N O S M A R I A T H E R E S I A
DEI Gratia Romanorum Imperatrix, ac Hungariæ, Bohemiæ, Dalmatiæ, Croatiæ,
Sclavoniæq(ue) Regina; Archidux Austriæ; Dux Burgundiæ, Brabantiæ, Styriæ, Carinthiæ, et Carnioliæ; Comes Hab=
spurgi, Flandriæ, Tyrolis, et Goritiæ &c: MEMORIÆ commendamus tenore præsentium significantes, quibus expedit universis. Quòd posteaqvam
Nos Præposituram Sancti Stephani Protho-Martyris de Promontorio Varadiensi, in Diocesi ejusdem nominis, Comitatuq(ue) Bihariensi existentem, cæteroqvin etiam ad Ordinem
Præmonstratensium Canonicorum Regularium spectantem, ac per Serenissimum olim Principem JOSEPHVM, Romanorum Imperatorem, et Hungariæ Regem, Patruum, et Præde=
cessorem nostrum gloriosæ recordationis desideratissimum, virtute benigni Diplomatis ejusdem Regij, in Anno millesimo septingentesimo qvinto, die qvarta Mensis Decembris, pro=
teritis, in Archiducali Civitate Vienna Austriæ emanati, dicto Ordini Præmonstratensium Postliminio restitutam, postremò Honorabili, et Religioso Antonio Nolbek, prælibati Or=
dinis Præmonstratensium, Regiæ Ecclesiæ Lucensis, in Marchionatu nostro Moraviæ Abbati, modis, formis, et Conditionibus, in præattacto benigno Diplomate Josephino uberiùs
denotatis, benigne contulissemus, modofatum vero Abbatem Lucensem, Antonium Nolbek, Divinô sic disponente Numine, Annô proximè evoluto, ad Æterna evocari, et conseqventer
antelatam Præposituram Sancti Stephani Protho-Martyris, rursus vacare contigisset, præfataq(ue) Ecclesia, seu Conventus Lucensis Obligationis suæ, et Conditionum, in præfato be=
nigno Diplomate Josephino contentarum haud immemor, ad modofatam Præposituram Sancti Stephani, aliud rursus Subjectum, modernum utpote prærepetitæ Ecclesiæ Lucen=
sis, neo-electum Abbatem, Fidelem videlicet nostrum, Honorabilem aqve, ac Religiosum Hermenegildum Mayr, Sacro-Sanctæ Theologiæ Doctorem, Majestati nostræ, pro obti=
nendis desuper benignis Literis nostris Confirmatorio-Collationalibus humillimè repræsentâsset. Hinc Nos qvoqvè clementem habentes respectum, ad præclaras Virtutes, lauda=
tosqve et acceptos Mores, Doctrinam item, ac Eruditionem, nec non omnibus gratam exemplaris Vitæ Conversationem, cæterasq(ue) præclaras Animi Dotes, prælibati Herme=
negildi Mayr, Abbatis Lucensis, Eidem præspecificatam Præposituram Sancti Stephani Protho-Martyris, de Promontorio Varadiensi, modò præviò vacantem, Autho=
ritate Juris Patronatûs nostri Regij, quod generaliter in universis prælibati Regni Hungariæ, Partiumq(ue) eidem annexarum Ecclesijs, instar Divorum olim Hungariæ Re=
gum, Prædecessorum videlicet nostrorum gloriosæ memoriæ, optimô Jure habere, et exercere dignoscimur, unà cum universis dictæ Præposituræ Bonis, Juribusqve Possessiona=
rijs, Castris videlicet, Castellis, Oppidis, Villis, Possessionibus, et Prædijs, generaliter verò cunctis Utilitatibus, Obventionibus, Emolumentis, Proventibus, et Pertinentijs, nec non
etiam omnibus Honoribus, Prærogativis, et Immunitatibus, de Jure, et ab antiquo ad dictam Præposituram spectantibus, et pertinere debentibus dandam, et conferendam, Eun=
demqve Ei, cujus interest, præsentandum esse duximus, ita tamen: Ut in casu mortis ejusdem Abbatis Lucensis aut mutationis Dominij Conventûs Lucensis, aliam iterum ido=
neam Personam, ad hanc Præposituram, servatis de more, et Consvetudine hujus Ordinis servandis, eligere, talemqve, et futuros suô modô semper eligendos Præpositos, Nobis, et
Successoribus nostris, legitimis utpote Hungariæ Regibus, pro obtinendis super ejusmodi Electione benignis Confirmatorio-Donationalibus, et Installatorijs Literis, sine quibus ejus
modi electus Præpositus realem toties fatæ Præposituræ Possessionem assequi neutiqvam valeat, præsentare, cæterisq(ue) universis Conditionibus, in prænotato benigno Diplomate
Josephino uberius denotatis, et expressis satisfacere debeant, et teneantur; imò damus, conferimus, ac præsentamus, harum nostrarum secretô minori Sigillô nostro, quô ut Regina
Hungariæ utimur, impendenti communitarum, vigore, et Testimoniô Literarum. Datum in Archiducali Civitate nostra Vienna Austriæ, die vigesima qvinta Mensis Maji, Annô
Domini millesimo septingentesimo qvadragesimo sexto. Regnorum nostrorum: Hungariæ, Bohemiæ, et reliqvorum Annô S E X T O.
Maria Theresia
Comes Nicolaus Palffy
Franciscus Koller
Collatio Præposituræ S. Stephani de Promontorio Varadiensi, pro Honorabili Hermenegildo Maar, electo Abbate Lucensi. Resolut(io): 25. Maji, 1746.