27

In mill(esim)o Meltius Dei et Apost(olice) sedis Archiep(iscop)us Capue sanctiss(i)mi in Christo Patris
et Domini n(ost)ri D(omi)ni Innocentij Diuina prouide(ntia) PP. Xmi ac eiusdem S(ancte) Sedis
Apostolice apud Sac(ram) Ces(aream) M(ajes)tem Ferd(inandum) III in Imp(eratore)m electu(m) nec n(on) per Germaniam,
Hungariam Bohemiam Austriam, Styriam Carinthiam Croatiam Carniolam Goritiam
Vniuersumq(ue) Rom(anum) Imp(erium) districtum, cum facultate Legati de latere Nuntius.

Dilecto nobis in X(ris)to Adm(odum) R(everen)do D(omi)no Jacobo Geding ordinis Canonicor(um) regularium Pre
monstratensium, Abbati in Monasterio Gradicens(i) in Morauia salutem in D(omi)no sempiterna(m)
Exponi nuper fecisti nobis, qualiter e monasterio tuo nomine Gradicium ab Hoste Sueco
expulsus tu una cum Religiosis tuis iam per quatuor annos extorris existis, et qu(i)a firmu(m)
locum et mansionem certam n(on) habes, ob ingruentem belli tumultum sepe coactus es hinc
inde fuga salutem querere ac per diuersa Hereticorum nec n(on) a militib(us) diruta loca
pertransire in quibus ex deficientia ecclesiarum spirituali consolat(ione) audiend(e) aute(m)
Misse sacrificio, maximo cum animi tui dolore priuatus existis. Quapropter ad
promouendam tuam deuotionem nec n(on) ad satisfaciendum ecclesie preceptis, nobis
humiliter supplicare fecisti ut ubiq(ue) locorum, quo te deuenire aut commorari contin
gat, et ubi ecclesie, uel oratoria n(on) erunt, in aliquo loco condicenti super altare porta
tili consecrato sacrum celebrandi aut celebrare faciendi facultas tibi benigne concederet(ur).
Nos igitur tibi specialem gra(ti)am facere volentes et animi tui n(on) solum saluti uerum
etia(m) consolationi consulere cupientes, supplicationibus nobis tuo nomine porrectis inclinati
te in primis a quibusuis excom(munication)is suspensionis, et interdicti alijsq(ue) ecclesiasticis sententijs,
censuris, et penis, a Jure uel ab homine quauis occasione uel ca(us)a latis, si quibus quomodol(ibet) inno
datus existas ad effectum presentium dumtaxat consequendum harum serie absoluentes et absolutu(m)
censentes. Tibi ubiq(ue) locorum quando necessitas ob defectum ecclesiarum et oratorioru(m)
intercesserit et non alias, super quo conscientiam tuam oneramus, super altari portatili
consecrato sacrum legere et celebrandi aut celebrare faciendi coram te, per legitimu(m)
et approbatum sacerdotem tui ordinis, licentiam et facultatem in Domino concedimus
et impertimur, n(on) obstantibus. Volumus t(ame)n, quod locus in quo celebrare contigerit
sit condecenter aptus, et a secularibus ministerijs seiunctus super quo pariter conscientiam
tuam oneramus. Presentibus donec in pristinam Monasterij tui Gradicens(is) possessione(m)
restitutus fueris, et durauerit hic belli tumultus nec n(on) toto nunciature nostre tempore
durante duntaxat valituris. In quorum fi(dem) Dat(um) Vienne Austrie ex palatio Ap(osto)lico.
Post(ridie) Kal(endas) Martij 1646.
Camillus Archiep(iscop)us Capue Nuncius Ap(osto)licus. LS Petrus Pieruccius J. C. Cancellarius

Copiam presentem conscriptam ex suo uero subscripto et sigillato
originali transumptam eidemq(ue) facta collatione, in presentia testium
Preenobilis Domini Friderici a Hohenzollern a Friedensperg, nec non
Nobilis et Excellentissimi D(omi)ni Erasmi Mies allas Medicine Doctoris, de uer
bo ad uerbum concordare repertam attestor ego Antonius Paulus Pisin
J. V. Doctor, nec non sacris Apostolica et Imperiali Authoritatibus et
ab Antiquissima Vniuersitate Viennensi approbatus Notarius Publicus
meo symbolo Notariatus, sigilloq(ue) consueto et propria manus
subscriptione. Actum Vienne 4 Martij 1646