NOS CAROLVS SEXTVS
DIVINA FAVENTE CLEMENTIA ELECTVS ROMANORVM IMPERATOR SEMPER AVGVSTVS AC GER
mania Hispaniarum Hungariae Bohemia Dalmatia Croatia Sclavo
niaqve &c Archidux Austriae, DVX Burgundiae, Brabantiae, Styriae, Carinthiae, Carnioliae, Marchio Moraviae DVX
Lucemburgae, ac superioris et inferioris Silesiae, Wirtembergae et Thekae, Princeps Sveviae Comes Habsburgi, Tyrolis, Fereti, Gyburgi & Goritiae, &c. MEMO
RIAE commendamus tenore praesentium significantes quibus expedit Vniversis: Qvon(iam) posteaquam Sacratissimus olim Princeps, ac Dominus, JOSEPHVS
Primus Romanorum Imperator, et Hungariae REX, Frater et Praedecessor noster desideratissimus felicis Recordationis, virtute certi benigni Diplomatis sui, in hac
ce Ciuitate n(ost)ra Vienna Austriae die quinta Mensis Novembris, Anno Domini Millesimo septingentesimo decimo, non ita pridem praeterito, clementer elargiti, PRAE
POSITVRAM Sancti STEPHANI Protho-Martyris de Promonthorio Varadiensi, in Dioecesi eiusdem nominis, Comitatuque Bihariensi existentem, coeteroqvi
etiam ad Sacrum & Exemptum ORDINEM PRAEMONSTRATENSIVM Canonicorum Regularium spectantem, ac virtute alterius benigni praelibati D(omi)ni Fratris
et Praedecessoris n(ost)ri Diplomatis, sub Dato diei quartae Mensis Decembris, Anni Millesimi septingentesimi quinti, pariformiter in hac Ciuitate n(ost)ra Vienna emanati, di
cto Sacro Ordini Praemonstratensi, postliminio restitutam, Honorabili condam et Religioso Carolo Kratochwil, praelibati Sacri Ordinis Praemonstratensi Regiae
Ecclesiae Lucensis Abbati, modis, formis et Conditionibus in praenotatis Diplomatibus Regijs uberius denotatis, benigne contulisset, modofatumque olim Abbatem Lucen
sem Carolum Kratochwil, Divina sic disponente Prouidentia, Anno superiore Millesimo septingentesimo duodecimo fatis cedere, et consequenter antelatam Praepo
situram Sancti STEPHANI Protho-Martyris, vacare contigisset, praefataque Ecclesia, seu Conventus Lucensis, Obligationis suae, et Conditionum praefatorum be
nignorum JOSEPHINORVM Diplomatum haud immemor, ad modofatam PRAEPOSITVRAM Sancti STEPHANI, aliud subjectum, modernum utpote praerepe
titae ECCLESIAE LVCENSIS ABBATEM, Fidelem videlicet n(ost)rum Honorabilem ac Religiosum VINCENTIVM WAGNER SS: Theologiae Doctorem, et Protho
notarium Apostolicum, Maiestati n(ost)rae pro obtinendis desuper benignis literis n(ost)ris Confirmatorio-Collationalibus humillime praesentasset, Hinc Nos, quoque
Clementem habentes Respectum ad praeclaras Virtutes, laudatosque et acceptos mores, Doctrinam item ac Eruditionem, nec non omnibus gratam Vitae Exemplaris Conversationem,
Coeterasque excellentes Animi dotes praelibati VINCENTII WAGNER Abbatis Lucensis, Eidem praespecificatam PRAEPOSITVRAM Sancti STEPHANI Protho
Martyris de Promonthorio Varadiensi, modo praevio vacare praedeclarata, autoritate Juri Patronat(us) nostri Regij, quod generaliter in universis praelibati Regni nostri Hungariae Par
tiumque Eidem annexarum Ecclesijs, instar Divorum olim saepesati Regni n(ost)ri Hungariae Regum, Praedecessorum videlicet n(ost)rorum gloriosae Recordationis, optimo Jure habere,
et exercere dignoscimur, una cum universis dictae Praepositurae Bonis, Juribusque Possessionarijs, Videlicet Castris, Castellis, Oppidis, Villis, Possessionibus ac Praedijs, genera
liter vero cunctis utilitatibus, obventionibus, Emolumentis, Proventibus et Pertinentijs: nec non etiam omnibus honoribus, praerogativis, et jmmunitatibus, de Jure et ab antiquo ad
dictam PRAEPOSITVRAM spectan(tibus), et pertinere deben(tibus), dandam et conferendam, EIDEMque Ei, cui interest, praesentandam esse duximus, Ita tamen, ut in Casu mortis dicti
Abbatis VINCENTII, aut mutationis Dominij, Eiusdem Successor Abbas, et Conventus Lucensis, aliam iterum jdoneam Personam ad hanc PRAEPOSITVRAM, servatis de more &
et Consuetudine huius Sacri ORDINIS seruandis, nominare, talemque et futuros suo modo semper nominandos Praepositos, Nobis, et Successoribus nostris, legitimis utpote
Hungariae Regibus, pro obtinendis super Eiusmodi Nominatione benignis Confirmatorio-Donationalibus & Installatorijs literis (sine quibus eiusmodi nominatus Praepo
situs, realem totiesfatae Praepositurae Possessionem assequi neutiquam valeat) praesentare, coeterisque universis Conditionibus et Obligaminibus, in praenotato utroque Di
plomate JOSEPHINO uberius denotatis et expressis, quo ad plenum satisfacere debeant, ac teneantur. IMÒ damus, et conferimus, ac praesentamus Harum n(ost)rarum se
creto majori Sigillo n(ost)ro quo ut REX Hungariae utimur impendenti communitarum Vigore et Testimonio literarum. DATVM per manus Fidelis n(ost)ri nobis sincere dile
cti, Sp(ectabi)lis ac Magnifici Comitis Nicolai Illeshazy de Eadem, haereditarij in Trenchin, Eiusdemq(ue) prout et Liptoviensis Comitatuum perpetui supremi Comitis, actualis
Jntimi Consiliarij, et Aulici Hungarici Cancellarij nostri. In Ciuitate n(ost)ra Vienna Austriae die Vigesima sexta Mensis Octobris, Anno D(omi)ni Millesimo septingentesimo
decimo tertio. Regnorum nostrorum Romani Tertio, Hispaniarum undecimo, HVNGARIAE Vero Bohemia et reliquorum ANNO similiter Tertio.
Carolus