ERNESTVS DIVINA MISERATIONE
S(anctae) R(omanae) E(cclesiae) TIT(uli) S(anctae) PRAXEDIS PRESBYTER CARDINALIS AB HARRACH ARCHIEP(ISCOP)VS PRAGENSIS
Princeps Legatus Natus, Inclyti Boemiae Regni Primas, Sac(rae) Caes(areae) Regiaeque Maiestatis Intimus et actualis Consiliarius, nec n(on)
Ordinis Crucigerorum cum Rubea Stella per Boemiam, Morauiam, Silesiam et Poloniam Supremus ac G(ene)ralis Magister
VNIVERSIS ET SINGVLIS PRAESENTES LITTERAS NOSTRAS INSPECTVRIS SALVTEM APPRECAMVR IN DOMINO SEMPITERNAM
Notumque facimus quod uacante Praepositura in Monte S(ancti) Hippoliti prope Znoymam, quae Ordinis nostri Crucigerorum cum Rubea Stella est, per obitum Gerardi de Silesia ultimi et immediati ipsius Praepositurae Possessoris
de fidelitate, industria, et circumspectione Venerabilis deuoti nobis dilecti Thomae de Silesia sufficienter edocti, attento quod huiusmodi institutio et confirmatio de antiqua et approbata consuetudine pleno Jure ad nos
pertineat, eundem Thomam de Silesia omni meliori modo, Via, Jure, causa et forma, quibus melius ualidius et efficatius potuimus et debuimus, possumus et debemus, constituimus, creamus, ordinamus, et confirmamus, nostrum
et praelibati Sacri Ordinis nostri, Verum, certum, et legitimum ac indubitatum Praepositum Supradictae Praepositurae Sancti Hippoliti, eamque praenominato Thomae de Silesia, cum omnibus fructibus, Juribus et pertinen
tijs suis, tenendam, gubernandam, et possidendam, Authoritate nostra tenore praesentium conferimus, committimus, et assignamus, eumque in Praepositum, Gubernatorem et Rectorem ipsius cum o(mn)ibus Juribus et pertinentijs suis eodem
tenore instituimus, et illam eidem concedimus per praesentes, hac tamen limitata et expressa cum conditione, ut ex praescripto Regulae S(ancti) Augustini uiuat et annuatim nobis, sicuti hucusque semper obseruatum fuit tanquam Magistro
Ordinis Generali Sexaginta Vrnas Vini Secundum consuetudinem Veterem et usitatam persoluat, praestito per eum Juramento, quod dictam praeposituram bene et utiliter reget, et condecenter administrabit, terras et aedificia
et Possessiones, atque Jura alia ipsius Praepositurae manutenebit, Reseruantes nobis in omnem euentum, Jus uisitandi, et omnia Jura Generali Magistro competentia. Deputauimus autem Venerabilem nobis dilectum
Joannem Georgium Manner Hospitalis nostri S(ancti) Francisci ad pedem Pontis Pragae Priorem, qui eum nomine nostro in dictam Praeposituram introducat et installet, et ab omnibus loci subiectis decenter respici et obdiri
faciat. In cuius rei testimonium has praesentes litteras manu nostra Subscripsimus Sigillique Nostri appressione communiri fecimus. Pragae in Residentia nostra Archiep(iscopa)li die 21 Junij Anno D(omi)ni 1653
E(rnestus) Card(inalis) ab Harrach