Wir Bothe von Eysenburck. vnde vnse Amme. der Alte Bothe vnde Albreht. tun kunt Alle den die dysen brif sehen. der.
horen lesin. daz wir dem erbern. Adame. kochebore von Gersten sinre husvrowen vorn osten. vnde sinen erben. von guten
willen. vnde mit bedachtem mute. vnse hus czw kostemitz vor kowft haben. rehte vn(de) redlich. mit Alleme rehte. mit.
dinsthafte. mit gerichte. mit kyrchlene mit gerichte. mit holze. mit wassir. mit weyde. mit wysen. mit vorwerken. mit. me
dorf czw kostemitz. mit helingy. mit luppolz. mit rosen tal. mit Acker. mit Alledeme nutze der da czw gehort. daz
her vn(de) sine erben en dem mochte behalden. so. die Ilter macht angen. d(er)e daz gut czw waret. daz heinch vnde nykel
von nyspegar. von vns haben. daz czw deme huse gehort hat. da vor so habe wir en den vor genanten kochebor vnse man
heyden vn(de) nykel sinen bruder gewist mit deme gutte czw me behalden. daz sie daz von em vnde von sinen erben habe
behalden mit Alledeme rehte also sy es von vns gehabet haben. vnde dysen dem dicke vorgenanten kochebore sinre vrowe
vnde sinen erben. daz vorbenante hus. mit Alle deme gutte daz dar czw bescriben ist vnde benant vnde also vil holczs
vf vnsem rosen walde vnde in vnsem gehegten tana es offen ist also her czw sime huse vnde czw sinen vorwerke darf
vnde Alle tyer vf vnsem wilden vn(de) vf vnsem gutte czw eysenburck. czw rehtem lene eweclichen vn(de) erbeclichen
von vns vn(de) von vnsen erben czw habene vn(de) czw behaldene. also bescheidenlich. daz her vnde sine erben vnse ge
bessert man die behalden vn(de) vnser erben. vffe deme huse vn(de) von dem gutte daz darczw gehort. vnde daz daz
hus vnse offen hus behalden keyn Allermenglich. czw vnsen noten. vn(de) ist ouch daz sache also gelint. daz wir in
vnsen nugen volk vffe daz hus legen. mit den schul wir da kost selber trage. vn(de) schul des keynen schaden nime
der schal vnse sin vn(de) nicht sin. lege abir wir nicht volk da hyn. so schal her vns helfen mit deme huse mit vns
selbes lute vn(de) nicht sinre macht. nicht andirs dinstes ist her vns phlichtic. wa aber des got nicht en wolle ab
her kochebor sturbe ane erben so schal sin husvrow. vn(de) sine tocht(er). daz selbe reht an huse vn(de) an gutte haben
gelicher wis also her selber. es schal ouch sin husvrow vn(de) sine tocht(er) vns vn(de) vnsen erben des selben rehten phlege
also sy kochebor selber. daz dise lehen von vns vn(de) von vnsen erben gancz vnde stete gehalden werden des habe wir
dysen brif ge geben vor sigelt mit vnser Aller Ingesigel. dirre vorbeschribenen rede syn geczeuge vnse man
niczkel von dawin. stefan von ratin. vn(de) heinch ezyrner. von hugewicz. vn(de) da legen yre Ingesigel czw geczugnisse
Alle an dysen brif. der ist ge geben nach gotes geburt dreyzenhundirt Iar in deme dry vnde dryssigstem Iare
an deme nehsten suntage vor sente thome tage czw eysenburck vffe deme huse