Ich Albreht von ffrvnhoffen bekenn offenleich mit dem brif fvr mich mein havsfraw
vnd all vnser erben vnd tvn chvnd Allen den di in an sehent horent od(er) lesent
daz der edel vnd wolgeborn h(er)r E(r)nst von Hochenloch mich von wegen dez
Allerdvrchlevchtigisten fvrsten vnd h(er)rn h(er)rn Karl Romisch(e)n kaiser zv alln czeiten
mer(er) dez Reichs vnd kvnig zü Beheim / dez dvrchlevchtigisten fvrsten vnd h(er)rn
h(er)rn Wenczlaw kvnig zü Beheim seine svne / g(e)wes(e)n h(er)rn zü Swaebnbvrg von
herczog in Slesien mein gnedigen h(er)rn vnd irer erben mit rechtem czal
verricht vnd gvtt hat tailen Tausent gvlden gvt von gold vnd swaer
von gewicht an d(er) schuld di si mir schvldig sein nach lavt an die der brief
di ich darüb(er) han vnd der selbn cze(n) tvsent gvlden sag ich sy ir erben
vnd nachkom(m)en kvnig zü Beheim vnd Marggrafen zü Swaebnbvrg vnd
ir bvrgen vnd ir geslescht besvnder gancz qvit ledig vnd loz vnd dar
vb(er) zü ainem vrkvnd gib ich in den brif besigelt mit meinem aigen in
anhangendem Insigel d(er) gebn ist nach kristes gebvrtt dreiczehn hvnd(er)t Jar
vnd darnach in dem drev vnd sibenczigsten Jar an g(e)ritwochn vor sand symon
vnd sand Jvda tag