Von Gottes gnaden Wir Ferdinand Jo
hann des Heyl(igen) Rom(ischen) Reichß Furst von vnd zu Liechten
stein Von Nicolspurg in Schlesien zu Troppau Jägerndorff Teschen
vnd grosß Glogau, Hertzog, der zu Hungarn vnd Böhemb König(lichen) May(estät) würckhlicher Cämmerer,
vnd bestelter Obrister, vber ein Regiment zu fuesz (et)c(etera) Vrkunden hiemit wissent
lichen, das nachdem wir zu widerbesetzung, des in vnserer fürstlichen Residenz Statt
Mährischen Cromau, ein Zeithero vnbewohnten, Von disem aber in gott ruhenden
ältesten von vnserm hochgeehrtesten herrn Vattern, von grundt auferbauten Closters,
Sancti Bartholomei genant, als stüffter, auf einige Stifftung oder fundation, auß be
sondern eyfer, vndt Christseeliger fürnemung, ansehnlichst getrachtet, Vnd endtlichen
mit denen Ehrwürdigen P(atribus) P(atribus) Definitioribus Generalibus Sancti Ordinis Diui Pauli
Primi Eremitæ, Fratre Alexio Fodor, vnnd Fr(atre) Joanne Jaszay, als hierzu gäntzlich
mechtigter, sub dato Wienn decimo calendas Julij anni huius 1657. der obgedachten
fundation, vnd ihres Vnderhalts halben, endtlich tractiret, geschlossen, vnd ein rechte
fundations form schrifftlichen verfasset. Alß vbergeben vnd Cedirn wir hie
mit, vnd in Crafft dises wissentlich, in bester vnd stärkhester form, dem obanbenanten
heyligen Orden, von denen hie vnden specificirten, vnsern, aigen schuldlichen, bey der Zu
Hungarn vnd Böhemb König(lichen) Hoff Cammer, restierentig habenden, vnd von vnserm
hochgeehrtesten herrn Vattern, Vns cedirten schuld, Dreyßig Tausent gulden reinisch,
welche der heylige Orden möge vnd khönne, von Capitali oder Interesse, wie es aufs
beste thunlichste, vnd ehiste immer sein thue, sollicitirn, einmanen, erheben, Zu der
fundation, vnd den in dem Cromauer Closter, wohnenden ordens Verwandten, gaist
lichen Vnderhaltung, verwenden solle, wie hierin in dem fundations brieff mit mehre
rem versehen, So nun allentagen, iezt, vnd zu allen zeiten wir gethan haben
wollen. Zu dessen mehrer sicherheit, vnd bekräfftigung, haben wir disen Schein
mit vnserm Fürstlichen anhangenden Innsigl, vnd aigenen handtvnderschrifft befestiget,
Darzu erbethen, die WohlEdle vnd Gestrengen herrn, herrn Wolffgang Baurgkhoffer von
Baurg, auf Czebechouitz, vnd Vran, (et)c(etera) Vnd herrn hanns Wilhelm spitzl von spitzlberg
beede der zu Hungarn vnd Böhem König(lichen) May(estät) respectiue König(lichen) Obrister Land