Badatelský katalog

Procházet listiny

Začněte jednoduchým hledáním. Filtry zpřesněte až podle badatelské otázky.

1487_I_04

CZ-MZA > E57 > 1487_I_04

Zdroj: MonasteriumAI paleografieAI interpretace
Strana 1 / 2
1487_I_04, strana 1
Zobrazení
Transkriptgemini-3.1-pro-preview
W
Ir Paulus von gots genadn Abt zu pruck Wolffgang prior Vlreich Subprior Marting Curator Jorg Kustor
vnd das gancz Conuent daselbs Bekennen offenlichn mit dem brieff fur vns vnd fur all vnser nachkomen vnd tun chundt alln
geguburtigen vnd kunfftigen den der brieff virkumbt od(er) gezaygt wirdt lesn od(er) horn das mit vnserm willn vnd wissn das der
Erb Waczlab Meurasser vnser vntirtan die weil auff vettawer hoff gesessn zu Teswicg verchayfft hat mit vnserm derlawbn
dem Erbrn Johanes Schwennigcz Mitburger In Znoym vnd Anna seiner hawsfrawen vnd irn beder Erbn ainen wein=
gartth der genandt ist der vettawer halbm tail zu negst des Marcz weingarttn zu Teswicg gelegn ym Mittenperg vnd hat
gehort yn ainen vnsirn hoff genandt vettawer zu teswicg vmb zwen vnd dreissigk hungrisch guldn vnd vmb ain guldy leut=
kawff frey vnd ledig an alln zinsn zu ewygen zeittn nur alain den rechten zehent gebn sol den selbign kawff verginen wir
vnd bestattn yn mit dem brieff Als das der vorgenandt Johannes Schwennigcz vnd Anna sein hawsfraw vnd ir beder Erbn
den vorgenanttn weingarttn halbm vettawer sol besiczn haltn vnd habn des geniessn damit handln vnd tun als mit seinem
aigen gutt den verseczn verschaffn verchawffn frey vnd ledig als er in besessn yn inng vnd geber gehabt hat vnd wie es ym
vnd seinen Erbn vnd nachkomen gefalln od(er) fuglich wirdt dar yn wol wir noch vnser nachkomen ym vnd seinen Erbn
vnd nachkomen so noch hinfur kain yrrung noch hindernus tun So abr dem vorgenantn Johannes Schwennigcz sein
tail des vorgenantn weingarttn vettawer fail wirdt od(er) verchawffn wolt so sol er von erst an failln den Erbn Waczlab
Meurasser od(er) sein nachkomen So aber sew in nicht kauffn woltn od(er) mit dem kauff nicht verayn mochtin od(er) kundn so sol
der vorgenant Johannes Schwennigcz sein tail vkauffn wem vnd er wil nach dem pestn yn vnd seine Erbn gvnt
Vnd das trewlich vnd vngeuerlich als in dem brieff geschribn stet zu haltn zu vrkundt habn wir vnser Insigl zu
dem brieff angehangen Vnd zu vleysign gebett des vorgenantn Johannes Schwennigcz habn die Ersamen weisn
Herrn Burgermayster vnd Ratt der Stat Znoym ir Insigl der sach zu zengnus awch an den brieff lassn anhengn doch
yn vnd gemainer Stat anschadn Datum in Monasterio lucensi feria 2(a) R(e)u(er)ta p(ost) Circu(m)cisio(n)is d(omi)ni Anno domi(ni) Millesimo
Quadringentesimo Octogesimo Septimo

Vědecké značení transkriptu

(text)
Rozvedená zkratka; písmena v závorkách jsou doplněna.
~text~
Mírná nejistota.
|text|
Vážná nejistota.
¦text¦
Velmi nejisté čtení.
<text>
Kontextová rekonstrukce, která není bezpečně viditelná.
# / #3w
Viditelný, ale nečitelný text.
^3w^ / ^2l^
Fyzicky chybějící nebo poškozený úsek.