Badatelský katalog

Procházet listiny

Začněte jednoduchým hledáním. Filtry zpřesněte až podle badatelské otázky.

1387_XI_25

CZ-MZA > E57 > 1387_XI_25

Zdroj: MonasteriumAI paleografieAI interpretace
Strana 1 / 2
1387_XI_25, strana 1
Zobrazení
Transkriptgemini-3.1-pro-preview
Ich Seyfrid von lechwig gesessen an lechwig vnd all mein Erbn tuen chunt mit
dem offen prif allen den di in sehen od(er) horen lesen daz ich mit wolbedachtem
mut vnd mit meins pesten freunt rat recht vnd redleich chauft hab di
mul an lechwig den Erbn hern przibiken pfarrer von olchwig vnd fraw
en Juthan vo(n) Hartikowig mit iren zwa(n) herren sylgen In allen den rech
ten alz ichs gehabt hab mit all(er) h(er)schaft zu veld vnd zu dorf mir noch meinen
Erbn nichtznicht aus genome(n) vmb acht mark vnd sechzehn grob(en) p(ra)g(er)
mu(n)cz silbrein phenig vnd merherisch(er) zal di si mir gancz vnd gar ge=
richt habn mit peraiten phenig vnd mit sampt mir vorgen(antem) Seyfrid
vo(n) lechwig vorchaufen di Erban Benesch vo(n) lechwig h(er) Jobesch vo(n) scheticz
vnd p(r)zibih von blikwig in purgl weiz mit gesampte(r) hat vnvorzchaiden
leich di egen(ant) mul zu wern vnd schermen ledig vnd richtig machen an
allen chrieg vnd an ansp(ra)ch vor Juden vor cristen vnd vor allnma(n)nleich
vor weltleichn vnd geistleichn alz lang recht ist in dem lant zu merh(e)n
vnd in dem nechsten lantge(ri)cht in d(er) lant tafel mich vnd mein Erbn aus
legen vnd di vorgnate(n) in di lant tafel ein legn ob des alles nicht geschech
So schull wir den vorgen(anten) od(er) den iren zehen mark vnd vwond zwainczig grob(en)
bezaln alz lang recht ist Tet wir des nicht welch ainer vnd(er) vns gemant wurd
d(er) schol an hat an all wid(er)red laisten gen h(o)spidicz in ein Erbgasthaus wo in
daz gezaigt wirt vo(n) den obgen(anten) vnd schol da inlige(n) vnd laisten mit einem
chnecht vnd mit zwain pferden vnd nicht auschome(n) auf chain recht
es w(er)den den di egen(anten) dz egen(ant) gelt pezalt gancz an gever aus genome(n)
hern Jobesch vo(n) scheticz d(er) schol ein reit(en) in(n) leistugen mit ein chnecht vnd
mit zwain pferden enden di vorgen(anten) laistung ob er gemant wurd Auch
wir laisten od(er) nicht so habn di egen(anten) in(n) achte(n) tag nach der manuge
vollen gewalt di egen(anten) phenig nemen zu Juden od(er) zu cristen auf vnser
all(er) gut vnd schaden vnd waz si daran schaden nemen den si beweis
sen mit gut(er) gewissen den schull wir in mit sampt dem egen(anten) gelt
wid(er) cheren an allen chrig vnd taiding vnd d(er) den prif in hat mit
iren guten willen d(er) hat volles recht allez des daz oben geschriben stet
vnd daz daz ab stat sey vn(d) vngebrochn des geb wir in disen prif
versigelt mit vns(er) all(er) anhangenden Jnsigeln der gebn ist nach c(r)ist
purt dreyzehnhundert jar in dem siben vnd achczigstem jar an
sant katrein tag

Vědecké značení transkriptu

(text)
Rozvedená zkratka; písmena v závorkách jsou doplněna.
~text~
Mírná nejistota.
|text|
Vážná nejistota.
¦text¦
Velmi nejisté čtení.
<text>
Kontextová rekonstrukce, která není bezpečně viditelná.
# / #3w
Viditelný, ale nečitelný text.
^3w^ / ^2l^
Fyzicky chybějící nebo poškozený úsek.