N O S J O S E P H U S
DEI gratia Electus Romanorum Imperator semper Augustus ac Germaniæ Hungariæ Bohemiæ Dalmatiæ
Croatiæ Sclavoniæqve &c REX Archidux Austriæ DUX Burgundiæ Brabantiæ Styriæ Carinthiæ Carnioliæ Marchio Moraviæ DUX Lucemburgæ ac Superioris & Inferioris Silesiæ Wier
thembergæ & Thekæ Princeps Sveviæ Comes Habsburgi Tyrolis Ferreti Kyburgi & Goritiæ &c Memoriæ commendamus tenore præsentium significantes quibus expedit Vniversis: QVOD NOS benignam habentes reflexionem ad
indefessum studium Zelumq(ue) & fervorem necnon assiduas preces & supplicationes Fidelis nostri Nobis dilecti Honorabilis FRANCISCI à SCHÖLLINGEN Ordinis Sancti Norberti Canonicorum Præmonstratensium Conventus
Monasterij Pernecensis Abbatis Consiliarij nostri & Statuum Inferioris Austriæ Perpetui Deputati pro restituendo & in præfatum Regnum n(ost)rum Hung(ari)æ reducendo pristinoq(ue) flori restituendo præmemorato Sacro suo Ordine Præmonstratensi in
antehac superioribus nimirum retroactis Annis apud prædefunctam Cæsaream ac Regiam Maiestatem Dominum & Genitorem n(ost)rum desideratissimum gloriosissimæ recordationis qvam vero jam etiam apud NOS factas & impensam; Sed &
pro solita nostra in DEVM pietate & solerti in Vniversis ijs qvæ ad majorem Cultus Divini promotionem & Orthodoxæ Romano-Catholicæ fidei propagationem Religiosorumq(ue) Ordinum (qvorum devotis ad DEVM fusis & fundendis precibus ac
suffragijs fausta & felicia nuper suscepti Regiminis Gubernacula Nos habituros pie confidimus) incrementum conferre aut qvidpiam momenti addere possent magis magisq(ue) ampliandis dilatandis & stabiliendis cura & sollicitudine peculiariq(ue) etia(m)
pro Cæsareo-Regio qvo erga præfatum devotum nobisq(ue) gratum & acceptum ac priscis temporibus in prælibato Regno n(ost)ro Hung(ari)æ florentissimum Præmonstratensium Ordinem tanqvam de Ecclesia DEI & Catholica Religione benemeritum ducimur affe
ctu; Non secus attenta etiam publicarum dicti Regni nostri Hung(ari)æ Constitutionum & signanter Decreti Ferdinandi Primi Regis de Anno Domini millesimo qvingentesimo sexagesimo jam dudum exacto sanctiti qvo mediante Vniversa Templa Monasteria
Præposituræ Abbatiæ aliaq(ue) huiusmodi Beneficia prout & Bona ad Eadem & Eäsdem pertinentia suis Ordinibus ad qvos antiqvitus spectabant restituenda & reddendæ innuentur ratione ubiq(ue) qvam plurimis relevantibus de causis animum n(ost)rum
ad id inducentibus binas Præposituras Vnam qvidem Sancti Stephani Prothomartyris de Promonthorio Varadiensi sic dictam omnino in Diœcesi Varadiensi existentem alias Primam in antelato Regno n(ost)ro Hung(ari)æ dicti Sacri Ordinis Præmonstraten(sis)
Fundationem adeoq(ue) Cœterarum omnium Matrem & conseqventer à suæ Institutionis Primordio ad modofatum Sacrum Ordinem Præmonstratensem jure indubitato spectantem per injuriosorum nihilominus temporum vicissitudines & successivas
Bellorum tempestates ac infestam imanis X(t)iani Nominis Hostis Turcæ Vicinitatem ipso Sacro Ordine Præmonstratensi è prælibato Regno n(ost)ro Hung(ari)æ exulare coacto per alias Ecclesiasticas Personas administratam & possessam jam vero per mortem et ex
hac Vita decessum Honorabilis Stephani Farkas Capituli Ecclesiæ Varadiensis Canonici; Alteram vero nunc pure Titularem de HORPÁSZ nuncupatam in Diœcesi Jauriensi situatam ac æqve ad Eundem Sacrum Ordinem Præmonstratensem pertinen
tem per mortem alterius H(ono)rabilis q(uon)dam Francisci de Lauterburg dictarum Præpositurarum ultimorum Possessorum de jure & defacto vacantes atq(ue) adeo ad benignam Collationem nostram Regiam rite redevolutas simul cum cunctis Earundem Bonis Juri
busq(ue) Possessionarijs Oppidis videlicet Castris Castellis Pagis Villis Prædijs & Possessionibus Earundemq(ue) ac Eorum Appertinentijs Obventionibus & Emolumentis qvovis nominis vocabulo vocitatis ubiuis in prærepetito Regno n(ost)ro Hung(ari)æ Partibus
qve Eidem annexis existentibus habitis ac ad Easdem Præposituras de jure & ab antiqvo spectantibus & pertinere debentibus ex suprema Apostolico-Regiæ potestatis n(ost)ræ plenitudine prælibato Sacro Ordini Præmonstratensi Jure Postliminij cumq(ue)
libera & plenaria Vniversorum Bonorum & appertinentiarum ad Easdem Præposituras spectantium & præ manibus qvorumcunq(ue) existentium reluitionis redemptionis & Vindicationis facultate Clementer restituendas plenoq(ue) jure reincorporandas et
reapplicandas esse duximus & decrevimus; Ac nihilominus grata reminiscentes memoria intaminatam fidem ac fidelitatem fideliuq(ue) & utilia servitia necnon multifarias complacentias supræfati Francisci à Schöllingen Abbatis Pernecensis qvas
& qvæ idem tum alias semper sed potissimum superioribus temporibus & qvidem Anno millesimo sexcentesimo nonagesimo septimo durante eorum acerrimo cum Turca Bello ut Rei Christianæ qvæ tum agebatur & publico bono ac ærario Augustissimæ Do
mus n(ost)ræ prodesse non contemnendam Ducentorum nimirum & Qvadraginta Millium florenorum Sumam ad præsentaneas tunc necessitates Bellicas Ærario n(ost)ro liberaliter adijciendo fideliter non minus ac utiliter exhibuit & impendit eó qvidem fe
lici Successu ut reparatis ex præmissa etiam Suma Pecuniaria bellicis necessitatibus gloriosam qvoq(ue) & æterna memoria recolendam contra Turcas ad Szentam reportatam Victoriam Divinum Numen præpotenti Dextra clementissime secundare di
gnatum sit Et licet ex prædeclarato etiam respectu in aliqvam tantu(m) Suma Pecuniaria per Eundem Abbatem potiori in parte ab alijs cum Onere ad Bona sui Monasterij rejecto mutuatæ & in publicas ut præfertur necessitates conversæ recompen
sam prælibata q(uon)dam Cæsareo-Regia Maiestas Dominus Genitor & Prædecessor noster desideratissimus felicissimæ recordationis dicto Abbati Pernecensi & conseqventer Præmonstratensi Canonico suo Ordini binas in Hungaria Præposituras Jassonien
sem nimirum & Lelesziensem æqve ad Eundem Sacrum Ordinem ab antiqvo pertinentes contulerit & incorporaverit; Qvia nihilominus ambæ etiam modofatæ Præposituræ qvas memoratus Abbas Pernecensis accederit etiam benigno Eiusdem prædefun
ctæ Cæsareo-Regiæ Maiestatis assensu ut semet a contractis Debitis aliqvatentus liberaret Sacro suo Ordini cessisset & resignasset prædeclaratam in publicos Sumptus erogatam Summam pecuniariam ne qvidem in duabus tertijs adæqvate persolvent
& conseqventer jdem Abbas Pernecensis congruam sui Concreditorum neutiqvam sortiri valuisset; Hinc NOS benigno revolventes animo prædeclaratum Eiusdem Abbatis Pernecensis in promotionem boni publici & Rei Christianæ præsertim con
cursum æqvitati omnino consonum esse censuimus ut qvi sub dubio Armorum Eventu & ambigva Martis alea fluctuanti adhuc eorum Rei X(t)ianæ celeri & liberali adfuit subsidio Idem partarum exinde Victoriarum recuperatorumq(ue) & a Jugo Turcico vin
dicatorum Sacri etiam Ordinis sui Beneficiorum Jure Postliminij particeps omnino effici mereatur; Tum igitur ob id cum vero benignum ac debitum habentes respectum ad præclaras etiam Virtutes laudatosq(ue) & acceptos mores doctrinam item ac
Eruditionem atq(ue) omnibus acceptam Vitæ Conversationem Cæterasq(ue) excellentes animi dotes superius mentionati FRANCISCI à SCHÖLLINGEN Abbatis Pernecen(sis) qvibus Ipsum DEI Altissimi munere insignitum & ornatum esse tum aliorum fidelium no
strorum fidedigno ex Testimonio qvam propria etiam n(ost)ra Experientia benigne cognovimus Eidem ipsiusq(ue) Successoribus futuris nempe antelati Conventus Monasterij Pernecensis Abbatibus qvo a contractis etiam præmissum in finem prædeclara
tis Debitis facilius & ocyus eluctari valeant antelatas Præposituras Sancti Stephani Prothomartyris de Promonthorio Varadiensi & de HORPÁSZ modo præspecificato vacantes Authoritate Juris Patronatus n(ost)ri Regij qvod generaliter in conferen
dis ac etiam restituendis & reincorporandis omnibus præfati Regni n(ost)ri Hung(ari)æ Parochijs Ei subjectarum Ecclesijs ac Beneficijs instar Divorum q(uon)dam Hung(ari)æ Regum Prædecessorum videlicet n(ost)rorum felicissimæ recordationis optimo jure habere &
exercere dignoscimur simul cum mentionatis Vniversis Bonis ac Juribus Possessionarijs Earundem Proventibus ac Emolumentis nec non etiam omnibus honoribus libertatibus & prærogativis ijsdem Præposituris debitis & competentibus tenendas
possidendas & gubernandas imo etiam Sacro Ordini suo aut Vni vel alteri ex Commembris Eiusdem erga præviam nihilominus benignam Confirmationem & Assensum n(ost)rum cedendas dedimus & contulimus; Ita & ea conditione ut Jdem
Abbas Pernecensis aut per Cessionem ipsius totiesfatus Sacer Ordo Præmonstratensis aut ex Eodem quiscunq(ue) Bona ac Jura dictarum Præpositurarum manutenere distracta vero & præ manibus fors alienis existentia pro omni possibilitate recu
perare ac formali utrobiq(ue) erecto & DEO opitulante stabilito Monasterio Eadem sufficientibus Religiosis & præcipue Patriæ Filijs providere Cultumq(ue) Divinum juxta Sacra Eiusdem Ordinis Instituta pro ædificatione Populi & Orthodoxæ Ro
mano Catholicæ fidei Incremento Zelose cumq(ue) fructu & lucro Animarum in ijsdem Præposituris promovere Vniversa deniqve munia secundum Institutionem & Fundationem Earundem Præpositurarum diligenter præstare & exeqvi; Ac in casu
mortis præfati FRANCISCI à SCHÖLLINGEN vel mutationis Dominij aliam idoneam Personam in præspecificatos Præpositos ævo sivé servatis de more & consvetudine huius Sacri Ordinis servandis eligere talemq(ue) & futuros suo modo semper
eligendos Præpositos Nobis & Successoribus n(ost)ris legitimis utpote Hung(ari)æ Regibus pro obtinendis super eiusmodi Electione benignis Confirmatorio-Donationalibus & Installatorijs literis (sine quibus eiusmodi electus Præpositus realem posses
sionem neutiqvam asseqvi valeat) præsentare debent ac teneantur IMO restituimus reincorporamus reapplicamus damusq(ue) & conferimus Harum n(ost)rarum secreto majori Sigillo n(ost)ro qvo ut REX Hung(ari)æ utimur impendenti communitaru(m)
vigore & Testimonio literarum. DATVM per manus Fidelis nostri nobis dilecti H(ono)rabilis Comitis Ladislai Adami Erdeödy de Monyorokerek Montis Claudij & Comitatuum Varasdiensis Perpetui Arvensis vero Supremi Comitis Abbatis
SS(mi) Salvatoris de Papocsa Consiliarij nostri & Cancellariæ n(ost)ræ Regio-Aulico-Hungaricæ Primarij Assistentis in Civitate n(ost)ra Vienna Austriæ die qvarta Mensis Decembris ANNO Domini Millesimo septingentesimo qvinto
Regnorum nostrorum R O M A N I Decimo sexto H V N G A R I Æ & Reliqvorum decimo Octavo BOHEMIÆ vero A N N O Primo.
Josephus