Wir Sigm(un)d von gotis gnaden Marggraue zu Brandemburg des heiligen Romischen Reichs Erczkamerer vnd kurfurste Entbieten allen vnd
iglichen fursten geistlichen vnd werltlichen Grauen freyen dinstluten Rittern vnd knechten Burgermeistern schepfen Reten vnd burgern allir stete
vnd d(er)n allirmenglich(en) als verre das heilige Romisch Reiche begriffen ist vnd die zu dem selben Romischen Reiche gehoren In welch(en) wir oder addel
eren oder wesen die seyn Vnsern grus vnd allis gut Wir lassen euch alle vnd ewr iglich(en) wissen Das wir mit allen vnsern mitkurfurst(en) geist
lich(en) vnd werltlich(en) vnd sie mit vns hute hie zu frankenfurte vff dem groven den Allirdurchleuchtigisten fursten vnd herren hern Wenczlawe
kunige zu Beheim des Allirdurchleuchtigisten fursten vns(er)s gnedigen herren keiser karls Sone vns(er)s lieben bruder eyntrechticlich(en) zu Romischem
kunige zukunfftigem keiser erwelet vnd erkoren haben Vnd von sulicher kure wegen haben ym die Burgmeister Rate Schepfen vnd burger gemeynli
ch(en) des Reichs Stat zu frankenfurte von geheisses wegen des egenant(en) vns(er)s herren des keisers mit vns(er)m vnd allir ander vnser mitkurfursten wis
sen vnd willen als eynem Romischem kunige eyntrechticlich(en) erwelt vnd gekornem gelobet vnd gehuldet als in yrem briene geschriben steet der hernach
von worte zu worte begriffen ist Wir die Burgmeister Schepfen Rate vnd Burger gemeynlich(en) der Stat zu frankenfurte Tun kunt allen den die
disen brieff sehen oder horen lesen Das wir von geheisse des Allirdurchleuchtigisten fursten vnd herren hern karls Romischen keisers zu all(en) zeiten
merer des Reichs vnd kunigis in Beheim vns(er)s lieben gnedigen herren vnd mit wissen vnd willen allir kurfursten des heiligen Reichs mit trewen ge
lobet haben vnd leiplich(en) zu den heilig(en) gesworen den Allirdurchleuchtigist(en) fursten vnd herren hern Wenczlaw gekornem Romischem kunige vnd
kunige zu Beheim yn fur eynen Romischen kunig zu haben vnd zu halten alle vnsir vnd seyne lebetage Vnd wanne der obgenant(e) vnsir herre der keis(er)
von todes wegen abegeet das got lange wende oder das er das Reiche vffgibet So sullen vnd wollen wir in guten trewen dem egenant(en) vns(er)m h(er)r(n)
kunig Wenczlaw gehorsam vnd verbund(en) seyn Vnd gewarten alle vns(er) vnd seyne lebetage als eynem Romischen kunige zukunfftigem keiser vnd
als vnserm rechtem herren ane alle argeliste vnd geuerde Wir sullen vnd wollen auch in des obgenant(en) vns(er)s herren des keis(er)s huldungen vnd trewen
nu vnd hernach seyn vnd beleiben ane alles geuerde als lange er gelebet oder bis er das Reich vffgibet Vnd des zu vester stetikeit han wir vns(er)
Stat Ingesigel fur vns vnd vnser nachkomen an disen brieff gehangen Der geben ist zu frankenfurte Nach cristis gepurte Tausent dreyhundert
in dem Sechs vnd sibenczigisten Jare vff den nehsten mitwochen vor sante Viti vnd modesti tage Dorumb verbund(en) vnd entbieten wir euch allen
vnd ewr iglich(em) besunder als eyn Marggraue zu Brandemburg des heiligen Reichs Erczkamerer vnd kurfurste von geheisses wegen des egen(anten)
Vnsers herren des keisers das ewr iglicher dem vorgenant(en) vns(er)m herren kunige Wenczlaw von Beheim als eynem rechten Romischen kunige gleicher
weis gelobet vnd huldungen tut vnd ym druber ewr offene besigelten briene geben sullet Mit vrkund dicz brienes vorsigelt mit vns(er)m anhan
genden Ingesigel Geben zu frankenfurte Nach cristis gepurt Tausenthundert Jare dornach in dem Sechs vnd sibenczigisten Jare des nehsten
dinsttagis nach der heiligen dreifaltikeit tage