Wir Ratleute vnd Burgere gemenlichen der Alten stat zu Brandemburg Bekennen fur vns alle vnse Erbn vnd Nachkomen burgere in der Alten stat zu Bran=
demburg vnd fur dieselbe stat ewiclichen vnd tunkunt offenlichen mit diesm briue Allen den die in sehent oder horent lezen wanne von fvrmals geswo=
ren vnd erblissen gehuldet haben vnse lieben gnedigen herren keys(er) karls sonen kunige Wenczlaw von Behem vnd semen brudern vnd ir allir Erbn vnd
Erbis Erben als Markgrauen zu Brandemburg vnssn rechten Erbherren vnd ab die alle nicht weren Markgrauen Johansen von Merhern des egenan(ten) vnss(er)
herren des keys(er) bruder semen Erbn vnd Erbis Erben als daz in andern vnssn briuen die wir im doruber gebin haben vollenkomenlicher ist begriffen vnd wanne
auch nu der egenan(te) vnss herre der keys(er) sunderlichen betrachteet hat wie er die Marke zu Brandemburg mit iren landen steten vnd lewten die fvrmals
lange zeit mit manigvaldigem kriege vorcerbet vnd beschedigt ist in ewigen fride vnd selikeit seczen muge vnd vns zu sunderlichen gnaden gegunst hat vnd gan
daz wir vnd die egenan(te) Marke zu Brandemburg von dem kunigreiche vnd lande zu Behem der Markgraueschafft zu lusicz den hertzogtumen zu Bresslaw zu der
Sweidnicz vnd zu dem Jawr die zu dem kunigreiche vnd der Cronen zu Behemy gehoren vnd dasselbe kunigreich hinwidir von vns vnd der Marken ewigen schucz
hilffe vnd rat haben mugen vnd auch daz wir vnd die Marke zu Brandemburg vns zu demselben kunigreiche vnd lande zu Behemy in ewige eynunge vasse vnd
fride seczen mugen doran zu eren vnd dienste dem heiligen Romischen Reiche durch ewigen fride besserunge vnd nuczes willen vnss(er) vnd der Marken zu Brandem=
burg die wir in diesm sachen kintlichen erkant haben vnd eugentlichen erkennen So haben wir mit wolbedachtem mute guten wille(n) vnd von vnssn rechten
wissen fur vns vnse Erben vnd Nachkomen ewiclichen vnd die egenan(te) Alte stat zu Brandemburg mit willen vnd volbort des egenan(ten) vnss(er) herren des keys(er)s
als eynes obirsten lehenh(er)ren der egenan(ten) Marke zu Brandemburg dem vorgenan(ten) vnssm herren kunig Wenczlaw allen semen brudern vnd ir allir Erben Erbis
Erbn vnd Nachkomen die nu sein vnd hernach geborn werden kunige zu Behemy vnd ab die nicht weren dem obgenan(ten) Markgrauen Johansen von Merhern allen
semen Erbn vnd Erbis Erbn als Markgrauen zu Brandemburg vnssn rechten Erbherren gelobt vnd gesworen geloben vnd sweren in guten trewen on allis geuerde
daz wir ewiclichen bey dem kunigreiche vnd lande zu Behemy bleiben wollen vnd sullen vnd wir sullen vnd wollen vns douon nymer scheiden oder scheiden lassen
durch dhemerleye stucke oder sachen willen in dheme(n)leis vnd were is sache daz vnss(er) herren kunig Wenczlaws von Behemy bruder Erben oder vettern oder der=
selben Erbn vnd Nachkomen die nu sein oder in kunfftigen zeiten werden vnss(er) herren Markgrauen zu Brandemburg in weren einer oder mer vns von dem kunig=
reiche vnd lande zu Behemy dem kunige vnd andern semen brudern vettern Erbn vnd Erbis Erben die in zeiten vnss(er) herren Markgrauen zu Brandemburg sein
vnd werden scheiden wolten oder ab sie die Marke zu Brandemburg zumale oder in eim teil von dem lande der Marken vorgebin vorkawffen vorseczen vorwechseln oder
empfremden wolten So sullen wir obgenan(te) Ratleute burgere vnd stat dem oder denselben nichtes pflichtig oder vorpunden sein von huldungen wegen noch sust
in dheme(n)leis vnd den oder die fur vnss(er) herren nicht haben alle die weile daz sie nicht von sulichen sachen lassen Sunder vns halten an den kunig von Behem
vnd an andre seme brudir vettern Erbn Erbis Erben vnd Nachkomen die denne vnss(er) h(er)ren Markgrauen zu Brandemburg sein oder sein werden vnd die suliche vorgen(ante)
scheidungen vorgebungen vorkawffungen vorseczungen vorwechselungen oder empfremdungen nicht teten Were auch sache daz die obgenan(ten) vnss(er) h(er)ren kunig Wenczla(w)
von Behemy seme brudir vnd ir allir Erbn Erbis Erben vnd Nachkomen kunige zu Behemy vnd Markgrauen zu Brandemburg der obgenan(te) Markgraue Johans
von Merhern seme Erbn vnd Erbis Erbn alle abstarben do got fur sey So haben wir obgenan(te) Ratleute vnd burger der Alten stat zu Brandemburg fur
vns vnse Erben vnd Nachkomen burgere in der Alten stat zu Brandemburg vnd fur dieselbe stat ewiclichen gelobt vnd gesworen geloben vnd sweren von
rechter wissen mit krafft ditz briues in guten trewen on alles geuerde Eynem iglichen kunige zu Behemy der denne in zeiten wirdet vnd ist daz wir den
vnd mit ym seme Erben vnd Nachkomen ewiclichen vnd nyemand anders vor Markgrauen zu Brandemburg vnss(er) rechten Naturlichen Erbherren haben vnd
halten sullen vnd wollen vnd vns von ym dem kunigreiche zu Behemy semen egenan(ten) furstentumen herschafften vnd landen die dorzu gehoren nicht schei=
den noch scheiden lassen sullen noch wollen in dheme(n)leis on alles geuerde Wanne is auch zu sulichen schulden kumpt So sullen vns dieselben vnss(er) h(er)ren
vnss(er) rechte briue vnd freyheit bestetigen als ire vorfaren Markgrauen zu Brandemburg getain haben vnd des zu ewigem vrkund vnd ganczn sicherheit
haben wir vnss(er) egenan(ten) stat Jngesigel an diesm brieff lassen hangen der gebin ist in der Alten stat zu Brandemburg Nach Cristes geburte Dreytzehenhund(er)t
Jar dornach in dem vierundsibenczigisten Jare an dem heiligen pfingst tage