Nos Otto senior et Otto iunior fratres de Lobdurch dicti de Bergow recognoscimus tenore presencium et fatemur Nos illustrissimo
principi domino Iohanni Regi Boemie et Polonie ac Comiti Lucelburgensi maritis exultacione super eo quod habita de bonis nostris
infrascriptis videlicet Antiquo et Nouo Geberch et Ciuitate inibi Belyna cum Castro ibidem et omnibus bonis et hominibus ad ipsa
et ipsam spectantibus videlicet Curiis homagiis villis siluis agris aulis et in aulis siluis rubetis pratis pascuis
piscariis piscacionibus venacionibus aquis molendinis censibus redditibus fructibus honoribus dominio iurisdiccione eorumque
et omnibus aliis iuribus et pertinenciis suis in quibuscumque nunc vel in futurum assistant feoda esse feodales et vassallos et eorum
resignacione in suis sponte et libere facta manibus et ab ipsis pro nobis heredibus et successoribus nostris huiusmodi bonorum nostrorum
dominis seu possessoribus in feodum recepisse sibique prestitisse de homagii prestito prestito iuramentum corporaliter prestasse
promittentes sub eodem prestito iuramento quod ipsi domino nostro Regi suisque heredibus et successoribus Boemie Regibus tamquam vero
domino seu veris dominis nostris nos heredes et successores nostri quicumque predictorum bonorum domini seu possessores fuerint velut
eorum vassalli et feodales cum omni fidei assistencia et debita promptitudine semper in antea intendemus et eo saluo quod uxoribus
nostris legitimis duo milia Marcarum grossorum denariorum Pragensium et nil amplius sexaginta quatuor grossos pro qualibet
Marca computando in supradictis seu omnibus aliis bonis nostris Castris et Ciuitatibus dumtaxat exceptis possimus nomine
dotalicii vel donacionis propter nupcias assignare et ex iisquidem bonis pro heredum vel heredes nostros vtriusque sexus
ita quod si filium vel filios non habuerim extunc filia vel filie nostre legitime in huiusmodi bonis nostris succedere
valeant pleno iure in prefata summa pecunie exsoluta ad eum vel eos seu eam vel eas denuo reuertentur
possidenda semper per ipsum vel ipsos ipsam vel ipsas a domino nostro Rege heredibus et successoribus suis memoratis titulo
feodali In quorum omnium testimonium et euidenciam presentem literam fieri fecimus sigillorum nostrorum munimine consignatam
Datum in Praga Anno domini Millesimo CCCo XXVIIo VIIo Idus Iunii

ponatur ad homagia
Baronum Boemie