Ich heinrich der apoteker vnd ich wygoleis der apoteker des selben heinrichs apotekers sun Wir bekennen offenlich
mit disem brif vnd tun kunt allen di in sehent oder horent lesen Wan wir dem allerdurchleuchtigisten fur
sten vnd hren hren Karl Romischem keyser zu allen zeiten merer des Reichs vnd kunige zu Beheim
vnserm genedigen hren vnd der cronen zu Bohem di vesten Gatendorf halp vkaufft haben mit den
guten di wir im auch dar zu vkaufften des wir im vnsrn brif geben haben vnd wan wir in etlicher
der selben gute di in dem selben vnsrm brif beschriben vnd benant sint nicht gar gewert haben noch gewe
ren mochten daz wir vns dar vmb mit im gutlich vrichtet haben also daz wir im fur daz selbe daz im an
den selben guten abget abegelazzen haben Anderthalbhundert schock grozzer Prager pfenninge an dem
gelde daz vns von im geburte fur di vorgenanten halben vesten vnd gute vnd daz wir im den brif den
er vns dar vber geben het wider geben vnd geantwurtet haben vnd geloben vnd vbinden vns vnd vnsr erben
vnd nachkomen des daz wir vmb daz vorbenant gelt mit brifen noch mit dheiner andern weise zu dem
vorgenanten vnsrm hren seinen erben vnd nachkomen vnd zu der cronen zu Beheim nimmer mere an
sprache noch forderunge schuln noch mugen gehaben an vrkunde diczs brifs versigelt mit vnsrn der
obenanten heinrichs vnd wygoleis der apoteker anhangenden Insigeln vnd des sint gezeugen di erbrn
Gumprecht von kungeswart vnd Buzlake von hertenberg vnd di habent durch vnser bete des zu ge
zeuchniss ir Insigel auch gehangen an den selben geinwertigen brif der geben ist do man zalte von
cristes geburte dreuzehenhundert Jar dar nach in dem eynen vnd sibenzigisten Jar an dem nehsten
freytage nach sand vites vnd seiner geselleschaffte der heiligen marterer tage