NOS CAROLVS SEXTVS
DI(vina) gratia Electus Romanorum Imperator semper Augustus, ac Germaniæ, Hispaniarum
Hungariæ, Bohemiæ, Dalmatiæ, Croatiæ, Sclavoniæqve &c. REX; Archi-dux Austriæ; DVX Burgundiæ, Brabantiæ, Styriæ, Carinthiæ,
Carnoliæ; Marchio Morauiæ; DVX Lucemburgæ, ac Superioris & Inferioris Silesiæ, Wierthembergæ & Thekæ; Princeps Sueviæ; Comes Habspurgi Tyrolis, Ferreti, Kybur
gi, et Goritiæ. &c. MEMORIÆ commendamus tenore præsentium significantes qvibus expedit Universis. QVOD Fidelis noster Honorabilis et Reli
giosus WENCESLAVS WABNER Sacri et exempti Ordinis Præmonstratensis Canonicorum Regularium Regiæ Ecclesiæ Lucensis in præfato Marchionatu nostro
Morauiæ Abbas, & Sancti Stephani Protho-Martyris de Promonthorio Varadiensi, in Diœcesi ejusdem nominis, Comitatuq(ue) Bihariensi in mentionato Regno nostro Hungariæ
existens Præpositus, nec non aliarum utpotè de Jasso & Lelesz Præpositurarum Pater Abbas, Sacro-Sanctæ Theologiæ Doctor & Notarius Apostolicus Majestati nostræ mediò demissi
Supplicis Libelli sui humillimè repræsentaverit; QVALITER nimirùm Honorabile qvondam ac Religioso Carolo Kratochuile, præfatarum Ecclesiarum Abbate, ac Præposito, & præterea
antelati Sacri Ordinis Præmonstratensis per Hungariam Vicario etiam Generale Anno proximè præterito Millesimo Septingentesimo duodecimo ex hac luce sublato, memoratus WEN
CESLAVS WABNER Abbas, uti præfertur, & Præpositus, die qvinta Mensis Decembris Anni suprascripti Millesimi Septingentesimi duodecimi per Capitulum Provinciale præli
bati Sacri Ordinis, cum etiam in finem indictum & celebratum, in locum antelati qvondam Caroli Kratochuil ad Officium etiam seu Honorem Generalis prælibati Sacri Ordinis per Hungariam
Vicarij, pluralitate Votorum, Canonicè electus et nominatus extitisset; qvemadmodum authenticas super ejusmodi Electione sua Literas testimoniales coram Nobis produxisset. Supplicando Ma
jestati nostræ debitâ cum Instantiâ humillimè, qvatenùs Nos præmemoratam sui in Vicarium Generalem præviò modò factam Electionem, ex parte præfati Regni nostri Hungariæ, cum omni Ho
nore, Prærogativâ, & Immunitate, Generali hujusmodi Vicariatui, tam in modò fato Regno nostro Hungariæ ab antiqvò, qvàm actualiter etiam in reliqvis suprafatis Hæreditarijs Regnis, & Pro
vincijs nostris, debitis & competentibus, Regio-Apostolicâ Authoritate nostrâ clementer acceptare, approbare, ratificare et confirmare, Ipsumq(ue) per universos Fideles nostros Status & Ordines
pro tali agnosci, honorari & reputari jubere dignaremur. NOS proinde humillimâ antelati Abbatis & Præpositi WENCESLAI WABNER Supplicatione, nostræ, modò qvò suprà factâ
Maj(esta)ti, Regiâ benignitate exauditâ, clementer et admissâ; Tum pro majori etiam, prærepetiti olim in præfato Regno nostro Hungariæ florentissimi Ordinis Præmonstratensis decore & In
cremento, ut qvemadmodum per impiam Vim Turcicam eodem Regno longo tempore exulare coactus fuit; Ità Cæsareo Regiâ pietate et authoritate, prædicto Regno Hungariæ postliminio restitu
tus, citiùs ac faciliùs reflorescere, & pristino decori suo restitui possit, Tùm verò benignum et clementem habentes respectum ad eximias Virtutes, singularem item Doctrinam, ac Religiosæ Vitæ in
tegritatem, atq(ue) laudatam in rebus agendis, & pertractandis dexteritatem præmemorati WENCESLAI WABNER, prædeclaratam Ipsius in Generalem prælibati Sacri Ordinis Præ
monstratensis per antelatum Regnum Hungariæ, Partesq(ue) eidem annexas Vicarium, modò præmisso Canonicè factam Electionem, præfatâ Regio-Apostolicâ Authoritate nostrâ acceptavimus,
approbavimus, & ratificavimus, atq(ue) Eundem in hujusmodi Generalis Vicariatûs Officio, cum omni Honore, Prærogativâ, & Immunitate, Ipsi, tàm ab olim in præfato Regno nostro Hungariæ, qvã
etiam actualiter in prærecensitis Regnis & Provincijs nostris hæreditarijs competentibus, clementer confirmavimus. Salvô Jure Ordinariorum, seu Episcoporum Diœcesanorum. IMÒ acceptamus
roboramus, ratificamus, & confirmamus præsentium per vigorem. QVARÈ Vniversis et singulis Fidelibus nostris, cujuscunq(ue) Statûs, Gradûs, Honoris, Officij, & Præeminentiæ existant, si
gnanter verò Præpositis, Canonicis, ac etiam cæteris Religiosis antelati Sacri Ordinis Præmonstratensis in toties-fato Regno nostro Hungariæ, & Partibus eidem annexis, degentibus, & com
morantibus, modernis & futuris harum serie benignè simul et districtim mandantes, qvatenùs præmemoratum WENCESLAVVM WABNER Abbatem Lucensem, & Præpo
situm Sancti Stephani de Promonthorio Varadiensi, nec non aliarum Præpositurarum Patrem Abbatem pro vero, legitimo, et indubitato Generali dicti Sacri Ordinis Præmonstratensis
per totiesfatum Regnum n(ost)rum Hungariæ, & Partes eidem annexas Vicario, cum omni Honore, Prærogativa, & Immunitate Officio hujusmodi, tam in præfato Regno nostro Hungariæ ab antiqvo,
qvàm actualiter in reliqvis suprafatis hæreditarijs Regnis & Provincijs nostris debitis & competentibus, tenere, agnoscere, & reputare, antelati verò prærepetiti Sacri Ordinis Præmonstratensis
Præpositi, Canonici, ac cæteri Religiosi, in toties-dicto Regno n(ost)ro Hungariæ, & Partibus eidem annexis degentes, & commorantes, moderni, uti præmissum est, et futuri, prædeclarato Generali Vica
rio, in rebus & negotijs, Officium hocce tangentibus, omnem debitum honorem, reverentiam, obedientiam, & paritionem exhibere, et præstare debeant, ac teneantur. Secùs non facturi. Præsenti
bus perlectis, Exhibenti restitutis. DATVM in Archiducali Civitate nostrâ Vienna Austriæ, die Vigesimâ sextâ Mensis Octobris ANNO Domini Millesimo-Se
ptingentesimo decimo Tertio. Regnorum nostrorum Romani Tertio; Hispaniarum Vndecimo. HVNGARIÆ verò, Bohemiæ, & Reliqvorum, Anno similiter Tertio.
Carolus
~...~