In nomine patris et filii et spiritus sancti. Ego Henricus de Dobliz omnibus hanc litteram audientibus ad rei
memoriam sempiternam. Cum cunctas huius seculi facultates fallibili uite egritudine teneamur cunctaque
est ipsum salubrius animarum ut mutabilia in inmutabilibus commutentur transitoria sempiternis. Notum
sit igitur uniuersis tam presentibus quam futuris quod ego Henricus de Dobliz mea cordis sani consilii de inductu
curiam meam magistram in Tesciz cum cunctis attinentiis quocumque nomine censeantur ecclesie sancti Wencezlai
in Luca iure dedi proprio libere et quiete inperpetuum possidendam. liberaliter hoc excepto quod hoc anno pro
uitam tenui et estatis in usus proprios conuertam mea pro beneplacito uoluntatis anno uero prehabito expirato usque
ad ultimum mee uite fructus agrorum curie prenotate ecclesie Lucensi per medium partiemur totam hoc adiecto
quod meum post obitum curie sepe fate bonis quatuor relinquentur. Et ne super hac donacione per successionem
debilem posterorum posset aliqua calumpnia suboriri testes uiros idoneos ut distrexi huic scripto duxi sub
titulis adiungendos. Ranoferus zendenarius. Lvpuz de Raschmariz. de Hytoliz Radanuz. Raduz. de
Dolyaniz. Alexius canonicus olomucensis. Dytricus frater alexii. Dytislaus. Dytischo. Zboz. Laurencius.
filius Ranoferi. Symon Sceruus. Fridericus iudex prouincialis. Hermannus plebanus ecclesie sancti
Nicholai in Znoym. Acta sunt hec anno domini millesimo. cc. lx. Datum in Luca. in die sancti
Mathie apostoli gloriosi.