Ferdinandus Diuina fauente Clemencia Romanorum Rex semper Augustus ac Hungarie, Boemie, Dalmaciae, Croaciae etc Rex, Infans Hyspaniarum, Archidux
Austrie, Marchio Morauie, Lucemburgensis ac Slesiae Dux ac Lusaciae Marchio etc Ad perpetuam rei memoriam. Notum facimus tenore presencium. Quod acce
dens praesenciam nostram religiosus Sigismundus Abbas Monasterij Zabrdouicensis ordinis premonstratensis, deuotus, fidelis nobis dilectus, nomine suo, ac tocius illius
Conuentus nobis humiliter supplicauit. Quatenus omnes et singulas litteras, gracias, libertates, priuilegia et Iura Vniuersa, datas, et concessa, eidem Monasterio a di
uis predecessoribus nostris, Regibus Boemie, et Marchionibus Morauie, ex innata nobis Clemencia innouare, approbare, ratificare et confirmare dignaremur. Nos
condignis eorum precibus moti, Volentesq(ue), ut per nostram graciam, Cultus Diuinus (cui nos plurimum afficimur) nedum conseruari, uerumeciam crescere et aug
mentari posset. Igitur non per errorem aut improuide, sed animo deliberato, sano Procerum et fidelium nostrorum ad id accedente consilio, de certa nostra sciencia, Au
thoritate Regia, et tanq(uam) Marchio Morauie, omnes et singulas litteras, gracias, libertates, Priuilegia et Iura Vniuersa prefato Monasterio, a Diuis predecessoribus no
stris Regibus Boemie et Marchionibus Morauie datas et concessa, Approbamus, Ratificamus, innouamus et graciosius confirmamus, in omnibus punctis, Articulis,
Clausulis, sentencijs, non secus ac si in litteris nostris de Verbo ad Verbum, omnium tenores, inserti et comprehensi essent, habere uolumus pro expressis, Decernentes,
ac presenti nostro Regio ac Marchionis Morauie edicto, firmissime constituentes, ut prenominatus Abbas cum Conuentu ipsius amonodo et deinceps futuris perpetuis
temporibus, Omnibus et singulis, litteris, gracijs, libertatibus, Priuilegijs et Iuribus Vniuersis, ipsis (sic ut praemissum est) per predecessores nostros concessis, in omni
bus et per omnia, absq(ue) omni impedimento fruantur et gaudeant. Quocirca Supremo Capitaneo, ceterisq(ue) officialibus prefati Marchionatus Morauie praesentibus
uel futuris districte praecipiendo, Mandamus, Quatenus iamdictum Abbatem Zabrdouicensem et Conuentum in priuilegijs et libertatibus eorum per nos confirma
tis, manuteneant, defendant et protegant. Nullumq(ue) ijs impedimentum inferant, seu quouis modo inferre permittant, Ita prout contrafacientes indignacion
em nostram Regiam uolunt et cupiunt euitare. In quorum fidem et perpetuum Robur presentes litteras fieri, easq(ue) Sigilli nostri Maioris, quo tanq(uam) Rex Boe
^...^
Confirmacio priuilegiorum Monasterij Zabrdouicensis, ad Morauiam

Ad m(andatum) d(omini) Regis p(ro)p(rium)

Io(hannes) Ep(iscopu)s Veszprimien(sis)
Su(premus) Regni Bohem(ie) Cancellarius