Ladislaus dei gracia Hungarie Bohemie Dalmacie Croacie (et)c(etera) Rex Dux Austrie Marchioq(ue) Moravie (et)c(etera) Omni
bus in perpetuum. Sacrarum edium magnificas fabricas quas preteritoru(m) temporum procella seva destruxit ad primas
reduti formas leto animo conspiceremus. Nam cultus in eis inmortali deo exhibetur ornacior Civitatum Regniq(ue) re
formatur aspectus et fundatorum memoria indigna perire vix perempta servatur. Religiosi igitur Nicolai Abbatis ac
conventus Monasterij Gloriosissime dei genitricis Marie et sancti protomartiris Stephani premonstratensis ordinis ex
tra muros Civitatis nostre Olomucen(sis) quod Illustris Moravie Marchio Otto fundavit nostrorum devoto
rum dilectorum precibus benigne inclinati qui Monasterium ipsum vastis ruinis fractum atq(ue) eversum reedifica
re in eoq(ue) habitare licere eis tribui a nostra Maiestate exposcunt Non per errorem aut inprovide sed deliberate et
cum sano consilio nostrorum procerum et fidelium decerta nostra sciencia auctoritate Regia Bohemie et Marchiona
li Moravie ipsis Abbati et conventui eorumq(ue) successoribus Ad laudem dei et precipuum honorem eius Sanctissime
matris et sancti protomartiris Stephani Damus et concedimus plenam licenciam facultatem potestatem et aucto
ritatem reedificandi reparandi et de novo construendi dictum Monasterium ea forma qua prius edificatum fuit vel
aliter prout melius poterunt et in eo morandi habitandi divinoq(ue) cultui inserviendi secundum ordinis eorum regu
lam ac constituciones cum hijsdem libertatibus immunitatibus gracijs concessionibus indultis ac Juribus univer
sis cum quibus eiusdem ordinis Abbates ac conventus ante Monasterij predicti ruinam moram trahere in eo ac
habitare consueverunt In quorum fidem has litteras nostras fieri et nostri Sigilli Regij iussimus appensione
muniri Datum Prage die secunda mensis Septembris Anno domini Millesimo Quadringentesimo Quin
quagesimoquarto Regnorum nostrorum Anno Hungarie (et)c(etera) Quintodecimo Bohemie vero Primo
Ad relationem do(mini) procopij de Rabenstein
Cancell(arij) nicolaus liscus legu(m) doctor.