangt hat zv
ein stete vrchvnd dis gvltz d(er) gegebe(n) ist nach Cristes gepvrd drewzehen hvndt Iar in dem
fvnf vnd sechzigste(n) Iar des nachten mit(er) vasten vast woche