Wir Stephan der Elter Stephan vnd faderich desselben hern Stephans des Eltern vngeeilte Sone von gotes gnaden pfaltzgrauen bey Reyne vnd Herczogen in Beyern fur vns vnd vnser aller
Erben vnd nachkomen die das antretten mag ewicklichen bekennen vnd tun kunt offenlich mit disem brieue allen den die yn sehen oder horen lesen Wanne sulicher wechssel abetretunge vffweichunge
vnd verzicht als der hochgeborne furste herre Otte zu den geiten Marggraff zu Brandemburg pfaltzgraue bey Ryne vnd Herczog in Beyern des des vgenanten herczog Stephans des Eltern
vnser bruder den durchlauchtigsten fursten hern Wenczlawen kunige zu Behem vnd marggrauen zu Brandemburg hern Sygemunden vnd hern Iohansen seinen brudern marggrauen zu Bran=
demburg des Allerdurchlauchtigsten fursten vnd herren hrn Karls Romischen keisers in allen zeiten merer des Reichs vnd kunigs zu Behem vnsers lieben gnedigen herren Sonen Allen an=
dern seinen Erben vnd furbas allen derselben erben ewicklichen die das antretten mag das furstentum die marggraffschafft herschafft vnd marken zu Brandemburg alle vnd igliche yn Stete
burg manschafft lehene geistlichen vnd werltliche leute guter rechte nucze vnd zugehorunge wo vnd an welichen enden die gelegen seyn vnd wie man die mit yren sunderlichen namen be=
nennen mag Ein Iar Iar auch etliche anwartungen furderungen vnd ansprechen vormals gehabt haben hast vnd redlichen abgetreten hat vnd yn die fur den egnanten vnsern herren dem kei=
ser die desselben furstentumes der marggraffschafft vnd marken zu Brandemburg obister vnd rehter lehen herre ist vnd in seinen handen mit Breyuen vnd palmen als das gewonlichen ist
uffgeantwort vffgelassen vnd sich der fur sich alle seine Erben vnd nachkomen ewicklichen die das antretten mag willichlichen fleissiclichen vnd ganczlichen verziechen hat vnd wanne auch
suliche vfflassunge als der vngenante vnser herre der keiser die egnanten seine Sone vnd alle seine Erben vnd derselben Erben vnd Erbes Erben vnd ir fur alle yre Erben kayserlichen den hoch=
gebornen fursten hern Iohansen marggrauen zu Merhern vnd seine Erben vnd nachkomen die das antretten mag ewicklichen in des egnanten Herczogen Otten vnd vnser des vngenanten
Herczogen friderichs vnd ander vil fursten vnd herren gagenwurtikait mit den obgenanten furstentume der marggraueschafft herschafft vnd marken zu Brandemburg vnd mit allen yren
Rechten vnd zugehorungen nichtes vssgenomen offenberlichen recht vnd redlichen belehnet hat die sie auch in besicz nucz vnd gewere seyn vnd siczent vormals mit vnser aller wolberatenem
mut guten dunketwungen willen vnd von vnser aller rehter wissen gescheen vnd volendet seyn dauon mit wolbedachtem beratenem mute guten dunketwungen willen vnd mit vnser
aller rehter wissen geben wir fur vns vnser Erben vnd nachkomen die das antretten mag ewicklichen zu allen sulichen sachen vnd yr iglichen als die gescheen sein von newens vnsern
guten willen gunst vnd volborth vnd beloben beweren beuestenen vnd bestetigen die mit crafft dis brieffs Also das sulicher wechssel abetretunge vffweichunge verzicht vnd belehnunge
vnd auch alle andre sachen die dran hangen vnd darzu notdurfft seyn vollenkome vnwiderruffliche vnd gancze crafft vnd macht ewicklichen haben vnd behalden sullen gleicherweis
vnd in all der masse als ob wir alle vnd vnser iglicher doruber sunderhafftichlichen gagenwurtig gewest weren vnd die mitsampt dem obgenanten Herczogen Otten hetten muntlichen
getedinget vnd volendet vnd wir fur vns vnd alle vnser Erben vnd nachkomen ewicklichen die das antretten mag haben vns auch vnbetwungen vordedachticlich vnd mit vnser
aller rehter wissen verziechen vnd verziechen ewicklichen mit crafft dis brieffs op alles gerede Aller vnd iglicher anwartungen zuiuersicht forderungen ansprechen vnd rechte die
wir alle vnd vnser iglicher besampt vnd besunder an den vorgenanten den furstume der marggraueschafft herschafft vnd marken zu Brandemburg an allen vnd iglichen yren
fursten Grauen herren Rittern knechten Steten burgern landen Slossen leuten gutern vnd zugehorungen geistlichen vnd werltlichen nichtes vssgenomen wie die mit sunderli=
chen namen genant seyn vnd wo sie ligen die nu seyn vnd hernach kunfftig werden von lehenen wegen von erbetails von huldungen von gelubden von brieuen vnd sust
by dheinerley ander sachen vnd stucke wegen heymlichen vnd offenbar alliclichen vnd leytetlichen vormals bis uff diesen hewtigen tage wie vnd von weme wir die erworben vnd
gehabt haben vnd noch in kunfftigen zeiten erwerben vnd haben mochten in dheineweis vnd sagen alle fursten Grauen dinstlute Riter knechte Stete burgere vnd innewo=
nere des egnanten furstumes der marggraffschafft vnd marken zu Brandemburg vnd yr iglichen besunder in sulicherley Also wirden oder wesen er sey beide geistlichen
vnd werltlichen fur vns alle vnser Erben vnd nachkomen ewicklichen die das antretten mag mit rehter wissen vnd crafft dis brieffs ledig los vnd an alles gerede
Aller vnd iglicher huldungen gelubden lehenen manschafft vnd brieue der sie vns als dauor gepunden stat pflichtig vnd vorbunden gewesen seyn oder noch sein mochten
in dheineweis genzlichen empinden quit ledig vnd los vnd weisen sie von rehter vnser aller wissen mit crafft dis brieffs an die vngenanten durchlauchtigen fursten
vnsers herren des keisers Erben wie vil der yczunt ist vnd hernach sein wirdet vnd an derselben aller erben vnd Erbes erben ewicklichen vnd so der nymmer wern An den
egnanten hochgebornen fursten hern Iohansen marggrauen zu merhern vnd an seine Sone vnd derselben Erben vnd Erbes erben ewicklichen als an yre rechte erbliche vnd
naturliche fursten vnd herren marggrauen zu Brandemburg vnd wir obgenanten Stephan der Elter Stephan vnd faderich desselben hern Stephans des Eltern vngeeilte
Sone haben gelobt vnd geloben mit gutem wolberatenem mute vnbetwungen vnd von rehter wissen mit crafft dis brieffs fur vns Alle vnser Erben vnd nachko=
men ewicklichen die das antretten mag in guten truwen in Eydes weise vnd an alles gerede dem egnanten vnsern herren dem keiser kunig Wenczlaw hern Sygemunden
hern Iohansen seinen Sonen Allen andern seinen vnd yren Erben vnd Erbes erben die nu seyn vnd ewicklichen hernach geborn werden dem vngenanten herrn Iohansen
marggrauen zu merhern allen seinen Erben Erbes Erben vnd nachkomen vnd auch allermeniclichen den das ewicklichen antretten mag das wir alle obgeschriebene sachen
Stucke vnd artikele in allen yren worten vnd formen als die begriffen seyn stete gancz vnd vnuerruckt halden vnd volfuren sullen vnd wollen an alles gerede vnd
auch das wir alle vnd vnser iglicher vnd auch vnser aller Erben die nu seyn vnd hernach ewicklichen geborn werden nach den egnanten dem furstentume der marg=
graffschafft herschafft vnd marken zu Brandemburg nach dheinen yren landen Slossen Steten manschafften leuten gutern Rechten vnd zugehorungen alliclichen vnd leytet=
lich nymmer in dheinen zeiten gestellen sullen noch wollen noch nyma(n)ds von vnsern wegen stellen oder stellen lassen mit dheinerley ansprechen furderungen vnd hulffen
geistliches keiserliches bestatiketes vnd vnbestatiketes rechtes ynwendig noch vswendig gerichtes heymlichen noch offenbar noch sust in dheine wege oder weise wie die ge=
nant erdenken kunde oder mochte in dheineweis die hulffen wir vns sunderlichen vnd auch dazu alles des das vns vnsern Erben vnd nachkomen ewicklichen in den obgeschri=
ben sachen zu frumen oder hulffe vnd yn zu schaden kumen mochte mit disem brieff volkomenlichen genzlichen in vnwiderrufflichen vorziechen haben vnd von rehter wissen
czunt verziechen Auch haben wir den egnanten hern dem keiser suliche brieffe die wir von Romischen keisern vnd kunigen vnd von fursten herren grauen vnd Steten des fur=
stentumes marggraffschaffte vnd herschaffte der marken zu Brandemburg vnd sust von yemanden erworben vnd gehabt haben widergeben vnd die gzumal getotet vnd toten die
mit crafft dis brieffs an gerede vnd wer es sache das nu oder hernach dheine suliche brieue furhalden oder furbracht wurden oder zu lichte qwemen wie vil der weren die sul=
len zu stund als sie furbracht werden ouch vntuglich vnkrafftug vnd tot seyn vnd den obgenanten vnsers herren des keisers kyndern vnd allen yren Erben vnd Erbes
Erben vnd auch allermeniclichen ewicklichen nymmer dheinen schaden bringen in dheineweis Wit urkund dis brieffs versigelt mit vnser vngenant Stephans des Eltern
Stephans vnd faderichs desselben Stephans des Eltern vngeeilten Sonen Insigeln Geben zu landshute nach Cristi gepurte dreiczenhundert Iar darnach in dem dreyvndsibenczigist(en)
Iar an sant Clementen tage