Wir Mathias Oberstermeister kreuzer ordens mit dem Stern zu beheim Polen czehen vnd Slesien Prior des Spitals In der Alt
den Stat zu prag bei dem fues der pruck Paulus prior czu zittaw probest der kirchen der lieben sant yolten auff dem pergk ob der Bressnicz Hennig ko
mender des Spitals In Eger Jobst Comender des Spitals vor der Stat Saacz Michael pfarrer In godnicz Michael pfarrer In popicz vnd der gancz
Conuent In Capitel gesamelt Thun kunt das die Ersperigen klester vnd kete vnd gancze gemaine vnsers kirchen In popicz das do gehort
erblich zu der kirchen der lieben sant yolten obgemelt gehorend In dem vorgenelten Spital In prag In vnserm mittel In demutiger beten an sandt
haben begerende In rechte meher zu kuffigen Inen gütlich zuuerleihen purgerrecht nach laut der Erborigen Stat In Znaim vnd sunderlich
von Inen die verliesen Iren guter zu nemen also das sie alle von Inen gechofet mit Iren gutern Iren von got verlichen vnd erberlich gewunnen gabe
oder nach gewunnen wurden vnd mochten frey ledig vnd vnuerhindert schicken vnd schaffen mochten an alles geverde Dihir suliche begir der
vnns fleissiglich gewegen nach gemainsamer verstentlikait billige begir ansehend die trewliche hanndel vnd pflichte damit sie vns angenomen
zu meint seind aus sunderlicher gutikait Verleihen wir vnd geben Inen In krafft diss briefs purgerrecht oder annder Statrecht In aller seiner
behaltnuss Artickeln punckten vnd clauseln Auch so was mit aigenen namen benennt werden vnd sunderlich das sie Ire guter slaffende
farend liegend tragend treibend wo sie die haben werden mogen schicken schaffen vbergeben aigen freunden oder lieben freunden bey lebendigen
leibe guter vernunfft gesunt oder siech oder zu gutigen wercken kirchen closter oder wohin der mensche genaigt hat durch vns an Iren
nachkomen yedermeniglich vnuersprochen vngehindert In ewigen zeiten Auch verleihen wir den obgemelten den vnserm vnd sunder
licher gutigkait In nuczen vnd zugebrauchen das holcz das do teglich gehort zu dem hause der kirchen der lieben sant yolten das do leit In
Iren rainen neben der Tey diss kirchen zu nuczen zugebrauchen vnd zu geniessen als Ires holcz vnuerkauffen Iren nachparn In popicz
auch ainem yeglichen pfarres der zu der czeit In popicz wirt vnd ab vns vber Ire notdurfft In dem mess wein were so sollen sie denselben
armen leuten zu kellerling so sie es begeren wurden vmb gelt verkauffen Auch bewegen wir den klester vnd kete der vor
gemelten holcz vnd vberich dem klester vnd kete das sie es bewaren vnd nit lassen schaden geschehen vnd ab sie der hilffe notdurfftig
wurden so sollen sie soliches begeren an Iren probest Irem herren auff dem poltenberg darumb sie Ierlich zinsen sollen zwen gulden dem
hawse der lieben sant yolten zu eger Verleihen wir Iren testunge der kirchen angenomen vnd die widerlichen hanndel nach laut der vor
mein stat loblich alt herkomen geueastit nach der worte stoss des briefs vnd Innhaldes der vngesessin nachparn die Inen an aige list zu In
ein fassen denen mogen auch wir kegen gutigkait bestetigen wir Inen In krafft dis briefs bestetigen Des zu warer vrkunde vnd
steter vestikait vnsere aigen In sigel des Ambts der Maistersschaft vnd des ganczen Conuents mit eintrechtiger verwillunge des
ganczen Capitels mit warhait wissenhait haben thun hengen an diesen brieff der gegeben ist nach Cristi vnsers lieben herren
gepurt funffczehenhundert vnd In dem funfften Jare den Z Eitag nach der heiligen Dreifaldikait In dem Spitale In
prag obengenant