Wir Otte von gotes genaden marggraff zu Brandenburg des heilig(en) Romisch(en) Riches Erczkamerer pfallenczgraff bey Reyn vnd herczog in Beyern Bekennen vnd tun kunt offenlich mit disem briue allen den die jn sehent horent oder lesent das wir mit wolbe
dachtem mute mit Rate vnser edlen grafen herren vnd and(er) vnser getruwen vnderthanen vnbetwungen mit gutem fryen willen vnd mit rehter vorwit durch vns(er)s best(en) willen dem hochgeborn(en) fursten hern Wenczlaw kunige zu Behem vn
serm lieben swager seinen erben vnd nachkomen kunigen z(u) Behem vnd der cronen desselben kunigrichs reht vnd redlich vnd ewiclich verkaufft haben vnd in rechtes kauffswise vngegeben vnd vngeantwortt haben vnd verkewfen vngeben vnd
vnantworten wir jm die mark vnd das furstent(um) zu lusicz eyn als eygen lehen als lehen mit den nachgeschriben steten vnd hews(er)n Luckaw haws vnd stat Gubyn die stat vnd das frawencloster daselbst Bumerfelt haws vnd stat Bern
wald das haws Newencelle vnd zoberlw die clostere Peitz storkaw Buchholcz slidin luben lubyn die peytz Boarczdorff sumerfelt den tucz Gistendorff der bahar der scoz jlsburg haws vnd stat Elsterwerde muckerberg libenaw Golssin
briesenwalt kothows haws vnd stat den von jlsburg das land was mit den vesten forst drzkaw kalaw vnd vinstenwald vnd mit allen synen vesten vnd landen die es von ludweige etwen vns(er)m bruder vnd vns otten marggrauen zu Branden
burg vnd zu lusicz hat gehabt vnd mit allen andern steten Burg hews(er)n vesten vestungen slozzen landen merkten clostern dorffern eckern zczen vnd vngezcen weyngarten weynwachsen Bergen grunden sluchten holczern geholcz(en) pleyes Gienes kup
fers eysens stahils vnd allerley anders erczs wy man die benennen mag ob die mit gotes willen daselbst itzunt entstunden woren oder noch in kunftigen zciten in d(er)selben erden vnden werden wolden wassern wasserflussen bechen struchen bawmen holczern garten gemeynen
vnd besund(er)n wegen mit geiagden vogilweiden wiltponnen wisen wasserlewffen sehn teichen salczbrunnen salczwerken ob sie da weren oder noch entstunden vischereyen mulen weiden wysen mit zinsen gulten dinczen gollen fruchten eren erningen nuczen
herrscheften gerihten vellen vnd buzen die von gerihten durch das jar gewunnen werden mit allen rehten geboten straff oder wider feyheten mit lawern vnd vermengten gebote vnd auch mit allen herren grafen fryen edlen knehten knappen mannen
manlehesten eygenlehesten lehen lehengutten vnd verlehenten leuten burglehen vnd burgmannen mit Rittern knechten schultheissen burgern gebawrn vnd allen lantsezzen gar kintlichen vnd allen gotzhawsen vnd mit allen herschafften ercztzen greniczen ge
merken vnd lantscheiden vmbaczigen vnd anhangungen als die jn nach entstunden irer gelegenheit von andern furstentumen vnd herschafften abegescheiden ist von alter vnd mit allen zugehorungen wy man die pflegt oder mag genennen mit sunderhelin wor
ten nihtes awzgenomen in aller der maze vnd in aller der weise als wir vnd vns(er) vorfarn die mark vnd das furstentum dieselben mark zu lusicz mit allem das darjn begriffen ist jnnegehabt gehalden vnd besessen haben von langen alden zciten vmb eyn vnd cwen
czigtausent mark lotiges silbers erfordischs brandes vnd gewihtes vnd vmb cwei vnd czwenczig tausent schok aldt hundert schok vnd sechs vnd sechczig schok prager pfenninge prager muncze Auch bekennen wir das der egen(ant) her Wenczlaw kunig zu
Behem vnser lieber swager von seinen synen erben vnd nachkomen kunigen zu Behem vns oder den vns(er)n fur die mark vnd das furstentum das egen(ant) reht vnd redlich geczalt vnd an alles mynnermunge mit gutem silber vnd behemisch(en) grozzen gewonlich
lawffender muncze derczalten gewiht vnd bezalet hat vnd die wir zcuglich gein jm vnd seinen furstentume lande vnd herschafft grozzen vnd merklichen nutz vnd vnuermeidliche notdurfft gewendt vnd gekert haben vnd drumb geben vnd vnantwor
ten wir dem egen(ant) hern Wenczlaw kunige zu Behem vns(er)m lieb(en) swager seinen erben vnd nachkomen kunigen zu Behem vnd der cronen desselben kunigrichs ewiclich vnd erblich mit fulk(om)en thun vnd reht als eyn furstent(um) sullen leibhafftige nuczunge
gewere vnd besitzunge eygenlehest lehenschaft vnd herschafft der egen(ant) mark vnd furstentums zu lusicz vnd alles das darjnne gehoret in aller der maze als wir vnd vns(er) vorfarn die gehabt vnd besessen haben vnd in allen den rehten die wir
daran gehabt haben oder gehaben mochten in deheinerweys vnd in aller der maze als dauon volkumelicher gesaget ist Auch haben wir gelazzen gesaget vnd gemahet fur vns vns(er) erben vnd nachkomen alle grafen herren fryen edlen Ritter knecht
Richtere schultheissen Burgere gebawre vnd gemeyncliche(n) die stete die dorffer vnd des landes der egen(ant) mark vnd furstentums zu lusicz vnd alle lantsessen vnd jnwonere daselbst ledig vnd los aller huldung gelubd gehorsams vndertanikeit eyde
vnd aller an istaht domit sie vns verpflihtet verbunden vnd verstricket waren in deheinerweis vnd weisen sie gemeynlich vnd jn iczlichen besundern vff den egen(ant) hern Wenczlaw kunige zu Behem vns(er)n lieb(en) swager syn erben vnd nachkomen kunige zu
Behem vnd die crone desselben kunigrichs ewiclich mit fryem gutem willen in allen den rehten vnd in nuczen als dauon begriffen ist vnd gelobn fur vns vns(er) erben vnd nachkomen ewiclich mit guten truwen an geuerde dem egen(ant) hern Wenczlaw
kunige zu Behem vns(er)m lieben swager synen erben vnd nachkomen kunigen zu Behem vnd der cronen desselben kunigrichs ewiclich das wir jn allen gemeynlich vnd ir iczlichem besundern die egen(ant) mark vnd das furstentum zu lusicz mit allen iren zuge
horungen als dauon geschriben stet von allermenglich in gerihte vnd gewaltig gerihtes gewaltigen entweren gewern versprechen vertreten vnd v(er)antworten wollen vnd sullen nach reht vnd gewonheit der lande Auch v(er)zihen wir vns fur vns
vns(er) erben vnd nachkomen ewiclich aller geistlich(er) vnd werntlicher rehte hulfe gewonheit schunge behaldunge gebote vnd gepote gemeynlich vnd besunder vnd benamen furgesehen wir vns des rehten das in keyserlich(en) buchen begriffen ist vnd sich
anhebt si conuenit Auch furzeihen wir vns aller der wid(er)red die wir oder die vns(er)n oder vns(er) erben vnd nachkomen gehaben mochten das wir leich(en) preisen das wir mit bozem gold oder silber oder ander bozer wencze bezalet weren oder das vns
das gelt niht mit der czal in guter weter were oder das wir fur vns(er) notdurft bewogen oder beschediget weren oder ab wir sprech(en) mochten das sulches gelt in vnser furstentume lande vnd herschafft nutz niht komen were vnd beynamen
verzeihen wir vns aller hilfe bestimunge vnd gutete geistlich(er) vnd werntlicher rehte besundern vnd vnbeschribn wy man die benennen mag mit sunderlich(en) worten domit dieser kauff vnd verkauffunge gar oder eyns teiles beswaret be
krenket oder in deheinerweis beschediget werden mochten vnd beynamen v(er)zeihen wir vns des rehten das da spriht das gemeyne v(er)zicunge vnnuczlich vnd vnkrefftig sey vnd beynamen v(er)zeihen wir vns aller ander gutete die rehten wy man die bene
ne(n) mag ob man auch dieselbn in disem briue durch reht oder gewonheit sunderlich oder mit eygeneme worten begreiffen vnd benennen solte das biten wir den allerdurchluchtigsten vnd edlen fursten hern karl Romisch(en) keyser zu allen zciten merer
des Riches vnd kunig zu Behem vns(er)n lieb(en) gnedigen herren das er mit keyserlicher maht von wege des heiligen Romisch(en) Riches die obgen(ant) mark vnd furstentum zu lusicz mit allen zugehorungen vnd in aller der maze als dauon begriffen
ist die wir vor syner keyserlicher gegenwertikeit vnd in syne hende gelazzen vnd vffgegebe(n) haben splizen vnd offteilen geruche zu verlehen den egen(ant) hochgeborn(en) fursten hern Wenczlaw kunige zu Behem vns(er)m lieben swager seinen erben
vnd nachkomen kunigen zu Behem vnd der cronen desselben kunigrichs vnd das er auch disen kauff vnd verkauffunge geruche zu bestetigen in aller der maze als dauon geschriben stet mit volkumenheit keyserlicher maht vnd des alles allwege
dem hochgeborn(en) fursten hern Bolken herczogen zu slesien herren zu der swidnicz vnd zu dem Jawr in allen synen rehten bescheiden vnd besaczungen der egen(ant) mark vnd furstentums zu lusicz vnd irer zugehorunge die er jnne leibhaftigewinlichen
niessen vnd nuczen sal an alles hindernisse nach lawte der brive die er daruber hat gar vnschedlich des briues zu vrkund haben wir vns(er)n grozzen anhangenden jngesigil Auch haben wir gebeten mit gutem fleize die nachgeschriben fursten
vnd herren das sie an geczuknusse dieser dinge vnd zu warer vrkund and(er)n brive geruhten ir jngesigil auch anhenken dauon wir Rudolff herczog czu sachsen des heilig(en) Romisch(en) Riches Erczmarschalk Albrecht zu wrinburg Gerhard zu Newenburg
Bisschoue wilhelm marggraff zu meyssen friderich burggraue zu nurenberg heinrich grafe zu swarczburg vlrich vnd johan gebruder lantgrafen zum lewhtenberg Berthold von hennemberg Gerlach vnd eberhard von hoenloch haben an
gegeben die selbige bete des egen(ant) hochgeborn(en) fursten hr(e)n otten marggrauen zu brandenburg vnd zu geczuknusse der obgeschribn dinge haben wir mit rehter wizzen vnser jngesigele an diesen brief lazzen henken der geben ist zu Nurenberg
nach cristes geburte dreyczehenhundert jar dornach in dem aht vnd sechczigstem jare an dem ahten tage des obristen den man nenet an latyn epiphaniam domini