1363_XI_11
CZ-MZA > E57 > 1363_XI_11
highMonasterium
Zdroj: MonasteriumAI paleografieAI interpretace
Zobrazení
Překlad
Transkriptgemini-3.1-pro-preview
Ich Artleb von Mysliboricz mit allen meinen prüd(e)n vnd Sygmund meynes vet(er)n sun h(er)n waczlaben
dem got gnad vnd alle vns(er) erben bekennen offenbar allen lewten dy nu leben od(er) her noch zu künfftig
seyn an dysen prif daz wir vorkauft haben recht vnd redleich vns(er) rechten erbe zu kallendorf sy=
benczehnthalben grossen iärleiches zins pömischer müng vnd merhirscher zal mit aller h(er)schaft
vnd allen nügen vnd rechten nichtes nicht plösleich ausgenomen als wirs vnd vns(er) vorvord(er)n ge=
habt haben vmb drey schok grosser pfennig dem erbn vnd dem geistleichen man dem apte vnd
dem ganczen conent des closters zu prük gelegen pey znoym des ordens dy heyssen premonstratenses
dy selben sybenczehnthalben grossen schullen dy erbn prüd(er) des clost(er)s haben zu der pyttanczen ewicleichen
zu rechtem erbe Daz güt gelob wir obgenanten prüd(er) von Mysliboricz mit vns(er)n trewen in dem
nästen lant gepreche zu prünn in dy lanttafel legen dem vorgeschriben conent zu rechtem
erbe vnd freyn vor cristen vnd Juden vnd vor allermenckleich formen vnd ansprüchen als lant recht
ist in dem land zu merh(er)n an alle arglist vnd wid(er)red(e) Darümb an ayn pess(er)n sicherhait dis(er) sach
hab ich obgenant(er) Artleb meyn insigel an gehangen an dysen prif vnd hab auch gepeten dy erbn
h(er)n doberschen von schereticz vnd lücken von snichlas dy auch durch meynes pet willen hab(e)n
ir insigel an gehangen an geczeugniss dis(er) sach an dysen prif d(er) do geben ist noch cristes
gepürd dreytzehen hund(er)t jar vnd in dem dritten vnd achtzigisten jar an dem mytwochen
des heyligen hern sant Mertenns peychtigers vnd pyschofs
dem got gnad vnd alle vns(er) erben bekennen offenbar allen lewten dy nu leben od(er) her noch zu künfftig
seyn an dysen prif daz wir vorkauft haben recht vnd redleich vns(er) rechten erbe zu kallendorf sy=
benczehnthalben grossen iärleiches zins pömischer müng vnd merhirscher zal mit aller h(er)schaft
vnd allen nügen vnd rechten nichtes nicht plösleich ausgenomen als wirs vnd vns(er) vorvord(er)n ge=
habt haben vmb drey schok grosser pfennig dem erbn vnd dem geistleichen man dem apte vnd
dem ganczen conent des closters zu prük gelegen pey znoym des ordens dy heyssen premonstratenses
dy selben sybenczehnthalben grossen schullen dy erbn prüd(er) des clost(er)s haben zu der pyttanczen ewicleichen
zu rechtem erbe Daz güt gelob wir obgenanten prüd(er) von Mysliboricz mit vns(er)n trewen in dem
nästen lant gepreche zu prünn in dy lanttafel legen dem vorgeschriben conent zu rechtem
erbe vnd freyn vor cristen vnd Juden vnd vor allermenckleich formen vnd ansprüchen als lant recht
ist in dem land zu merh(er)n an alle arglist vnd wid(er)red(e) Darümb an ayn pess(er)n sicherhait dis(er) sach
hab ich obgenant(er) Artleb meyn insigel an gehangen an dysen prif vnd hab auch gepeten dy erbn
h(er)n doberschen von schereticz vnd lücken von snichlas dy auch durch meynes pet willen hab(e)n
ir insigel an gehangen an geczeugniss dis(er) sach an dysen prif d(er) do geben ist noch cristes
gepürd dreytzehen hund(er)t jar vnd in dem dritten vnd achtzigisten jar an dem mytwochen
des heyligen hern sant Mertenns peychtigers vnd pyschofs