Sixtus ep(iscopu)s seruus seruo(rum) dei Dilectis filijs Abbati beate Marie ad Scotos Wienne(n) et Preposito per Prepositum soliti gubernari
Newburgen(sis) extra muros Wienne(n) Monasterio(rum) Salt(zburgensis) et Patauien(sis) dioc(esium) Salutem et ap(ostol)icam ben(edictionem) Humilibus supplicum uotis libenter annuimus eaq(ue) fauoribus prosequimur opor
tunis Exhibita siquidem nobis nuper pro parte dilecto(rum) filio(rum) Pauli abbatis et Conuentus Monasterij Lucen(sis) Premonstraten(sis) ordinis Olomucen(sis) dioc(esis)
petitio continebat q(uo)d licet dictus ordo cum omnibus suis Monasterijs prioratibus necnon eccl(esi)is etiam de Mensis dicto(rum) Monasterio(rum) et ab eis dependenti
bus personis bonis et rebus eo(rum) per speciale priuilegium sedis ap(ostol)ice cui non est hactenus in aliquo derogatum ab omni iurisdictione superioritate dominio
et potestate quo(rum)cumq(ue) Archiep(iscop)o(rum) Ep(iscop)o(rum) et alio(rum) Judicum ordinario(rum) prorsus exemptus et eidem sedi immediate subiectus existat ita q(uo)d etiam
ratione delicti seu contractus aut rei de qua agitur ubicunq(ue) committatur delictum iniat(ur) contractus aut res ipa consistat Archiep(iscop)i Ep(iscop)i et alij
Judices predicti in ordinem Monasteria eccl(esi)as personas bona et res huiusmodi iurisdictionem dominium potestatem aut superioritatem aliquam
ordinaria auctoritate exercere et ab ip(s)is Monasterijs eccl(esi)is et personis aliquam quartam elemosina(rum) et oblationum in ip(s)is Monasterijs aut eccl(esi)is
per xp(ist)ifideles facta(rum) exigere aut de illis se intromittere nequeant fuerintq(ue) ip(s)i ordo et persone prout sunt in pacifica possessione uel quasi exemptionis
et libertatis huiusmodi necnon elemosine et oblationes per xp(ist)ifideles in eccl(esi)a sancti Wolfgangi loci Gundleinstorff filiali parrochialis eccl(esi)e sancti Martini
in Schotu dicte dioc(esis) quequidem sancti Martini et sancti Wolfgangi eccl(esi)e de Mensa eiusdem Monasterij Lucen(sis) fore noscuntur erogate ad Monasterium Lucen(sis)
predictum legitime pertineant ip(s)iq(ue) Abbas et Conuentus per quosdam ex Incolis dicti loci quos ad hoc deputauerant illas in fabricam et structuras dicte
eccl(esi)e sancti Wolfgangi conuerterent tamen bone memorie Prothasius Ep(iscopu)s Olomucen(sis) dum in humanis ageret eoq(ue) rebus humanis exempto dilecti
filij Johannes Decanus et Alexius de Jglauia Canonicus eccl(esi)e Olomucen(sis) Administratores bono(rum) eiusdem eccl(esi)e Olomucen(sis) tunc pastore carentis per
illius Capitulum ut dicebant deputati de collectione huiusmodi oblationu(m) et elemosina(rum) se intromittere et quartam partem illa(rum) sibi usurpare contra
iustitiam presumpserunt in ipo(rum) Abbatis et Conuentus ac Monasterij Lucen(sis) et eccl(esi)e sancti Wolfgangi preiudicium non modicum et grauamen
Quare pro parte Abbatis et Conuentus predicto(rum) nobis fuit humiliter supplicatum ut omnes et singulas quas ip(s)i contra decanum et Alexium prefatos
super premissis et illo(rum) occasione mouere intendunt causas aliquibus probis viris in partibus illis committere et alias eis super hijs oportune prouidere
de benignitate ap(ostol)ica dignaremur Nos itaq(ue) huiusmodi supplicationibus inclinati discretioni u(est)re per ap(ostol)ica scripta mandamus quatinus uos uel alter
u(est)r(u)m uocatis decano et Alexio prefatis ac alijs qui fuerint euocandi auditis hincinde propositis quod iustum fuerit appellatione remota decernatis
facientes quod decreueritis per censuram eccl(esi)asticam firmiter obseruari Non obstantibus felicis recordationis Bonifatij p(a)p(e) viij predecessoris n(ost)ri quibus
cauetur nequis extra suam Ciuitatem uel dioc(esim) nisi in certis exceptis casibus et in illis ultra vnam dietam a fine sue dioc(esis) ad iudicium euocetur Seu
ne Judices a sede prefata deputati extra Ciuitatem et dioc(esim) in quibus deputati fuerint contra quoscunq(ue) procedere aut alij uel alijs uices suas committere presumant
dummodo ultra duas dietas aliquis auctoritate presentium non trahatur et alijs Constitutionibus et ordinationibus ap(ostol)icis contrarijs quibuscunq(ue) aut si decano
et Alexio prefatis uel quibusuis alijs comuniter uel diuisim ab eadem sede indultum existat q(uo)d interdici suspendi uel excomunicari aut extra uel ultra certa loca
ad iudicium trahi non possint per litteras ap(ostol)icas non facientes plenam et expressam ac de uerbo ad uerbum de indulto huiusmodi mentionem Dat(um) Rome apud Sanctumpetrum
Anno Jncarnationis dominice Millesimoquadringentesimooctuagesimoquarto Quarto K(a)l(endas) Martij Pontificatus n(ost)ri Anno Terciodecimo