Wir Leupolt von gotes genaden Herczog ze Oesterrich ze Steyr ze Kernden vnd ze Krain Herre auf der wendischen March vnd ze
Porttenaw Graf ze Habspurg ze Tyrol ze Phirtt vnd ze Kyburg Marggraf ze Burgow vnd Lantgraf in Elsazen. Bekennen vnd tůn
kunt offenlich mit disem brief. Vmb solich furdrung vnd hilf die den hochgeborn fursten vnd furstinn Herczog Albrechten vnsern lieben bruder
vnd frowen Elsbeten von Behem seiner Gemaheln von dem Allerdurchleuchtigisten fursten vnserm lieben genedigen herren vnd Vatter hern Karln Ro=
mischen keyser zü allen zeiten Merer des Reichs vnd kunig ze Behem beschehen sind daz er in Virczig Tausent guldin berait geben hat
Wie der egenant vnser bruder Herczog Albrecht darvmb verhaissen vnd gelobt hat ze ledigen vnd ze losen Haymburg, Krems vnd Stain
Freyenstain, Wersanstain vnd Greczn Lengpach vnd Starchenberg mit allem dem das darczů gehort. Also haben wir dasselb ouch verhaissen
vnd gelobt verhaissen vnd geloben mit den worten vnser furstlichen wirdikait vnd mit guten trewn Ane alles geuerd In aller weis als
der brief stet den der vorgen(ant) vnser bruder darvber gegeben hat. Vnd des ze vrkunt hiezzen wir vnser Insigel henken an disen brief.
Der geben ist ze Friburg in Brisgow an Sunntag vor sant Dionisy tag. Nach Cristes gepurt drewzehen hundert iar darnach in dem
Newn vnd Sechczigisten Jare :;