Wir Albrecht von gotes gnaden Romischer kunig zu allenczeiten Merer des Reichs vnd zu Hungern zu Behem Dalmacien Croacien (etc) kunig vnd
herczog zu Osterreich Bekennen vnd tun kunt offenbar mit disem brieff allen den die In sehen oder horen lesen Wann fur vns komen ist die hochgeboren
Elisabeth herczogyn in Slesien zum Brige vnd Lignicz vnser liebe amme vnd furstynn vnd hat vns furbracht Als der hochgeborn ludwig herczog in Sle
sien vnd herre zum Brige vnd Lignicz Ir gemahel seliger Iren beyden Elichen Tochtern den hochgeborn furstinn Magdalen vnd hedwigen yglicher
besunder zubesteurung Czehen Tausent Schock Behemischer grossen auf seinen landen vnd Steten zum Brig zu Lignicz zum Goltperg zu Haynaw vnd
auf der pfandung zu petschen vnd kreuczperg vnd allen Iren gutgehorn dar geben vnd verschriben hat vnd dorauf denselben Iren beiden Tochtern zu
Vormund erwelt vnd gekoren hat die eygenan Elisabethen sein gemaheln hat vns nu diesell Elisabeth vnderricht wie das Sy durch mancherley
Anligender sache vnd gebrechen willen die Ir vnteraugen gestossen sein sulich vormundschafft aleyne nicht so wol verfresen muge als Sy doch gerne tette
vnd Irer Tochtern notdurfft were vnd hat vns fleissiglich angeruffen vnd gebeten das wir Ir zuhilff in den sachen denselben Iren Tochtern Magdalen
vnd hedwigen den hochgeborn fridrichen Marggrauen zu Brandenburg vnd Burggrauen zu Nurenberg Iren Bruder vnsern lieben Oheime vnd
fursten zu Ir zu vormunde zu geben vnd Im das zubefelhen genediclich geruchten Haben wir angesehen vnd betracht sulich der obgenan Elisabe
then redlich muglich vnd zimlich bete vnd auch zu borderst Irer waysen Tochter bestes der nucz vnd fromen wir gerne sehen vnd furwenden Als
vns von kunigliche gemalte wegen als einem Obersten vormunde aller der fursten kinder die in vnsern kunigrichen sein vnd Irer eltern eines oder mere
von gotes verhengnus wegen beraubt werden wol gezymmet vnd haben mit wolbedachtem mute vnd gutem Rate denselben Magdalen vnd hedwigen
den eygenan Marggraff fridrichen zu der mergenan Elisabethen Irer muter zu vormunde geben vnd sulich vormundschafft getreulich zuuerwesen befolhen vnd
befelhen Im die von kuniglicher macht wegen in krafft dis briefs gepietende ernstlich das er sich solicher vormundschafft mitsampt der eygenten seiner Swester
ammene vnd den eygenan seiner Swester Tochtern fleissiglich vnd getreulich vorsein wolle vnd solle als billichen ist das ist vns also ein gancz wolgefallen
Doch so behalten wir vns hieynne die Obersten vormundschafft Also das man der obgenan Magdalen vnd hedwigen nicht verendern noch verelussen sol
es geschee dann mit vnserm Rate vnd willen Mit vrkund dis briefs versigelt mit vnserm kuniglichen Anhangend Insigel Geben zu Bresslaw Nach
Cristi gepurd vierczehenhundert Iar vnd dornach in dem Achtvnddreissigsten Iare Am mittwochen nach vnser lieben frawen tag Concepcionis vnser
Reiche Im Ersten Iare